我由細到大，家人都係帶我去睇私家醫生，為的是貪方便。尤其是我的祖父母在生時，他們有著很多病痛，往往都是到養和醫院覆診，那時我在司徒抜道的嶺南到教，一放工就可以行落去養和陪他們睇醫生，超方便。

不過到祖父母晚年時，試過有幾次好危急，便call白車到東區醫院，剛好那時東區醫院才落成，給我的印象很好，已不是聽別人所說的那麼差！

由懷有卓希開始，我便用公立醫院的服務，當時都有些爭札，到底去私家醫院好定係公立醫院好呢？後來決定係東區醫院的最主要原因係，我的親戚大多在柴灣到住和工作，他們可以利用一些空閒的時間來探我！(因為要他們過海來睇我坐月係好困難的！)就係由嗰時開始，我慢慢的每樣嘢都係去東區醫院到睇，一嚟無咁多人，二嚟，終始終都係基督教醫院，氣氛會好些。

就像今天，我回去覆診：產後情緒科，其實這兩個月來我都疲胃痛及背痛攪到我好唔舒服，睇了三次私家醫生，兩次九龍灣診所門診，醫生都搵唔到乜嘢原因。我有要求過醫生不如照照佢，睇下有無乜嘢特別，但係佢哋都唔肯！今日覆診時，無意間講了出來，終於有個醫生肯轉介我去內科，仲係叫做快期，睇吓可唔可以幫忙照下胃鏡。

所以雖然東區醫院係遠咗少少，不過我都覺得直得的。但就要用好多時間去等，就像今天，我本來係約了早上十點半的，但攪到差不多成兩點才能走人，依家放假就話無問題啫，下次覆診時就要返工，我都唔知點樣請假？算係早上定係下午呢？

我依家有好多嘢係東區醫院到fellow up的：
耳鼻喉：鼻敏感，也許要做手術
產後跟進：情緒
骨科：腰及背
物理治療：腰
內科：胃

暑假覆診就好，唔使特別請假，開咗學之後就煩，要覆咁多次，我怕就快工都無得做！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄