close
今日係卓希第一日同tunt姐姐係屋企，我同卓希爸昨天已經開始有少少担心，因為依個仔真的唔易湊！

今日返工，一上網睇隻豬仔，已經同緊tunt姐姐“玩過”，佢要幫忙拖地，但係姐姐就唔俾(因為dirty麻)！然後我見到就打返屋企，隻豬仔聽完電話後，我叫佢俾姐姐聽，佢點都唔肯，cut我線。咁我只好再打過，打咗成十次都有！次次都係豬仔希聽，我都見姐姐係電話旁，佢都唔聽，要豬仔聽完再交給她，咁豬仔咪扭計大吉囉！

好難先挨到隻豬仔訓晏覺，醒咗後，又扭過，今次我忍唔住，叫卓希爸請爺爺過嚟同卓希玩！果然，佢無再喊啦！其實唔係佢唔接受姐姐，係唔習慣兩個人單獨咁同姐姐一齊。我晚上返到屋企後，姐姐話卓希係訓晏覺時係咁叫：「ee、ee！」

學嫲嫲話齋，都要成十日八日先至習慣，聽到卓希喊，我個心痛到“拿住”。好無助，又好想幫姐姐，但係又幫唔到！唉！做亞媽真難！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄