以下節錄自飛行服務隊網頁:
政府飛行服務隊11月18日首次在位於機場的總部舉行開放日，向市民簡介飛行服務隊的工作。  
節目包括飛機展覽和攤位遊戲，並設有兒童飛行制服攝影攤位，讓兒童裝扮成威風凜凜的機師，以及飛行示範、警犬和電單車隊表演等。
開放日在上午10時至下午5時30分，在香港大嶼山香港國際機場南環路18號政府飛行服務隊總部舉行。 節目包括展出飛行服務隊飛機，如AS332 L2超級美洲豹直升機、EC155 B1直升機和捷流41型定翼機和器材展覽、消防處器材展覽、民航處展覽攤位、漁農自然護理署攤位遊戲、地政總署空中攝影器材展覽、民眾安全服務隊攀山拯救器材展覽，以及香港航空青年團攤位遊戲。
開放日也設有兒童飛行制服攝影攤位，讓兒童裝扮成威風凜凜的機師。

起初我都唔知有開放日，係上baby kingdom見有媽媽問人有沒有票時，我才又貪得意的問一問，居然真係有媽媽多咗兩張票，我好開心，因為卓希好鐘意睇飛機同直昇機！
雖然早上十時才開始，但我好怕人多，便一早八時半就出門口，去到飛行服務隊總部都係九時三十五分。也許由於多人，未夠十時已經開放，人雖然多，但係條龍都未有停下來，係咁向前行，所以卓希無扭計(依樣係最重要，因為得我同tun姐姐，卓希爸早上有家長日，要返工！)
一去到，就見到樂隊，卓希話要影相，但係唔知佢係邊到學，一影相就做V字手勢，超好笑！


卓希就係最鐘意睇依d的直昇機，開心到不得了！


去到仲學人急救，叔叔叫佢問問個病人有無反應，如果無就叫媽媽打電話叫救護車啦！超好笑！

介紹你識一個明日的飛機司，型唔型呢？


嚟！再嚟一個左面！


又嚟一個右面的靚仔樣！(我個仔著起制服，真係超型！我係戀仔狂！)


突然間，有一個兩粒花的真機司話同卓希影相，嘩！卓希幾開心，仲定定地咁企係到！(卓希個身到都有一粒花！哈哈哈！)


係出面停機平，等緊睇直昇機表演時，就見到原來gingin一家都有嚟，我依個亞媽緊係把握要佢哋兩個一齊影相，係佢哋兩個小朋友影緊甜蜜相時，突然又有兩個真機司話要同佢哋影，其中男的係高級機司(都係有兩粒花的)，女的emily係唯一一個女機司，仲有兩張書簽送咗給他們，大人細路都好開心！


直昇機表演花式！


仲有得睇模擬救人的情況，好好睇！


由於下午輪到我有家長會，所以睇完表演就返屋企，係大快活交收卓希給卓希爸。返到心光，我好好彩，一個家長都唔使見，所以便係到出卷。成六點四十五分才走人。嘩！攰到我無哂力！好想快d逹茖張床到係咁訓！
arrow
arrow
    全站熱搜

    suklaic 發表在 痞客邦 留言(3) 人氣()

    E-mail轉寄