close
搬咗嚟新屋後，我同卓希爸的大床由普通的雙人床變成Queen size的油壓床。諗住會夠用，因為以前係細屋時，卓希張床係拍住張大人床，所以係一張勁大的床，但係嚟到新屋後，佢要學習自己訓。由初初佢張床係我哋間房，到現在有自己的房。不過晚冕半夜一點幾都會走過嚟煩貢貢，總之就係要癡住我哋！
咁大床訓到幾多個人呢？答案係：四個！卓希爸、卓希媽+楊老二、仲有就係成晚都反嚟反去的卓希豬。由於近來天氣凍，而我同卓希一起共處一室幾晚，知道他的“富”被情況好鬼嚴重，而tun姐姐係咁凍的天氣半夜都無乜點起身(又好難怪佢，因為天氣真的好凍！)所以我批准卓希同我哋一齊訓，暖好多，又容易照顧佢。
哈！原來依隻豬仔真的好鐘意癡住我哋，係依兩個星期的共床情況下，佢可以訓到早上八點，係八點呀！對我同卓希爸嚟講，簡直係聖誕禮物的bonus。卓希爸今天表示，話怕卓希下星期返學時，訓到咁晏點算？我就唔怕，因為卓希豬訓得耐係因為有人氣係佢身邊，我哋一起身要返工後，佢就好快醒的。
如果第時俾我有機會整過張床，就有咁大整咁大(好似最大都係king size)，因為我諗兩隻化骨龍都係鐘意癡我哋的，而有大d地方，大家都訓得舒服啦！
全站熱搜
留言列表
廚藝“棒” (5)
