今日我返十二點，所以可以先送卓希返學，然後係德福嘆埋過早餐先返屋企。係我嘆緊早餐時，個煩租客x太太又打給我，佢話想係張租戶收據到加埋佢個名。咁我話，之但係張租約只有佢先生個名，咪連張租約都要改過？當時我已經醒，無即是答應她，話要問過agent龍小姐先。
但係x太都唔放過我，係咁講話要15號前整好然後唔知加個乜嘢印，我話都幫唔到佢幾多，第一、我哋第一次租屋出去，所以都係問吓專業的龍小姐先。第二、我今晚又要返夜，明晚又要返夜，最快都係週未先可以落到去地產到攪。哈！一講到依點，佢突然好好人咁話：「不如我放咗工後行過嚟你到，順便將d信交給你！」啍！上次我點解釋俾佢聽時，又話放咗工後都好攰，行唔到過嚟，又依樣又個樣，今次仲自動獻身話行過嚟？好彩我唔係三歲小朋友，我話都係要聽d專業意見先！跟著佢好無奈地收咗線！
佢急我唔急，又唔關我事，我猜她是急於向公司claim錢，不過d單真的無佢的名，咪claim唔到囉！點知又俾我猜仲！
我返到屋企，仲做咗好多私人嘢，臨出門口返工前先打給龍小姐。龍小姐第一句就話：「阿楊太，你唔使理佢，係佢自己疏忽。」初初我都唔明白，原來係唔可以的，因為當初佢哋租時，係打了“釐印”費，如果現在要加名的話，係要罰十倍的錢(即是成三千幾忟)。原來阿x太打給我之前已經打咗給龍小姐，龍小姐都同佢話要罰錢的，不過就會全數由佢哋自己出，因為事件不關我哋的事，係佢哋當初租屋企疏忽唔加埋個名上去。龍小姐話叫我唔好理，由得佢同x太交涉，我不知幾開心佢咁樣講，咁咪唔理佢啦！
點知黃昏崇拜後，我見到手提有一個miss call，係x太的電話號碼，仲係下午三點幾打給我的。之但係真的好忙，無時間去理。晚上返到屋企後，正預備要打日記時，便順便打給龍小姐，看看情況如何。原來龍小姐在早上和我傾過後已經打了給x太，我話佢下午都有打給我，龍小姐話一定係佢唔c心，叫我唔使理佢，由得佢自己攪“釐印”的嘢(如果佢真的想加名的話)！不過，我聽龍小姐的語氣，好似好想我哋唔好再租俾佢哋，依家我哋層樓可以租到成六千八，梗係啦，佢可以收佣麻！不過老二就快出世，我唔想用精神與時間係依d事情上，咪租多一年俾佢哋，之後睇吓點先啦！
全站熱搜
留言列表
廚藝“棒” (5)
