close
卓希爸真的病倒了，所以今天全天都由我照顧著卓希。嚴格嚟講，係由昨晚開始，我就同卓希訓(姐姐係廳到訓)，免得卓希半夜又走去大床找佢爸爸，而且我都怕卓希爸會傳染我，所以都係“生人勿近”！不過由於我個肚這兩天放假後大咗好多，所以訓地下真的有點兒吃力，不能平訓，因為老二重到我條腰好痛，成晚都要打側兩面嚟訓。

一早我就帶卓希同tun姐姐去買餸，其實正確d嚟講，係買家庭用品，因為我之前真的好長時間無理到屋企，所以好多嘢都開始缺貨，係時候要添添！跟著到差不多時間，我就一個人帶著卓希返教會，兩個星期無返，都唔知今日有聚餐添！卓希見到有得食，就係咁話要係教會到食嘢，我話之前都無報到名，不過教會好好，可以俾我哋即時報名，三個人只係俾一個價錢！哈哈哈！

跟著返到屋企時，卓希已經係車到訓到成隻豬咁。好彩佢係屋企都訓咗成兩小時，佢醒咗無幾耐之後，我哋就去德福行行街，最主要目的係隔離卓希同佢爸爸，返到屋企後，仲要開“怪獸公司”給卓希睇！總之就係要節目多籮籮，唔好等佢哋兩個再交义感染。今晚佢又係要去大床到訓，以為卓希爸可以陪佢(卓希爸今晚落床的時間多咗)，但係我都唔俾佢去大床，佢就係咁扭計。最後我只好出激障法道：「好y，你去大床啦，但係媽媽唔會買田螺車給你的，因為你一去大床就會被爸爸傳染，然後又會未好番。田螺車只係為好番哂的小朋友而設的。你去大床啦！媽媽仲開心，可以慳番一筆錢唔使用！」依招絕，卓希又要掛住個爸爸，但係又想要田螺車(佢好想要好耐，我點都唔買，今次就借好番之名買給他。其實已經買咗，不過等聖誕節才拿出來！)，所以都衰衰地係我訓嗰個位到訓咗！(今晚卓希爸又自動獻身，坐係佢房門口“陪訓”，兩個咁癡身，點會唔交义傳染y？)

唉！我攰到不得了，因為卓希訓親覺(無論係晚上或下午覺)，佢都會訓訓下係咁大喊，又要抱又要攬，先可以再訓過。所以可想言之，我由昨晚開始，已經無乜休息，今日下午卓希訓咗之後，半小時就喊一次，tun姐姐去“暗”佢都唔得，一定要我“出馬”。咁訓下又起身，又或者都未訓著就起身，簡直係身心疲累！

卓希爸快d好番啦，再係咁落去，我怕我會早產！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄