港楊回憶，樂趣無窮！

依句本來係今日下午預備今晚要寫的日記：

要最後“沖廁”讀書，唔寫日記住！

而題目為“沖廁”，但係今晚所發生的事情令到我無法專心讀書。

話說芳ee的兩個女兒由泰國探她，明天一早八點機便會走，我諗住難得人哋一家人團聚，就叫她早些回家啦！仲唔使煮飯就走，我哋三個就落街食，食完飯我仲要去超市買餸。返到屋企卓希已經乜嘢都扭一餐，洗手又扭，我同佢換睡衣佢又扭，扭到卓希爸都好惡咁對佢，之後一切都攪惦，終於可以飲最後個餐奶時就輪到卓希爸麻煩。卓希飲得奶嚟都成八點三，卓希爸好鬼緊張睇電視，就開咗部電視，睇少一陣會c咩？個仔又預備訓覺，佢唔似我哋大人，話訓就訓，要有一段時間係床到look下同玩下先會訓，你又係依個時間開電視攪咩呀？我話佢，佢就話你估個仔會咁快就訓得著咩？我話咁都要有一個預備訓覺的環境先得架，唔通你上堂教書時，又可以你睇住電視咁教學生咩？佢係都要同我唱反調，話得！

我真的好嬲，今次已經唔係第一次為咗睇電視而唔理個仔，係由超市返屋企的途中我已經話我今晚唔會理你哋兩個，你要好好咁照顧卓希，點知一返到屋企又係咁！好！我唔靠你，自己一個同卓希入咗房，但係個仔真的好鐘意爸爸，係咁話要爸爸，我話爸爸要洗澡，卓希又係咁扭，我今晚火遮眼，用打咗卓希的pat pat幾次，我好心痛，但係個時真的唔知自己做緊乜，好嬲。我自己攪得惦的話使鬼你同亞芳咩？貪你哋真的幫到我嗎？係我自己真的無時間就要你哋幫啦！好啦！今晚我連打，連抱，連“暗”卓希都用咗成個半鐘，本來唔想打日記都用咗幾個字，咁好啦，成晚就咁無哂啦！一拍兩散，明晚我一定肥佬！

嬲係嬲個老公唔生性，係屋企係可以唔理個仔，但係出到街時，無電視，無電腦，就會好好好好緊張個仔，時時都唔知抱咗佢去邊。好似昨天嘉年華會咁，理應可玩灘位遊戲，就帶咗個仔唔知去咗邊，完全係唔合群。睇少一陣電視會c咩，我以前都係電視精，但係為咗個仔都已經改咗好多，仲有好多vcd都未睇！點解d男人咁自私，自己的工作就係重要，又要女性返工，但係就唔重視女性的工作。

我知依到有好多佢的學生會睇，我一於唔理啦！依度係我的地方，我有發言權！