港楊回憶，樂趣無窮！

約了幾個媽媽們一起帶d bb去哥登寶號，依d唔使錢的嘢，都知一定會多人，不過心諗今日唔係公眾假期，應該會好d的。我會三人〈我啦！卓希啦！仲有芳ee！〉十時四十五分便到逹，初初見到商場無乜人，仲以為我哋好早添，原來係要行到出面先排隊，我哋一路行，一路行，要排到走廊的盡頭才是龍尾。我快快的打電話給其他媽媽們，急call她們快些到，因為如果唔係後面的人會以為我哋“打尖”。小魚媽十一時二十分到逹，柏謙媽大約十一時四十五分到逹時，主辦單位已經要關門，不接受人排隊啦！所以卓希同小魚兩個b都同我哋一齊係咁排隊都無乜扭計都算唔話得啦！另一批媽媽們就負責去pizza到攞位同叫嘢食，食住先，我哋一時才能拿到門票，便急急腳的去食嘢，因為兩個b都肚餓，開始有d扭計。

小魚同媽媽等到頸都長

上船時卓希都有少少唔慣，攬得我好實，不過佢見到其他小bb玩的話，佢又會精神返。大家仲好開心咁係船長室上面的窗到爬係到幫船長抺窗。

係人哋的飯堂到飲藍梅汁

返屋企時，卓希食完兩個牛角包就已經係車到訓咗，我仲心諗要唔要去世界，因為有個學生的媽媽過咗身，心想要去一去，車子經過歐化時，好塞車，我哋相反方向都塞咗成四十五分鐘。返到屋企都成四時三十分，如果真的要去世界，我又真的好趕，因為要預塞車的時間〈仲有回程呢〉，今晚我仲要返bu，返七點，所以決定唔去。

話說我返到屋企攰到c，卓希訓咗，我都想休息下，點知吉媽打來問拿船的門票情況，我都知佢一定唔會去的，因為佢比我係依方面更無耐性。點知傾完個電話就一d都唔想訓啦。心郁郁唔想返學。
好彩有返學，今晚係學科主任主講，佢同我哋溫習，佢講得比起原先我哋的講師易明好多，唉！點解唔係佢教我哋呢？又快要考試啦！