港楊回憶，樂趣無窮！

一早卓希又“倒塔”咁早起身，天氣咁凍，依隻豬仔都係咁早起身。昨晚我訓了他的位置，原來真的幾凍，雖然佢的床係死角位，但係冷氣機的位置原來係會入風的，唔鬼得知佢咁多nose水啦！所以今晚我要垃圾袋封咗佢，不過天氣咁凍，我都會希望佢訓中間，會暖d，再唔係就要開暖爐！

今日已經係第三堂的音樂playgroup啦，一去到，就見到小吉同吉媽係休息間到，卓希同小吉先嚟一個擁抱加KISS KISS，佢哋兩個真的好得意，上緊PLAYGROUP聽故仔時，又會拖住手仔，真的好可愛呀！

上完PLAYGROUP後，我哋同小吉一家要分頭行事，小吉約咗佢婆婆飲茶，佢哋要直行，我哋要過馬路走人，點知卓希見到小吉要走時，係咁拉番我要向直咁行，我真的差點俾佢拉到，佢係咁指住小吉，小吉都見到我哋的情境，不過就無發表意見，因為佢爸媽已經帶咗佢行咗一段路。我就要抱起卓希，佢過咗碼路都係咁要望住對面馬路要睇小吉一家，不過已經唔見咗人，佢唔識講小吉，不過就係咁指住對面馬路，睇到我心痛，原來兩個小朋友已經有深厚的友誼啦！好感動！！！
我一個人帶著卓希返到屋企，佢都已經係車到訓著咗，咁我都好快咁同佢一齊訓一訓，到卓希爸放工返咗嚟之後，我哋一家就去了九龍城公園到玩。卓希見到小朋友們玩捉時，真的好鐘意，成日走埋去，好想玩埋一份，不過個D全部都係大仔，好怕佢哋會撞跌佢！

之後梗係到我威啦，去吉之島，但真的人山人海，好似D嘢唔使錢一樣，我哋食完嘢之後就無買過嘢就返屋企。睇嘢一D都無問題，無題在於要俾錢時佢條隊真的好長。