close
嘻！我都知自己係起唔到身睇波的，今天早上聽收音機時，又真的好精彩，有少少後悔自己咁懶惰。不過昨天凌晨四點半時卓希醒咗，而且一定要飲奶(我的天阿！近來半夜成日都要飲奶，我會c的)，好啦！咁我就開奶俾佢飲，飲完之後俾返個奶咀佢，當佢差唔多想睡時，又開始係咁咳，又係咳到嘔個隻。咁我就立刻叫卓希爸，當時就正係射緊最關鍵的那球十二碼，不過卓希爸都好快咁返嚟幫我，又係換床單的晚上，卓希飲咗奶即是代表無飲到。他都要成五點幾才訓著，但可惜我又快要起身返工，唔攰就怪啦！
我今日返工，真的很忙，除了忙夏令營外，仲要忙找按揭的資料。然後今天係我答應一班學生任由他們負責晚禱。由一開始到今晚的過程中，真的見到他們很落力，也許他們對自己的能力期望高，所以在一開始時，已有一些情緒上的不開心事情發生。但真的感謝神，judy的兒子恆山今天有時間來看看，而且他給了很多寶貴的意見，仲同他們夾band，令事情可以得到解決。
返到家裏，仲要同卓希爸傾找銀行的問題，我真的攰到有點無心戀戰，事情發展得太急和得太短時間給我們去找資料(尤其係這個學期尾咁忙的時間)。所以如果有下次，我一定唔會再給經紀大返轉頭。
全站熱搜
留言列表
廚藝“棒” (5)
