close
台灣地震又關香港事？關！只係卓希媽一家係海洋公園嘆世界，唔知出面的世界好險惡。但今天真的煩到我，因為那些光纖影響了上網，很多網址都上唔到，連最common的yahoo都上唔到，嚴重地影響到我的生活！希望快d整返好啦！
 
 
今日我哋家多咗一位小朋友，張恩橋，明天便三個月大啦！係一個醒目仔，醒目的原故係佢知道如果佢係我屋企大吵大鬧的話，我係會落order話唔好理佢的。但原來佢係一般典型的bb嚟的，訓覺就食，食飽就訓，完全無扭過(不過我同芳ee夾手挖佢的金鑛時，佢咪係咁嘈，我唔理佢，為求逹到清潔的目的，我一於當聽唔到！)回想卓希係咁細個時，佢都未試過咁乖，我一行開要做家務時，佢見唔到人影就會大吵大鬧，煩c！
 
 
今日好好笑，我同芳ee放咗橋仔係到爬，卓希好好奇咁又學佢爬，仲係到睇bb的反應。Bb係車仔到訓覺，卓希又走去同佢say hi！又話要學我哋咁抱bb，bb食奶，佢又走過嚟偷錫佢，bb的socks鬆咗，佢又幫佢整番(不過整嚟整去都無變過)。晚上bb走咗後，仲成日bb、bb、bb，我話bb走咗啦！卓希今日真的愛心爆棚！
 
 
晚上我哋一家三口走去學人睇燈飾，都未開始睇時，卓希已經係巴士到訓咗，之後我好鬼溫柔咁叫佢起身，一起身就俾佢見到商場內的玩具，精神為之一震！係尖東海滂，卓希好開心咁自己行，不過我哋兩個大人都追得幾辛苦，因為佢好鐘意就係跑，追住佢的感覺就好似走咗400m一樣！


(d相要等寬頻WORK得好d先可以upload到！)
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄