close
近來幾天真的無乜心機寫嘢，因為好傻哋倒數要返工的日子，睇住對可愛的仔女就真的好唔捨得。

尤其是個女，近半個月食人奶食得好好， 好到唔肯用奶樽食，吓吓都要埋身。這兩天用盡辦法要她用奶樽都唔得，連針筒都出嚟餵佢，佢都係喊到拆哂天，一定要埋身先肯食。以前卓希出世時，用開“白鴿”牌奶樽，食到成肚風，然後先轉咗用b-free，好好用(不過d配件就洗到cc吓！)。所以今次唔理三七二十一，一早決定妹妹都要用b-free，由初初出世到兩個星期前都肯用，但係突然又唔肯用，今晚攞番d“白鴿”牌的奶樽出嚟用，佢又肯食？？？？真係奇上加奇，我都唔知下星期我返咗工之後佢哋四個係屋企會點算！(無眼睇！)

另一方面，我都擔心個奶量，唔知可唔可以食到六個月人奶呢？盡量啦！




鬼馬妹

我近來真的連影相都無乜心機，幸好卓希爸幫妹妹影了一係列的相！有幾張係幾“鬼馬”的，好攪笑！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄