我成晚都無乜點訓,因為要睇住個女,佢成晚訓得嚟都係有聲,我怕佢有事,所以今早超攰,好似d燒又返番嚟!

妹妹隔離床的十個月大b仔,早妹妹一日入院,本來昨日下午可以出得院,但係點知嗰個bb開始又燒過。今日佢的主診醫生診房,話嗰個bb有肺炎。然後妹妹的主診醫生嚟,話要幫妹妹探多次熱,如果都唔係好高熱的話,就返屋企,免得交叉感染。結果呢?妹妹係37.7度,隔離床係37.9度,但係妹妹可以出院,因為妹妹昨日已經開始食特敏福及抗生素,但係隔離床的bb仔父母唔俾個bb食特敏福,而且係今日先食抗生素,所以我哋有得返屋企,佢哋無!

返到屋企,我同妹妹居然大覺訓,訓咗好耐,跟著都好似平時的程序一樣,只係我多咗個扭計妹,超癡身!

但,內心真的很感謝天父,讓卓希及芍婷快快返屋企,我下午返到屋企後,d燒都好似退咗!感謝神!

最奇妙的是,我上星期先申請的無線上網,居然有佢好用得著的地方。老公好反對,覺得我唔需要,但係唔知點解我內心知道係要用的,咁去長洲時又用得著,連今次去醫院又用得著,天父的安排真的很奇妙!

我病咗咁多日,終於可以係屋企休息啦!

suklaic 發表在 痞客邦 留言(0) 人氣()