close
依幾個月真的發生好多事,令到我無時間與機會寫BLOG,但其實我儲咗好多相片,好想好想寫BLOG時用的,今日點都要寫一篇!
我近來成日去學咗,其中一樣就係學打皂,目的咪又係為咗個仔,想學打濕疹皂,等阿仔D皮膚好D!又真係好神奇,佢自從用我的手工皂後,皮膚靚咗,濕疹BYE BYE,仲有就係濕疹好咗時條氣管都好埋!
所以我今日要介紹母乳皂,D母乳唔係我的,係婷婷同學媽媽的,佢快停奶,好想用D過期的人奶嚟做母乳皂,一嚟留為記念,二嚟係想幫佢個細仔D濕疹舒緩吓!幾個月前已幫佢打咗六包人奶,依家又嚟!
先先用氫氧化鈉熔咗D冰咗的母乳
量油:椰子油13%、棕櫚油13%、橄欖油74%
然後把油只加溫到30度,所以母乳皂都要低溫製作,咁先唔會無咗裏面的營養
把所有嘢放好,預備油水混合啦!
一路放入去,一路要攪,台灣人就話要全程用人手攪,我依D鬼妹仔硬係搵打蛋器幫手啦!成晚唔使訓咩!因為要保持低溫,所以要座住D冰嚟打,冬天就好,夏天就煩啦!
當佢已差不多TRACE時(即係面可以打到8字型態),我就放咗洋甘菊粉及紫草粉,加強治療濕疹的能力,但因是BB用,所以我唔落精油!
入模
脫模後就係我最憎的,掠皂,要掠足兩個月,依家我習慣咗係邊個要,打好後,入落紙巾盒,你自己返屋企掠皂啦,我屋企真係無地方啦!
以下係我這幾個月來的一些作品,但有好多都無影到相!
薰衣草香皂
甜杏仁滋潤皂
蜜糖艾草皂
橄欖葡萄籽皂
洋甘菊皂
紫草皂
全站熱搜
留言列表