close
是日卓希唔使返學，班裏有兩個男同學(小魚同蝦蛟)話想嚟我哋屋企，咁啱qq媽又pm我講有關惠康印花，所以就一次過約哂所有人嚟！

卓希第一次有係同學仔又係朋友仔嚟屋企，以前都只係堂家姐同堂妹(堂妹都只係嚟過一次咁大把！)所以今日有其他小朋友嚟，對佢嚟講係好開心，以前佢會同堂家姐爭嘢玩(不幸地，依家個個星期都仲係爭嘢玩！)但係佢今日都算大方地讓小朋友們玩玩具，好大的突破！不過佢點都要同小魚嚟個爭一爭遊戲，又爭lego啦，又爭單車啦，總之就係乜都要爭下啦！不過好笑的是，小魚爭輸咗後大，不過佢的眼神唔係望住佢媽媽，而係望住我！哈！佢想藉著我出手對付卓希，第一次我真的會安慰佢，不過第二次時，係小魚媽話我知佢個仔望緊我的，咁我就一定唔會出手，等你哋小朋友自己處理下啦，大家同學仔麻！

大家都唔係留得好耐，十二點開始，兩點半就各散東西啦，卓希都未能等到佢哋走，就已經頂唔順咗！

晚上mormor同morfar都嚟咗我哋屋企，其中一個原因係幫手食埋下午所剩的食物！ 其實佢哋最重要係要見下個孫，冧到佢哋係咁！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄