港楊回憶，樂趣無窮！

昨晚真的很氣人，卓希半夜一時就走過嚟要同我哋係大床到訓，佢同卓希爸訓我左面，咁我就轉去右面，免得唔好咁近。點知依個卓希爸又唔知幾時訓咗我的右面，兩位大佬呀，我係個病人嚟的，晚上仲會係咁咳，一個係我左面，一個係我右面，你叫我咳時向邊面？好！我又作自我犧牲，走出去廳的sofa到訓，係半坐著嚟訓，一直訓到大天光！(我有時會諗，如果有張osim的按摩椅就好囉！)

昨天洪醫生表示，佢俾的藥係好輕微的，因為我現在有身孕，不會給我食特效藥，所以d藥的效用會慢好多。今日喉嚨已經無咗火燒的感覺，但係都係痛，又乾，又容易咳，一咳得利害又會嘔，噢！我的天呀，幾時先會好番呢？

本來今晚我打算同同事去食自助餐的，judy退休，佢的wish係可以去港麗酒店到食自助餐，雖然我現在的食量係唔抵，但係都好想去。不過最終都無去到，因為真的好攰，又隨時會嘔。今晚差不多所有的section head都會出席(連院長都會去)，唔返工放病假去食自助餐？係咪想抄魷？


希望快d好返啦！明天去產檢，有少少緊張添！