close
卓希仍然在家中“吽”，簡直悶到佢不得了(tun姐姐都悶，成日都問卓希幾時好番，我係阿媽，夠想佢好番啦！長氣！)。早上佢悶到唔俾姐姐做家務，要陪佢玩。我臨上堂前，打了電話給爺爺，問卓希可否過去佢哋到，食完午飯才回家，爺爺話：無問題！

跟著我就打返屋企，話俾tun姐姐知佢做完家務之後，就帶卓希去爺爺到啦。佢居然同我話，佢諗住一陣帶卓希去公園到玩，我即是有少少火滾(一早頭兩堂已經俾d不知所謂的同事激親！)，我話：唔去公園，去爺爺到！

啍！你以為我唔知咩！樓下公園有好多其他的“姐姐”係到，可以打牙鉸(有次嫲嫲突擊早上過去時，見到姐姐掛住同其他姐姐傾計！我都無話佢住！)依家卓希唔舒服，唔想佢交叉傳染先係屋企者，唔好成日攪d小動作令我擔心啦！唉！就快吐血身亡！(如果胡小吉係咐近住就好啦，起碼可以有我信得過的人同卓希一齊玩下麻！)
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄