07:30 醒，仲吊住鹽水，好慘
10:00 主診醫生巡房，表示已可以進食，但要腸胃科醫生看過後才決定內kwai鏡問題
10:30 拆鹽水，但黃荳仍在
11:45 午飯
11:50 腸胃科醫生到，表示要我自己自費外出照持力共震，然後要睇報告後才決定是否星期一做內kwai鏡，不過在檢查我的肚時，痛得很，醫生擔心膽管炎(唉！我對咗幾個醫生都係咁講話我膽管炎啦，私家醫生話我知的，但係佢哋好似聽唔到我講咁！)，突然又要我開始禁食
12:15 和灣仔林醫生通電，他解釋了很多給我知。
12:45 有高級的腸胃科醫生來檢楂我，表示我這麼痛時，那照持力共震的結果都是一樣，就係膽管有石仔，有膽管炎，所以唔使外出照持力共震，立即安排星期一早上做內kwai鏡手術，但這幾天可以給我請假回家！
13:45 離開醫院，返到屋企後，見到兩個小朋友開心到不得了
18:00 又突然痛過，比起係醫院時仲痛，心想快快做咗個內kwai鏡手術！
總結這幾天：要感謝神，因為覆診前內心祈禱時都希望醫生可以快些幫我解決問題，不過真係無諗到會快得咁緊要。星期日晚九時前要返到醫院報到
06:30 醒咗
07:15 卓希爸來電
07:30 終於起床
10:30 醫生巡房，要禁食，吊鹽水
11:30 種最唔想要的黃豆，痛到c，吊鹽水，打一支piriton的針以控制我的皮膚敏感
14:00 照超聲波，照完後仲要禁食，等外科醫生到來
18:00 卓希爸到
18:45 anders舅父到
19:15 外科醫生到，表示暫時沒有即時做割膽的需要，因為膽管發炎，此時做手術好有可能會內出，故建議內科醫生做內kwai鏡，不過還是要等內科醫生看過後才決定能否進食。
21:30 睇「家好月圓」(係屋企都無咁準時睇)
22:45 上床休息
10:30 預約了要到東區醫院內科覆診
11:15 得知要入院
12:15 返到麗晶，泊好車返屋企收拾到醫院的行李
12:45 搭八析的士
13:05 到逹東區醫院
13:35 護士收了我這個新症
15:15 抽血
16:00 心電圖
17:00 晚飯
17:30 卓希爸到
19:00 做吓畢業論文先
20:30 洗白白(因為有一個亞婆日又嘈，夜又嘈，嘈到我寫唔到嘢，所以決定去洗吓白白，清醒一下)
21:30 終於可以有機會睇吓「家好月圓」
22:45 上床休息
23:30 被叫醒，到地下照x-ray，要座輪椅，推我嗰個嬏嬏推到成身大汗，我幾唔好意思！
23:55 send sms給家人報平安
睇吓，我返咗工後，就見到tun懶到咁！佢昨天才放完假，教我如何會同佢續約？
昨晚係我人生中一大考驗,卓希自游水堂之後就一直咳,到晚上由堂家姐家走時,我聽到他的氣管有喘.回家後就要他吸ventalin(因為之前醫生給的口服後備藥無哂)
不過到半夜一點幾,他的情況變差咗,我要抱住佢嚟俾佢訓(佢有成四十磅),又要準時地要他吸藥.聽到他的氣管那樣辛苦,真的想打給趙醫生問可以點做,但係那時只是凌晨三點多,各人正在睡得最甜的時候,又怎忍心去吵醒他呢?
當一切好似平靜咗落嚟之後,卓希爸又嚟找我,話妹妹訓覺好似好大聲,嚇到我C,點知妹妹只係鼻塞所致,但係都吵醒咗佢,凌晨四點我又要餵人奶,只得一個字:攰!
早上打給趙醫生,他說他會在嘉x撒到on duty,叫我哋去嗰到找他,卓希食咗趙醫生d藥後成個人都舒服哂!
唉，今晚灣仔林醫生打給我，話驗血的報告出咗．佢話肝酵素中的ＡＬＴ好反覆，本來已經落到去１０６（應該係細過４１就正常），但係我上星期的度數係３１４，有可能係我的膽內不止一粒石係到，也許後面有其他石係到塞住咗，令到個肝發炎！
一定要頂硬上，快快的去到下星期三便可以拿著咁多報告去睇內科！
今早一起身，成身都癢癢的，跟著臨出門口時，成兩隻大脾位都係一粒粒。接咗卓希契媽之後，d一粒粒仲雙手都係，連條凸頸都係。返到心光後，同事們都叫我去睇醫生。快快的落灣仔林醫生處，佢話係敏感所致，然後連氣管都會有事(唔怪得知我楂車落去灣仔時，條氣管發作，要吸ventaline)，然後個鼻都會有事！
醫生都係俾敏感藥我食，不過就真係好勁，因為我下午簡直係咁訓！希望明天無事啦！
後記：晚上連pat pat位都有，紅哂，好慘呀！
雖然morfar星期一(8/9/2008)先生日，但係我哋夾唔到時間，只好今日就預先慶祝！
今晚卓希同morfar做好多平時我唔准做的嘢，飲果汁啦、食蛋糕時專係食嗰塊朱古力！唉！我都當睇唔到，到時卓希又要睇醫生，我就將張醫生單交俾morfar！
我今日都唔係太痛，不過成個人就lor lor 亂咁，坐又唔係，訓又唔係，行得多又唔得！而且小便顏色都係比較深色，莫非今次又要痛一排先？哦！辛苦呀！
卓希爸由昨天開始連聲都變埋，我猜他有多少感冒，佢話也許是成個暑假無大聲講嘢，一開學後就要大聲及講好多嘢，所以就係咁！我哋成為咗一間病的屋企！
今日終於有一個醫生肯認真地，肯正視我痛的問題。醫生立即寫咭，給我去照超聲波，照超聲波嗰個人話見到我個膽到有一粒石(唔怪得知成日un住咁痛啦)，膽壁厚，就係膽管發炎，咁就影響到個肝又發炎，一發炎就頂住個胃！不過...............................一切都要等個報告出咗，由醫生再診斷後話我知！感謝神，有醫生跟進。
不過我都唔會放開東區醫院的跟進，今次有私家的報告後，下次覆診就可以快些對症下藥。而且如果真係要做膽手術的話，我相信東區醫院都唔錯！(起碼我熟悉環境)
今日係妹妹五個月啦，佢真係好得意，成日都只係扭我計，但係又氹到我鬼c咁開心。雖然生佢之後身體出咗咁多病痛，但係都係無悔的！
卓希今日開學啦，我依個職業媽媽，只能車佢返學，日後真的靠佢自己啦！
預備出發
老師叫我笑
吓!乜咁多書
另外，今日終於去了東區醫院的日間內科到睇醫生，醫生話雖然我的肝酵素%係跌緊，但係都要找出令到個肝發炎的原因，因為我時不時都仲痛緊。依家醫生要我照x光、抽血(今日唔抽得，要空肚先可以)、仲有就係照超聲波(醫生已經係張表到寫：as soon as possible，不過都排到11月18日先做到。)
返屋企的路上，諗諗下今個月都有好多次要去覆診：
9月16日：產後情緒
9月17日：內科日間護理
9月29日：物理治療
9月30日：內科專科覆診
c啦！咁樣請假法，一嚟又要調堂(今日都調到七彩咁)，二嚟唔好意思要同事成日幫我諗調堂的問題，三嚟我怕老細見我成日請假會不滿，點算呀？？？
後記：今晚個胃痛到反咗，都唔知自己攪乜鬼！
今日早上返工時，車爆軚，要找拖車司機來幫我換後備軚。幸好關老師一直陪伴著我，因為初初真的六神無主，但都遲了差不多一時小多才返到工，後來想，都幾刺激！
昨天去了海洋公園，aeon信用咭攪了個玩夜場的function，所以今天早上醒時個人超攰，好彩今日唔使游水，下星期再游！
昨天請卓希爸幫我錄奧運金牌得主在香港的表演，今期我最欣賞的時陳一冰，佢唔單只笑容滿臉(人人都只係睇佢靚仔)，而我睇佢個blog時，就發覺佢係一個好真的人。天真、及像我一樣，有嗰句講個句！
仲有我覺得自己真係井底之娃，因為今次奧運後，先發現原來好多運動員都有自己的blog。我以前認為好國內的人都唔會好似我哋咁寫blog，不過原來唔係，佢哋仲寫得好精彩！(自己係facebook到找找吧！)
今日雖然只係放完假後的第四天返工，但係工作量真的有增無減，做呀，做，做呀，做！都做唔完，真的很灰！
返咗工後又要快快的回家，唔係游水，而係要睇吓兩個小朋友，跟著就同卓希爸出發，去卓希的新學校到有家長會！
嘩！先先係禮堂到聽一小時，跟著係課室到聽差不多相同的嘢又一個多小時，完咗之後，成個人都散哂！我個人就係咁，如果聽過之後，又要再聽的話，就會好忟，但係今晚又唔可以發作(忟)，因為成日嚟心光講道的陳牧師個女同卓希同一班，即是話我哋同佢哋一齊係班房有家長會。唉！到時我個仔d naughty嘢就俾人知道哂啦！灰！(點解d幼稚園老師咁長氣架？)
今日要覆診，決定半年至九月後就會做手術，切咗鼻裏兩粒咗住我呼吸的肉。醫生表示，到時唔會再有鼻塞，不過會照有鼻水，又照會有鼻敏感，但係鼻塞的情況就會好少少。咁我都好d，有時真的鼻塞到頭痛！
今日放工之後(無學生時，就可以放四時十五分)，快快的楂車返屋企，原因係要同卓希豬去游水．
無游到幾日，我自己成個人都覺得唔舒服．返到屋企都係五點，快快的換泳衣，啱啱好可以泳到五時十五分個節，游到六時就上水回家．
然後晚上仲有自己時間做ｆａｃｉａｌ，依ｄ先係我想要的生活．由下星期開始，又係非人生活，有ｄ唔係好想去面對！
唉!過咗一個好鬼短的暑假，又要返工啦．個心好掛住個仔同個女，尤其是卓希仲未返學，係屋企就一定攪攪震．卓希今日仲點都唔肯訓晏覺，晚上九時正就已經訓咗！
我無咗影幾日，唔係因為屋企有事，而係網上屋企有事(即係我個blog)。由於pixnet要改版改格式，所以有幾日都無得寫，不過我無懶落嚟，而係去咗facebook到玩古惑仔online，幾好玩的，原來我點都係唔夠打嗰個嚟的！
(法新社)8月18日 星期一 21:10劉翔 退出，是因為痛得實在不能忍受。他腳跟鍵一直發炎，但強忍著傷痛練習。到出場前，實在痛得沒辦法，唯有硬做按摩，劉翔痛得全身發抖，咀脣都咬破了，才能勉強踏上賽場，但最後都是要退出。
一直以來對劉翔的印象是在於四年前的奧運，雖然他是中國人的驕傲，但我一點兒也沒有興奮（相比起體操隊）．也許今次的腳傷能真的帶給他更大的啟發，人人都話他好，但我真的無感覺，所以唔使咁傷心！
廚藝“棒” (5) 希媽媽 (7) 卓希豬 (3) 婷妹豬 (2) 請代禱 (1) 玩意兒 (2) 有嘢睇 (2) 去旅遊 (13)
