今日我返晏，係房到做做下嘢時，突然見到妹妹爬咗係到訓覺，跟著我依個媽媽梗係整估佢啦！將佢反番轉身，要佢自己再轉過身，超可愛！
我幾時先可以放假呀？昨晚半夜四點醒咗，喉嚨超痛，好似又感冒，好鬼煩的啫！
我幾時先可以放假呀？昨晚半夜四點醒咗，喉嚨超痛，好似又感冒，好鬼煩的啫！
- Jul 10 Thu 2008 22:30
妹妹識轉身啦
- Jul 08 Tue 2008 20:49
油灰水
以前係瑞典讀書時,已經開始研究一些護膚品的用途.返到香港,開始做嘢,有個錢係身就學人一個星期去一次美容院到做facial,真的好relax,仲要揀放工之後去,針清完之後都唔會俾人見到,仲可以返到屋企就訓覺,俾d皮膚有充足的時間休息.
結咗婚後,都堅持各有各relax,卓希爸就鐘意一個星期反兩晚爺爺屋企食飯,我就會去做facial,真的寧願唔食飯都要做.係屋企都會晚晚做唔同的護理,一時美白,一時保濕,一時收緊,花款多到不得了.
之但係卓希出咗世之後,連訓的時間都唔夠,更加唔使講話做facial,一有時間就上床訓.直至到卓希兩歲時,有一個full time的姐姐,可以放心逢星期六早上去relax一下,點知做唔夠半年又有咗妹妹,咁就停咗.
唉!d皮膚成個老人家咁,連最基本的保濕都唔願做,個心就成日都好想要做返facial,但係要等到個仔同個女訓咗覺先得,都會成十點幾,做得嚟都成十一點幾,咁我寧願寫日記同上床訓覺.
不過,我同自己講,長此下去,會好快變黃面婆,唔得!所以由昨晚開始,做一些精華素的護理,今晚又做保濕,希望仲可以保得住個樣啦!
以前我都唔會化妝返工,但今日油咗少少灰水,等自己個樣無咁殘,果然真係好似靚咗咁,依家先明白點解咁多女仔一定要化咗妝先出門口.不過到週未我就唔會,點都要讓d皮膚透透氣!
- Jul 07 Mon 2008 21:39
妹妹識爬係到啦
- Jul 06 Sun 2008 22:25
情緒低落
- Jul 05 Sat 2008 22:37
平好多
今日一早我就自己咗街,為的是要去護協到買"多奶茶"(organic mother's milk),今次護協又幾衰,所有有關medela的產品一定要有護協咭先可以買,咁我就要厚住面皮問新的護士借,諗住星期一要還返張咭給她,所以今日便特地出去護協.
返到屋企,食咗飯,玩一陣電腦後就去深水埗泳池,卓希要學游水.仲有兩堂,跟著我哋唔再join啦,諗住會同豆b一齊包一個教練,1:2,兩隻monkey仔就有個伴!
晚上係咁上淘寶網找東西,嘩!真係有好多平嘢,尤其是小朋友玩兒,我都幫卓希訂了很多東西(都係同thomas有關的),上網買嘢真的啱我依d唔係咁走得開的人,又或者好似我咁成日係心光咁山卡拉的人,唔使走圍走去找東西都可以買到.
返到屋企,食咗飯,玩一陣電腦後就去深水埗泳池,卓希要學游水.仲有兩堂,跟著我哋唔再join啦,諗住會同豆b一齊包一個教練,1:2,兩隻monkey仔就有個伴!
晚上係咁上淘寶網找東西,嘩!真係有好多平嘢,尤其是小朋友玩兒,我都幫卓希訂了很多東西(都係同thomas有關的),上網買嘢真的啱我依d唔係咁走得開的人,又或者好似我咁成日係心光咁山卡拉的人,唔使走圍走去找東西都可以買到.
- Jul 04 Fri 2008 21:59
??????
今日做咗好多嘢，除咗做學校嘢之後(開會)，就係睇咗兩個唔同的醫生，一個係中環的婦科陳醫生，另一個係東區醫院的精神科醫生。
先講婦科啦，昨天返工前去了趙醫生處幫妹妹拿藥(口裏的真菌)，趙醫生話唔單只妹妹要食藥，連我都要食藥，咁樣d菌先會死。但係趙醫生唔睇大人的，佢知道我未生妹妹之前有睇過陳醫生，就叫我睇陳醫生同攞藥。不過，去之前就一定要去買手信，因為係我預計之內係陳醫生一定唔會收我錢，唔係攪唔點的話我都唔會去搵佢，所以買定手信。(文華酒店蛋糕，不過加咗價！)醫生話我要口服兩星期藥(同妹妹一樣)，加繼續搽健康院俾的藥膏，希望得啦！
而東區醫院，就係睇產後抑鬱，事緣我近來忟到不得了，工作好忙，tun姐姐又玩嘢，卓希有時又唔聽話，自己又週身痛，加上有真菌，真的煩上加煩，個人成日好似想喊又喊唔出，個心成日un住un住咁。醫生建議我一些處理自己情緒的方法，試下啦，兩星期後覆診！
先講婦科啦，昨天返工前去了趙醫生處幫妹妹拿藥(口裏的真菌)，趙醫生話唔單只妹妹要食藥，連我都要食藥，咁樣d菌先會死。但係趙醫生唔睇大人的，佢知道我未生妹妹之前有睇過陳醫生，就叫我睇陳醫生同攞藥。不過，去之前就一定要去買手信，因為係我預計之內係陳醫生一定唔會收我錢，唔係攪唔點的話我都唔會去搵佢，所以買定手信。(文華酒店蛋糕，不過加咗價！)醫生話我要口服兩星期藥(同妹妹一樣)，加繼續搽健康院俾的藥膏，希望得啦！
而東區醫院，就係睇產後抑鬱，事緣我近來忟到不得了，工作好忙，tun姐姐又玩嘢，卓希有時又唔聽話，自己又週身痛，加上有真菌，真的煩上加煩，個人成日好似想喊又喊唔出，個心成日un住un住咁。醫生建議我一些處理自己情緒的方法，試下啦，兩星期後覆診！
- Jul 02 Wed 2008 22:04
好動寶寶(妹妹)
妹妹成日一醒就係成身都郁，好似無時停咁！超可愛！
近來自己好無用，郁少少都想喊，卓希爸話我都唔知為乜喊，我都唔知，但係有時又好似知，超無用！
- Jul 01 Tue 2008 20:22
太陽出來了
七月一日香港慶回歸,七月一日係我嫲嫲的死忌,七月一日大遊行.
今年七月一日我哋就約咗豆b一家去沙灘,為的是兩位小朋友可以一齊玩下.之但係之前幾天都一路下雨,本來和豆媽約好不如去他們青衣的新屋,點知一早起床後,見到太陽怕怕出咗嚟,就打電話改見面地點,就係西貢的銀線灣.
今年七月一日我哋就約咗豆b一家去沙灘,為的是兩位小朋友可以一齊玩下.之但係之前幾天都一路下雨,本來和豆媽約好不如去他們青衣的新屋,點知一早起床後,見到太陽怕怕出咗嚟,就打電話改見面地點,就係西貢的銀線灣.
- Jun 30 Mon 2008 23:16
多奶茶定係回奶茶
一路以來,我都會留意bk裏的媽媽們講點樣去增多d奶,知道依個良方好耐,不過都未試過,昨晚才第一次試,但係今日覺得奶量少咗.晚上開bk嚟睇,作c,又突然有媽媽話係回奶茶.咁到底係多奶定係回奶啫?????我都係唔好再試啦,萬一真係回咗奶,咁我咪好對唔住個女?????
上奶藥方
上奶藥方
黃耆 10 錢
赤小豆 3 錢
杜仲 4 錢
王不留行 3 錢 (要種子, 不要果實, 附圖)
桔梗 3 錢
當歸 3 錢
麥冬 5 錢
注意: 心悸不可服, 因有活血散瘀
不要用木通, 中醫話傷腎
赤小豆 3 錢
杜仲 4 錢
王不留行 3 錢 (要種子, 不要果實, 附圖)桔梗 3 錢
當歸 3 錢
麥冬 5 錢
注意: 心悸不可服, 因有活血散瘀
不要用木通, 中醫話傷腎
- Jun 29 Sun 2008 22:48
唔舒服=無心機
由於我身體唔舒服，仲係好痛，所以做乜嘢都無乜心機，到想落實去做時，又有阻撓！
我就快俾個天整到我唔使出街啦，本來卓希豬昨天是要去學游水的，但由於有雷暴警告信號，同埋最重要係卓希豬係張床到look咗成個幾小時都未能入睡，為了罰他便決定唔去游水(不過咁我就無咗百幾忟→一堂)，佢唔訓過覺先去的話，就只會得一個字“扭硬”！
今日我預備返教會時，又係有雷暴同落大雨，卓希爸今天講明佢有嘢做，唔返教會了。如果天晴的話，我一個人都可以帶到兩個小朋友，但係一落大雨，就麻煩！上車都可以係屋企樓下，但係返到青衣就要行一段露天的路先返到教會，我又點可以遮住兩個小朋友呢？所以依兩日只係喺屋企，連街巿我都無去，只係想休息、休息！
- Jun 27 Fri 2008 22:10
牽一髮而動全身
唉！今日睇醫生，醫生話我個人太緊張，係d肌肉太過緊，所以就有胃痛，然後就令到血壓高。聽到咁，都安心d，但係食完醫生的止痛藥，都好似無乜進展咁，真係唔知要痛到幾時！
今日雖然我係屋企，但心情真的好差，痛到無乜心機，連餵人奶都唔想埋身餵，全部都係泵出嚟俾妹妹食。因為我無乜耐性，又腰痛，一餵要餵成最多半小時，所以就泵啦！到晚上，卓希係咁同我講嘢，我都痛到唔想答佢，只係好想一個人靜吓！
今日雖然我係屋企，但心情真的好差，痛到無乜心機，連餵人奶都唔想埋身餵，全部都係泵出嚟俾妹妹食。因為我無乜耐性，又腰痛，一餵要餵成最多半小時，所以就泵啦！到晚上，卓希係咁同我講嘢，我都痛到唔想答佢，只係好想一個人靜吓！
- Jun 26 Thu 2008 22:30
超痛
昨晚先先係胃，後來正預備要訓時個背脊開始痛，痛的程度係好似有人係後面條腰的部份“頂”住咁，由後面“頂”到前面個胸的位置。好痛，痛到唔知用乜嘢位置嚟休息，訓訓下又會痛醒，跟住要係椅子到坐一會兒先可以再訓！今次已經係第三次咁痛法，上兩次痛完之後訓一覺就好咗d，但係今次昨晚痛完之後，今日成日都仲痛。胃痛(今日已經食了三粒胃藥都唔得)+背痛，簡直痛到不好想喊，今日有幾次真係好想喊，但係真的忙到無時間。
下午真的忍唔住，去了護士室，找找新的溫柔護士，問她要了止痛藥，佢聽了我的病徵，就提議我量一量血壓，嘩！166/111，仲高過我懷孕時，唔得啦！快快的打電話去book睇醫生，明天下午二時許。唉！好痛！
下午真的忍唔住，去了護士室，找找新的溫柔護士，問她要了止痛藥，佢聽了我的病徵，就提議我量一量血壓，嘩！166/111，仲高過我懷孕時，唔得啦！快快的打電話去book睇醫生，明天下午二時許。唉！好痛！
- Jun 25 Wed 2008 19:58
風神
昨天已得知今日會係八號風球,帶咗考試卷返屋企,諗住可以慢慢改,點知天文台令到我好失望,因為佢係十一時十五分改掛三號風球,又要起程返工.
雖然要返工就心有不甘,但係真的有好多嘢做,又係做到無停手嗰隻,今晚個胃好痛,唔舒服!
雖然要返工就心有不甘,但係真的有好多嘢做,又係做到無停手嗰隻,今晚個胃好痛,唔舒服!
- Jun 22 Sun 2008 22:40
淘寶網
卓希是一個thomas狂，睡唔覺後懶床時，一告知電視正在播thomas他便由房間沖出廳。他近來係咁要我買thomas飯衣給他，可在外出用飯時用，但找了很久都找不到，今晚在淘寶網見到，要學下點樣使用先得！
- Jun 21 Sat 2008 21:55
澈底地一剪
係我坐月期間，卓希已經剪過一次頭髮，但係佢真係長得好快，所以又book咗今日去剪啦！去完新子泳班後，我哋就返屋企，到樓下剪頭髮去！今次要叔叔剪多d，剪狠d！剪完後又真係少咗好多頭髮！(燈光關係，卓希爸影得唔好，有機會再影過一張靚的！)
- Jun 20 Fri 2008 23:03
太陽伯伯一出嚟就咁哂！！！
今日係心光一年一度的水運會，我又係做司令台，有時都覺得係匯報賽情時都無乜新意，所以今日就由關老師嚟做賽情匯報，唔使等d學生年年都係咁聽住我把聲！不過真的好“哂”，又好熱，簡直就係想連自己都跳入d水到！
下午我有得早放，返到屋企卓希豬訓緊，而妹妹就點都唔肯訓。諗咗好耐要帶佢哋去邊玩好呢？如果只係去樓下玩的話，又太單調，因為就算無我都可以自己落樓下玩啦！所以一有機會的話，我通常都想帶佢哋去需要楂車先去得到的地方，去睇下唔同的境況！終於俾我諗起軒佑媽成日講起的西九龍長廊，打過電話問軒佑媽楂車點樣去，然後就出發啦！
天氣十分好，好到又係得個“哂”字，而且係無乜地方可以乘涼的！
望著大海沈思的卓希！
預備要訓的妹妹！
係海邊打揪千，係咪好romantic呢？
卓希就係見到佢哋楂依輪家庭式的單車，又話要踩，我見今日無乜人，就租給他呢！嘩！搶錢，成$60一小時，我見答應咗卓希，就租咗佢，下次都一定唔會再做water fish(“水魚”)！
下午我有得早放，返到屋企卓希豬訓緊，而妹妹就點都唔肯訓。諗咗好耐要帶佢哋去邊玩好呢？如果只係去樓下玩的話，又太單調，因為就算無我都可以自己落樓下玩啦！所以一有機會的話，我通常都想帶佢哋去需要楂車先去得到的地方，去睇下唔同的境況！終於俾我諗起軒佑媽成日講起的西九龍長廊，打過電話問軒佑媽楂車點樣去，然後就出發啦！
天氣十分好，好到又係得個“哂”字，而且係無乜地方可以乘涼的！
望著大海沈思的卓希！
預備要訓的妹妹！
係海邊打揪千，係咪好romantic呢？
卓希就係見到佢哋楂依輪家庭式的單車，又話要踩，我見今日無乜人，就租給他呢！嘩！搶錢，成$60一小時，我見答應咗卓希，就租咗佢，下次都一定唔會再做water fish(“水魚”)！
- Jun 20 Fri 2008 17:32
假日有大把地方去玩
以下資料係copy from軒佑媽！紅色係我哋已經去過，哈哈！原來仲有好多地方未去過的！
(1) Ocean Park 兒童皇國
(2) 山頂
(3) 市政大廈既遊戲室 http://www.lcsd.gov.hk/b5/ls_fac_playroom.php
(4) 愉景灣沙灘
(5) 中央圖書館既玩具圖書館 (預約電話: 2921 0386 )
(6) 黃金海岸+沙灘
(7) 嘉道理農場 http://www.kfbg.org.hk/
(8) 大埔海岸公園 (可踏單車+放紙鷂) http://www.lcsd.gov.hk/parks/tpwp/b5/index.php
(9) 清水灣大拗門 (燒烤/野餐+放紙鷂)
(10) 粉嶺香薰園 (燒烤+釣魚+餵羊+兒童游樂場+香薰園+自制香薰蠟燭+stepping pond) http://www.lavendergarden.com.hk/TraditionalChinese/Introduction.asp
(11) 西貢海傍長廊睇狗狗
(12) 將軍澳寶康公園(好多野玩)
(13) 香港動植物公園 http://www.lcsd.gov.hk/parks/hkzbg/b5/map.php
(14) 求其一個公園吹下番泡都好開心
(15) 白泥釣魚+BBQ
(16) 赤柱買BB衫
(17) 沙田行公園, 城門河單車徑+新城市廣場
(18) 大尾督, 睇海, 踏單車, 食野, 放風箏
(19)馬鞍山公園,環境幽美,可以在大草地上玩(怕熱可到旁邊的圖書館or體育館內的兒童遊戲室)http://www.lcsd.gov.hk/parks/mosp/b5/index.php
(20)長洲遊吓船河,行吓沙灘
(21)彭福公園踩草地
(22)淺水湾切沙堆&野餐&玩
(23)天水圍濕地公園 http://www.wetlandpark.com/
(24)南丫島
(25)元朗偉記士多燒烤場($58閒日,$68假日任食,款式多,食物GOOD,地點正)有撈金魚攤位,有大電視,有遊戲機,夾公仔機.......
(26)石澳玩沙游水
(27)元朗荔枝山莊 http://yl.com.hk/taitong/index.htm
(28)元朗天水圍綠田園
(29)城門郊野公園http://www.afcd.gov.hk/tc_chi/country/cou_vis/cou_vis_cou/cou_vis_cou_sm/cou_vis_cou_sm.html
(30)梅窩銀礦灣沙灘 (BBQ+踩單車)
(31)獅子會自然教育中心
http://www.travelinsaikung.org.hk/chinese/land/lion_nature.shtml
(32)珀麗灣 (荃灣西西鐵站搭船去)
(33)粉嶺龍山寺
(34)粉嶺黃帝祠
(35)粉嶺綠野仙終
(36)錦田鄉村俱樂部
http://www.yl.hk/ktcc/index.htm
(37)科技大學 (LG7那層: 有冷氣canteen、噴水池(小朋友玩水都得)、草地及沙池(無人打沙灘排球時，可玩沙)(G/F那層有酒樓 China Garden)
(38)大埔鐵路博物館
(39) 大埔滘小白鷺餐廳 (有人類民俗館, 兒童跳彈床, 手工藝, 餵山羊...)
(40)西沙茶坐對面個沙灘放風爭捉蟹仔可以BBQ
(41)東涌東薈城商場記(有factory outlets, 兒童室內遊樂場)
(42)沙田文化博物館（好益智）
(43)西九海濱長廊
- Jun 18 Wed 2008 22:16
玩具供應商
由卓希出世以來，我哋都無乜買玩具俾佢，一嚟係因為唔想佢著重物質，二嚟係我哋有一個長期好好的供應商，佢係我妹妹的幾十年朋友。
初初我都唔知佢係mettel到做，卓希未出世時佢已經留玩具俾我哋，一直就俾到依家連妹妹都有份。
(這只是一小部份，其他已經收起了！)
哈！我同卓希爸都慳番唔少(d玩具仲係fisher price,我自己都覺得幾貴)仲有就係每次去攞玩具都唔係一份兩份，往往係兩三個大袋!前陣子麥ee又攞咗個fisher price的數碼相機,真係影得的，成百幾萬像數。
(仲真係有flash的)
(後面有screen，仲可以向前向後咁睇番d相，最底c係可以delete唔想要的相添)
今晚砌好一個吊的音樂轉轉轉,等妹妹都可以玩!
初初我都唔知佢係mettel到做，卓希未出世時佢已經留玩具俾我哋，一直就俾到依家連妹妹都有份。
(這只是一小部份，其他已經收起了！)哈！我同卓希爸都慳番唔少(d玩具仲係fisher price,我自己都覺得幾貴)仲有就係每次去攞玩具都唔係一份兩份，往往係兩三個大袋!前陣子麥ee又攞咗個fisher price的數碼相機,真係影得的，成百幾萬像數。
(仲真係有flash的)(後面有screen，仲可以向前向後咁睇番d相，最底c係可以delete唔想要的相添)今晚砌好一個吊的音樂轉轉轉,等妹妹都可以玩!
- Jun 17 Tue 2008 20:19
拮拮哋
之前坐月時試過乳線炎,以為已經係過去式,點知近這兩個星期,個孔頭成日都好似有針拮的痛法,我一路都無為意,直到昨晚在媽媽網站見到有人post同樣的問題時,才知自己有可能有真菌.
今日打電話返健康院,佢哋依家的服務真係一流,下午就已經可以去睇.原來真係有真菌,唔怪得知上次帶妹妹去打針時,趙醫生話妹妹個口有菌,要滴藥水.依家都唔知邊個傳染邊個?總之就係我要搽藥膏,妹妹要滴藥落口到.28號要返健康院見醫生!
不過人奶照可以飲,醫生話無問題的,仲好鼓勵我多d埋身添!
今日打電話返健康院,佢哋依家的服務真係一流,下午就已經可以去睇.原來真係有真菌,唔怪得知上次帶妹妹去打針時,趙醫生話妹妹個口有菌,要滴藥水.依家都唔知邊個傳染邊個?總之就係我要搽藥膏,妹妹要滴藥落口到.28號要返健康院見醫生!
不過人奶照可以飲,醫生話無問題的,仲好鼓勵我多d埋身添!
- Jun 16 Mon 2008 21:38
十安
昨晚飲完鱆魚蓮藕湯，今早一起身泵奶時，嘩！一邊都有成五安，兩邊加起嚟就係十安！不過我又無谷奶的痛的感覺，只係覺得個胸重！所以十安就已經夠妹妹兩餐，勁開心，我仲擔心返工會影響個奶糧添！不過都係睇定d，也許遲些再忙時奶量會跌！
妹妹已經有成六日無大大，所以今日開始個人有少少忟忟哋，姐姐們話佢飲奶情況不理想，下午打給趙醫生，但佢忙緊，其實又唔想為咗少少嘢就打給他，不過妹妹就真係細，我怕作咗錯的決定就慘啦！但係楂車返屋企的途中諗諗下等都唔係辦法，去藥房買咗小童用的油甘條，幫妹妹塞咗後一小時，嘩！勁多，仲係好軟的，都唔知點解佢唔痾出嚟？(之前只係喺咁放......)佢成個人輕鬆哂，飲奶個人又唔忟，又乖乖地自己訓！
唉！依幾日都唔想寫日記，一放假就想同對仔女出街玩，玩到好夜先返屋企，攪點哂佢哋兩個時大人都散哂，都無乜心機再坐下來寫嘢！
妹妹已經有成六日無大大，所以今日開始個人有少少忟忟哋，姐姐們話佢飲奶情況不理想，下午打給趙醫生，但佢忙緊，其實又唔想為咗少少嘢就打給他，不過妹妹就真係細，我怕作咗錯的決定就慘啦！但係楂車返屋企的途中諗諗下等都唔係辦法，去藥房買咗小童用的油甘條，幫妹妹塞咗後一小時，嘩！勁多，仲係好軟的，都唔知點解佢唔痾出嚟？(之前只係喺咁放......)佢成個人輕鬆哂，飲奶個人又唔忟，又乖乖地自己訓！
唉！依幾日都唔想寫日記，一放假就想同對仔女出街玩，玩到好夜先返屋企，攪點哂佢哋兩個時大人都散哂，都無乜心機再坐下來寫嘢！
- Jun 14 Sat 2008 23:18
親子游泳班
我依個懶媽媽，妹妹未出世前已有bk的媽媽問我幫唔幫個仔報游水班，心諗仲有一段時間。點知到我記得時都唔知過期未，快快點都寄張form去，哎呀，原來我同另一個媽媽都太遲，報唔到想要的那班。好彩臨開班前一個星期，基督教服務處的bonnie ee打電話俾我，話我卓希同小魚都有位啦，咁就好，共有四個相識的小朋友，卓希、蝦蛟、小魚、同斯文的淑銘！
因為我要照顧妹妹，所以卓希爸同卓希落水，兩仔爺都唔聽教練的指示，兩個自己係咁玩。卓希就一d都唔驚水，只不過教練教個頭落水時，佢就唔鐘意，不過見到佢哋咁開心，真係好似好好玩咁，等有機我都落埋水先！(不過我仲未修到身，成身都係bye bye肉！)
- Jun 12 Thu 2008 22:07
奶量
我返咗工一個星期，奶量仍然好(不過真的忙到不得了)，一個星期前我就叫姐姐早上煲定通草+荳奶，帶返工飲。而且係工作期間，仲會飲medela出嗰隻organic mother's milk的茶包，好鬼方便，就咁沖熱水就得。
我自己覺得d奶量仲多過係屋企埋身餵個女！
不過係屋企都要有時飲番d谷奶湯，保通番一下先得！所以每次係辦公室泵奶，平均都有成六至七安的。
我自己覺得d奶量仲多過係屋企埋身餵個女！
不過係屋企都要有時飲番d谷奶湯，保通番一下先得！所以每次係辦公室泵奶，平均都有成六至七安的。
- Jun 09 Mon 2008 21:26
Mormor生日快樂！
今日係mormor生日，理論上我哋應該去沙田屋企，但係明天我要開始返工，一家人都要早起身，故便要求mormor佢哋嚟我哋到慶祝，大家都好開心！
不過我個心就幾15/16，妹妹仲係未肯用奶樽飲奶，我都要好狠心地用針筒餵佢，聽佢喊到我心都痛哂！
依個就係我唔想返工的原因！(三隻大懶豬！哈哈哈！)
不過我個心就幾15/16，妹妹仲係未肯用奶樽飲奶，我都要好狠心地用針筒餵佢，聽佢喊到我心都痛哂！
依個就係我唔想返工的原因！(三隻大懶豬！哈哈哈！)
- Jun 08 Sun 2008 23:42
係咁搵
我今日係咁上baby-kingdom到,係咁搵有乜嘢可以飲咗有多d人奶的(除咗煲湯外),暫時幾work的都係通草片+荳奶,唉!真係煩上加煩!
- Jun 07 Sat 2008 21:18
無心機
近來幾天真的無乜心機寫嘢，因為好傻哋倒數要返工的日子，睇住對可愛的仔女就真的好唔捨得。
尤其是個女，近半個月食人奶食得好好， 好到唔肯用奶樽食，吓吓都要埋身。這兩天用盡辦法要她用奶樽都唔得，連針筒都出嚟餵佢，佢都係喊到拆哂天，一定要埋身先肯食。以前卓希出世時，用開“白鴿”牌奶樽，食到成肚風，然後先轉咗用b-free，好好用(不過d配件就洗到cc吓！)。所以今次唔理三七二十一，一早決定妹妹都要用b-free，由初初出世到兩個星期前都肯用，但係突然又唔肯用，今晚攞番d“白鴿”牌的奶樽出嚟用，佢又肯食？？？？真係奇上加奇，我都唔知下星期我返咗工之後佢哋四個係屋企會點算！(無眼睇！)
另一方面，我都擔心個奶量，唔知可唔可以食到六個月人奶呢？盡量啦！
鬼馬妹
我近來真的連影相都無乜心機，幸好卓希爸幫妹妹影了一係列的相！有幾張係幾“鬼馬”的，好攪笑！
尤其是個女，近半個月食人奶食得好好， 好到唔肯用奶樽食，吓吓都要埋身。這兩天用盡辦法要她用奶樽都唔得，連針筒都出嚟餵佢，佢都係喊到拆哂天，一定要埋身先肯食。以前卓希出世時，用開“白鴿”牌奶樽，食到成肚風，然後先轉咗用b-free，好好用(不過d配件就洗到cc吓！)。所以今次唔理三七二十一，一早決定妹妹都要用b-free，由初初出世到兩個星期前都肯用，但係突然又唔肯用，今晚攞番d“白鴿”牌的奶樽出嚟用，佢又肯食？？？？真係奇上加奇，我都唔知下星期我返咗工之後佢哋四個係屋企會點算！(無眼睇！)
另一方面，我都擔心個奶量，唔知可唔可以食到六個月人奶呢？盡量啦！
鬼馬妹
我近來真的連影相都無乜心機，幸好卓希爸幫妹妹影了一係列的相！有幾張係幾“鬼馬”的，好攪笑！
廚藝“棒” (5)
