我的書桌椅用咗十幾年,但係時候要換啦,又俾我係淘寶到搵到,成為310元!(仲送埋返屋企!)
跟著mormor morfar返咗嚟香港,佢哋今晚嚟咗食飯.(不過唔知點解,今晚只係影咗妹妹的相????)
我的書桌椅用咗十幾年,但係時候要換啦,又俾我係淘寶到搵到,成為310元!(仲送埋返屋企!)
跟著mormor morfar返咗嚟香港,佢哋今晚嚟咗食飯.(不過唔知點解,今晚只係影咗妹妹的相????)
近來很少寫日記,原因係忙,放假都忙?咪就係,忙去街街(次次都去都好夜),忙做生意(依家晚晚都有人bid嘢,仲係唔夜唔bid,又有好多問題要答佢哋),所以咪無寫日記,等我有時間就會寫番, update番d近況先!
今日又係開會日,團契班同學們嚟我哋屋企開會,進展都唔錯,不過同學們真係要學習將想要做的多分享,因各人的能力都不同,不能要求太高!
另外,今日老公跟咗奶奶返大良鄉下,所以又係得我同兩個小朋友係屋企,佢哋都好乖,好合作,好掋kiss kiss!
落咗雨好多日,兩個小朋友成日都係屋企,好想帶他們外出玩吓. 咁啱,卓希的同學仔媽媽提議去濕地公園,我哋就一齊去玩吓啦!我哋仲帶埋係加拿大返嚟的表舅父,好開心!
今天天氣真的很陰,老公一清早便要回校,因會考放榜,又是忙的時候。我哋幾個係屋企就乖乖咁跟著早前所訂下的時間表做嘢,今日卓希開始做新一本練習,k2上學期的練習,所以要正正當當地係自己的書桌到做,唉!依個婷婷妹妹立即嚟攪亂檔,又要做埋一份,真的好好笑!
跟著,就要見一見多天無見的細姑姐,話哂都係加拿大返嚟,又住得咁近我哋,點都要約一約,所以就一行六人,擠係我部小小的echo verso 到出發去西貢!唔知係咪兩個小朋友係屋企多天,一出到去,就好開心咁週圍走,大家都好開心!
然後,我哋就去咗爺爺屋企,因為今日係爺爺生日,一定要等埋老公返咗工先去,而且我今晚仲要返學,所以就係一個空檔過去,等兩個小朋友可以同爺爺相處一下!
幫兩個小朋友影咗好耐,但係都無心機及時間upload,今日終於做到,仲有一段upload咗兩次都唔得,終於都要放棄佢!
婷婷第一次下水禮,23/7/2009 disney hollywood hotel hk
卓希係東涌到玩水,玩到連拖鞋都無咗,超攪笑,23/7/2009!
兩個都有佢哋可愛之處,我會好好的愛佢哋,因為佢哋係耶和華所賜與我的禮物!
心情和天氣一樣,時有大起大跌,乜都唔諗,一於同卓希去睇電影。
一早約咗細姑姐及表弟去飲早茶,然後就只得我哋三個喜歡睇卡通片的年輕人:卓希,凱熙、及我,一齊去睇3D的電影,笑聲飽先!
今日我哋去咗書展,真係多人到.............................................暈!
最多戰利品的一定係兩個小朋友,但係終於係無帶妹妹的情況下去咗書展,最大收穫的一定係兩個小朋友。不過姐姐話妹妹成日企係大門口到,叫著“媽媽”,心痛c我啦!真後悔無帶到佢去,下次幾辛苦都要帶,一家四口點可以少咗妹妹呢?婷婷妹妹,對唔住!
細姑姐自加拿大返嚟後,今日嚟咗探我哋,仲帶咗好多凱熙以前玩開的thomas火車路嚟俾卓希,我的表弟就榮升咗做表舅父,kakakakaka!
細姑姐佢哋嚟咗成日,仲同卓希落咗樓去游水,好開心,我諗最開心的係我表弟,因為有得係我屋企上網y麻!
酒店游水日
無得去外地旅行,只好去一去酒店度假!玩吓啦!
今日姐姐放假,本來卓希有d朋友仔話想見,但係後來無咗聲氣. 我見咁好天,不如出尖沙咀,去坐天星小輪,兩個小朋友都好開心.
我哋第一次一家四口出街,完全無問題,卓希仲有時幫手照顧婷婷添!
天氣太熱,我哋食軟雪糕,婷婷唔鐘意食凍嘢,但係甜甜地的話,佢又要食. 卓希就開心囉,因為平時無得食,今日就大解放.
咁啱行到海邊時,就見到依隻帆船,大家都好開心咁影相.
咁,點又少得我d怪怪相y!哈!
因為豬流感的確診個案係咁升,我都唔係好敢帶對仔女返教會,大人病就識得講,小朋友病,就辛苦啦,因為唔識表達,等多個星期,我哋好快又返番教會的啦!
今日係父親節,morfar返完教會後,同anders舅父嚟我哋屋企,食飯盒,係呀,我哋今日預備食飯盒,唔想出去食飯,太多人啦!
不過,好多謝小吉e,係佢哋訂咗一個蛋糕,卓希楝的,好好味,下次再試吓其他味道先!
跟著,舅父要去返工,我哋就去咗下城門水塘,morfar講咗好多次,今次終於去啦!卓希仲帶埋單車,不過論到最好玩,都係成家人都係到玩:山水。因為天氣好熱,又有好多山水,我哋係咁玩,卓希仲話要洗街添!
梗係唔少得我d風景相,但係我仲未好識用canon 500d,都係要慢慢學吓先!
今晚約咗一班2002年係心光畢業的同學,見到佢哋,好開心,係咁傾。我咁大個女,都係第一次去樓上的食巿,味道一般,但係可以坐好耐,如果有多d位就更好啦!
應該要多d咁的聚會,回顧一吓以往,人都開心d!
我好好好好耐都無咁自己走咗出去見朋友,所以今晚個心情好free!
卓希同我一樣,大停課,為咗佢哋兩個唔使成日吽係屋企,我今日決定帶佢哋返工,有me姐姐睇住!昨天要開會,明天也要開會,星期四我要去醫院到睇骨科,星期五卓希要係屋企學普通話,所以只得今天可以帶,一於想到就做啦!不過雖然話停課,但係有好多手尾要做,做極都做唔完咁。好似展能組單元五及單元六的評估報告,我都用咗兩日先做得哂,唔係無料寫,而係成個人都諗唔到要點樣寫先好。又唔可以寫得太白,又唔可以傷害到學生,但係又要寫事實,超難!
昨天,我辦公室嚟咗部新printer,hp6500,it同事今早先有時間幫我裝,但係裝嚟裝去都裝唔到,所以,就算兩個小朋友嚟咗心光,我都無理到佢哋,由佢哋玩玩具,因為我去咗電腦室到係咁做不同的報告!下午到阿仔話要睇碟,所以我又係電腦房到做嘢,有外置hard disk真係好,可以拎住週圍去做嘢,不受影響!
老公只返半天,下午又走咗嚟心光,楊家全家人都係心光,不過只得楊太太一人忙到c,佢哋就係辦公室到heaaaaaaaaaaaaa!放工後,老公提議去買相機,其實我去年已經好想買部單鏡反光機,不過係我差唔多要買的時間,老公打沈咗我學影相的自信,所以又係power shot的傻瓜機!但係今年連老公都想學番一技之長,佢見我報咗教資中心的影相班,就決心哋要買相機。今次我哋好有共識要買canon 500d, 去到德福後,唔使半小時,已經買咗係手,以後我有排玩啦!yeah!
我隻腳真係越來越麻煩,d瘀血唔去,去咗去腳掌到,成隻左腳的腳掌又腫麻!我咁大個女,第一次睇跌打咋!
不過跌打師傅都無用到跌打酒,因為我敏感,所以佢都係用跌丁藥膏嚟打圈咋!
佢話明天返工前,要用茶葉沖的茶水洗,跟著就可以返工。不過明晚我就無得去睇佢,因為我仲有兩堂學要返!
放工返到屋企,立即帶著口罩的我,同兩個小朋友玩,佢哋真係好得意!
認同
今早楂車返工的路上,聽陶傑的“陶言無忌”,好認同佢的講法:(摘自881)
教統局經過一年咨詢,就宣布微調方案,從此英中同埋中中就表面唔再一刀切,但係就會容許一間學校只要過去兩年獲派屬於全港「前列線」四成嘅中一新生,平均比例達到一班學生人數嘅八成半,就可以開設一班英文班喇,其他嘅學生就要打入另冊,入讀非英文班,亦即是母語班。佢嘅稱呼就連英文同中文都唔敢名正言順講,只係講英文班同埋非英文班,本身就係喺心理上希望減除一啲「中文」兩個字令人低等嘅心理效應。
好嘢!幫卓希報名返暑期班,全部四班都收咗佢!(樓下,童軍知友社賽馬會啟業青少年服務中心)
逢星期一下午:圖像英語併音
逢星期二早上:擊樂樂繽fun、下午:3D立體回力車
逢星期五早上:幼兒蛋糕班
雖然每次都只係一小時,之但係佢忙要去玩時,我就忙休息!耳仔都要鬆一鬆!仲有就係,只係樓下,唔一定要我哋帶,姐姐都識路!yeah!
淘寶媽
我又係淘寶到搵到嘢俾我對仔女啦!
依d衫全部都係卓希的,最貴都係27元人民幣,抵!
除咗條褲係卓希之外,其餘的都是妹妹的!
d頭飾好平,整到我心癢癢,好想創一番事業!
卓希逢星期六下午都要入青衣,去英基上英文堂。卓希爸對由青衣返屋企的路效熟,所以都係由佢楂!今日仲負責楂入青衣!下次我會預早通知大家,千祈千祈唔好行街住呀!(哈哈哈!)