close
昨天陸運會，所以今天學校放假，我都要好好咁利用今日的時間，因為如果唔係，會連續七天都無假放！(今個週未都要返工)
一早送咗卓希豬返學，之後我就無返屋企，因為唔想走來走去。自己一個人帶埋下星期一要考試的notes，去咗星巴克到，叫咗杯朱古力咖啡，一邊飲咖啡，就一邊溫書。我同自己講，這幾天只係得依個時間可以溫到書，要好好咁把握時間。所以我真的好專心地溫習，把所有要考的文選睇過一次，仲drop咗一些考試要的筆記，雖然幫助唔係太大，不過都叫做睇過，知道自己將會考的內容.......等等。
之後就去咗找鞋，因為近來學校出咗張通告，話唔准著有拖鞋型的鞋返工，咁我好多對鞋都係拖鞋型(方便 + 通爽)。而且個肚越大時，雙腳好有可能會腫，所以有時間都要睇定同買定雙鞋。不過買鞋都係一樣頭痛的事情，因為我雙腳好大的，試過剛剛從瑞典回港後，卓希爸和我行哂成個銅鑼灣都未能找到合size的鞋給我。而且經過灰甲，及腳骨凸出後，我買鞋都要好小心，唔會再買嗰d又平又好靚的鞋，只會買有信譽及乘托力好的鞋。所以今天終於在ecco買到心頭好，仲要全線都只得一對我的size(40號)，無法啦，鬼叫自己麻煩咩！
卓希爸學校考試，所以佢都只係返半日，我接咗卓希後，便去食午飯，卓希爸也來join我哋。仲有時間去玩波波池添，卓希都成幾個月無玩啦，所以佢今日勁開心。
晚上去咗嫲嫲到食飯，因為湊開堂家姐的工人me姐姐明天返印尼，話要相睇結婚。我哋粗粗地送咗支hand cream給她，因為當我哋好需要人幫忙湊卓希時(嗰時芳ee入咗醫院一段時間，仲要休養身體)，佢真的好幫得手，賜到卓希不得了。希望佢真的嫁到如意新郎君啦！
全站熱搜
留言列表
廚藝“棒” (5)
