close
是日平安夜，但卓希爸都未好番，唉！都唔知要病幾多日？原來連爺爺及堂家姐也病了，我們猜是否由卓希傳染給爺爺，而爺爺又傳染給堂家姐呢？病毒依家嘢真的好難講！

今早六點卓希已請我開奶給他，點知開完奶之後就發現佢訓返，本來係想由得佢，但經過多年來的經驗(楊太，乜唔係得兩年幾經驗嗎？)，卓希係會不到黃河心不死的，一定會再起身話要奶奶。咁我就擔粗粗咁問佢係咪仲要奶奶，佢點頭示意要，然後我話飲完之後再訓多一會兒啦！點知飲完之後，拍幾拍pat pat，就已經再訓番，仲一訓訓到八點幾，一個字“正”！

上午卓希爸自以為已經好番，點知起咗身之後無幾耐又話自己唔係好點，跟著食完下午飯之後(我哋全家都只係食通心粉咋！)佢又話肚痾，唉！d病菌真的好利害！但卓希就已經以為可以接近佢爸爸，成日係咁“療”卓希爸，而依個卓希爸有時又忍唔住同佢玩，攪到個仔開始無乜防範，我只好下午又帶佢出街，又要做衰人咁分開佢哋兩個。

下午約咗我個細路，去旺角買望遠鏡給morfar，morfar講咗幾年的啦，但我同mormor都唔識去買，今年有細路係到，都可以有個人一齊商量下！買到三點幾，我們便先行回家，因為卓希豬要訓覺，而我都要休息！

晚上我們去了mormor、morfar家(除了卓希爸，十幾年來第一次無佢份)，卓希好開心，因為有好多禮物。我家的傳統都係平安夜分禮物，大家一起分享，過一個真正平安的平安夜。咁就一定唔少得一個北歐式的聖誕大餐，好味、好味、好好味！


卓希仲收到好多玩具，尤其是他一直都好渴望要的田螺車，在回家的路上，其實他已經很疲累，但由於我不准許他在morfar家開玩具出嚟玩，話一定要回到自己屋企先，所以佢係車到係咁唔肯訓，一定要返到屋企，開咗部車出嚟玩後，才能好好的訓！唉！依個仔！

今年禮物大豐收!!!!!




“祝：各位聖誕快樂，新年蒙恩！”
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄