close
今日我哋無返教會，因為楊家有家族節目，就係要去拜山，地點係鯉魚門，好彩唔使上山，只係係每邊的一間道教屋。聽話係卓希爺爺的嫲嫲俾錢起的，所以都算係德高望重，我哋一年都會嚟兩次。
昨天夜晚，卓希都算夜訓，成九點四十分才訓著，心諗佢今早也許會訓多少少，點知唔係，又係倒塔咁早六點又起咗身。我哋十點鐘出門口，去到後攪咗一輪後，便一大班大走人，預備去旺角的滙豐食飯(用員工的福利來book的)，點知去到朗豪坊泊好車後，我發現唔見咗卓希的尿片袋，其實尿片同水杯都唔重要，但係部數碼相機係裏面。所以我又渣車，由旺角去鯉魚門，又由鯉魚門返去旺角，直頭係行大運啦！
食完飯之後，我哋一班人貪得意便開著個卡拉ok，仲開d兒歌，三個小朋友係咁對著個電視又跳又笑，
大人們就幫他們唱同打拍子，大家都好開心。
卓希一個早上都只係訓咗幾個子，在返屋企的途中佢已經好疲倦了，不過我係車到一路渣車，一路係咁引佢，為了唔想佢訓住，返到屋企換咗衫後先訓。到落車時佢都無訓，點知由停車場到屋企樓下這段路佢就訓咗啦，佢真的好攰。不過返到屋企，我都要同佢換衫，因為係滙豐時，佢哋三個小b都有爬係地上玩，唔換衫又點得呢？就係咁，佢就醒哂，叫咗成兩個鐘都唔願去訓，但到五時多時，佢乜鬼都扭計，咁我就知佢一定好攰，要訓覺。抱上手唔使九鈔九已經訓著，不過今日傑，就係佢唔俾我放番佢落床自己訓，要我抱住，就係咁，我兩母子攬住咁訓咗一陣！
依兩日我右腳的腳子公很痛，自從生完卓希後，我的腳子週不時都痛，尤其是右腳腳子公，
d腳子甲直頭退咗出嚟，真的很難看，以前我都好少油腳甲的，不過現在唔油唔得，因為十分難看，唔想俾人見到我d腳甲咁k型！
全站熱搜
留言列表
廚藝“棒” (5)
