close
今早卓希六點三十分便醒了，飲完奶之後，就係咁i癡住卓希爸，要食佢的腸仔包的嗰條腸仔。點知卓希咳了兩聲，就將個條香腸嘔番出嚟，咁我趕住返工，又見成地都係嘔吐物，就等芳ee同佢清潔後，幫佢著上拖鞋，免得佢隻腳仔踏上去，咁就俾咗個錯覺佢啦！卓希以為有得去街，仲轉頭同卓希爸同芳ee拜拜，我話媽媽返工，bb唔出街住，佢就張大個口係咁咸，要跟我返工〈第一次〉。我出咗門口後，輪到卓希爸出門口，佢又係咁要出街，點知又無得去。
 
9:00am：11:00am：4:30pm：6:30pm：7:15pm，依d係乜？以下是答案
我返到心光後，都未到九點，芳ee就打電話嚟話卓希係咁指住個門口要出街，話佢哋不如去超市買餸，我話：好。由超市返到屋企後，芳ee話我知有d嘢未買到，但係超巿話晏d會有，咁我以為下午先會去，點知十一點芳ee又打嚟，就話卓希又指住門口，咁不如佢哋落去睇吓有貨未，我都話：好。下午四點半，芳ee又打嚟，話卓希一訓醒，就又指住對大門，要落街，我係電話到同卓希講唔落啦，等爸爸返嚟先啦，佢就立刻好似人哋黑白電影d橋段咁爬係張大人床到。咁我都要睇吓卓希爸幾點返屋企先，咪打給他，點知佢又去咗葵芳到攞維修的錶，咁就叫芳ee帶卓希落去行幾個字就返屋企！
我放工後，雖然今晚要返bu返學，但係可以先返屋企食飯，咁卓希爸就帶卓希落樓接我，回到家裏食完飯之後，卓希見到我拿著個file，又知我要出街，便要求又出街，我話媽媽要返學，唔係去玩，卓希爸都話：天黑啦，唔出去啦！但係依個仔都係咁，我又趕時間，咁就嗱嗱臨咁又帶佢落樓送我去停車場。不過又係的，成日都係對著間屋同芳ee，點都會悶的，咁佢哋又只係落樓下，算啦！但係亞仔今日破咗我出街次數的紀錄，佢今日出咗5次，勁！
 
今個學期返bu的時間真的好好，七點幾先上堂，咁我可以返屋企食少少飯同睇吓個仔，但係又會有時個人有引誘係已經返到屋企，唔係好想返學，好想走堂。但今個學期，全部都係我自己一個人，我d同學仔唔同我一班，所以就要落力返，務求要達到attendence。而且今晚個科要計數，好深，計到我頭都暈暈哋！
 
 
•標準分數 (z-score)
計算公式如下: Z = X - X
                             S 
•T 分數(T-score)
T =10z+50
 
如果可以快d讀完就好啦，我每次上堂時都會諗，嗯！返到屋企都整理好d notes，咁考試時open book就會容易d找，但係次次都無，今次咁多數要計，我又有咁的諗頭，但係對自己都係無乜信心，因為一到假期就要湊仔，同有時又要返工，就快係家長日，又有學生會洗禮，仲有就係大大鑊的聖誕節，年年到十二月，人人都會好開心咁期待，我就有d怕，因為有好鬼多嘢做的！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄