依個豬仔希,就嚟俾佢玩殘。昨天晚上外出食飯,成九點先食奶奶,十點返到屋企訓覺。點知!點知!佢一點自己咳醒,然後佢一味係咁話要飲奶奶,根本就係心癮,九點先食奶,點會一點又要食,所以我咪唔俾。佢又要我抱,抱抱下又要落床,我又知佢唔舒服,nose塞又咳,所以咪抱住佢企係到囉。好啦!佢訓咗後便放佢落床,點知佢又咸,煩c我,大佬呀!我成日返咗工都無休息過,卓希同爸爸都話係去柴灣的路途上訓過,我就真的一d都無,而且又成十二點先去訓。攰都攰c我,卓希爸見到我咁忟,便接棒抱住卓希訓。我就去訓,而且nose敏感好辛苦,凌晨四點,輪到我自己個nose令到自己醒,又要去洗手間申一輪nose。今早返工,真的好以行屍走肉咁,仲要聽講座,咪就係咁訓囉!
 
放工時,我的nose水係咁流,所以我猜我已經被豬仔希傳染咗啦,可想言之我哋兩母子係幾咁親密。講起豬仔希,雖然佢的燒已經退咗,不過而家d病菌先出嚟,nose水係咁流(兩母子一樣),又仲有幾聲咳,我聽到佢有d啖係喉嚨到。到底幾時先好返呢?
 
今晚要開始返BU返學啦,原以為今次的講師一定會好似以往那些咁悶,不過今次又唔係咁差,佢時常講笑,keep住我哋唔好訓,都真係用心良苦!
arrow
arrow
    全站熱搜

    suklaic 發表在 痞客邦 留言(0) 人氣()