close
今日午饍時間，食完嘢，個人好攰，走咗去sofa到坐坐，點知咁就訓著咗。咁都唔奇，奇就奇在中間有兩個電話找我，我都接過來，然後去sofa到又訓過，真的好攰！跟著呢？突然扎醒咗，第一時間就諗：「打咗鐘未？」一睇錶，原來已經打咗鐘，仲遲咗成兩分鐘，嗱嗱林攞起書同筆盒就去課室到上堂，仲要扮到無嘢咁入課室。原來我真的好攰，咁都可以訓得著，人哋就話坐巴士時，因為巴士係咁搖晃，所以就容易訓啫，但係我只係坐係到都訓到！
今日最後一節就係上最無成功感的小一，仲係口問試，即是話要個四位同學背金句。今年他們的程度真的很差，我都要出多少少力嚟幫佢哋，以往到考試時間，係學生自己背哂d金句。例如：「第一課金句，起初神創造天地。創世記一章一節。」但係今年真的唔點，我只好出填充題俾佢哋。
老師：「起初神創造________。(創世記一章一節)」
學生：天地
咁就有分啦，係咪好容易呢？不過都係無成功感，事關得一個學生識哂，一個就識一半，一個就撞彩咁啱咗三個，最後一個就食蛋。唉！考到我都無乜心機，以前一班十幾個學生都可以一堂考得哂，今日只得小貓四隻，都考咗成一堂。真的無成功感可言，真的好難同佢哋做評估。聽故事，又係聽d唔聽d，背金句又只係得短暫記憶，好kick手呀！
全站熱搜
留言列表
廚藝“棒” (5)
