close
今早送卓希豬返學時都覺得涼，只係涼，但係到咗下午，可以用“凍”嚟形容。不過都要感恩，就係開始凍時，我不用在課室監考。
之但係下午仲落雨，我心諗，點算呀？今晚仲要帶精兵團去香港公園outing，一定好凍啦。打給義工carmen，原來佢已經係金鐘M記訂咗位，仲有一個corner給我們的學生，只好就茖去嗰到聚會啦！
哈！天父真的好奇妙，係我哋預備出發之前就已經停咗雨，地面都無濕。咁就照原定計劃，先去香港公園走走，聚會先，然後才到海富中心的M記。雖然係香港公園時，都有毛毛雨，但係我哋都坐了一會兒，才起行到海富中心。
不過真的好凍，連我雙手好暖，有兩個人的溫度的人，都話凍，咁就可想言之係幾咁凍。有時見到d學生著到咁少衫，流著兩行鼻涕咁同我哋話“唔凍”！真的激死，仲要做到好似佢亞媽咁，管住佢哋幾時要著夠衫。有時我諗，如果心光唔係寄宿學校都幾好，起碼d家長唔會成日唔理d學生，連天氣凍都管唔到佢哋要著衫。有時我會有咁的疑問：以現時香港地的交通咁方便，係咪真的需要有寄宿呢？好多家長都就咁扔下d小朋友係心光，自己就自由自在咁週圍去(我時常係三樓聽到d家長約埋去邊到玩)，咁做父母的責任何在呢？如果我個仔的學校有寄宿的話，我一定唔會捨得俾佢寄宿，以自己做父母的責任嚟教佢。
全站熱搜
留言列表
廚藝“棒” (5)
