close
昨晚天氣已經凍冰冰，我便誇下海口，跟卓希豬話今晚“打邊爐”。今早打給bu的同學仔，她話一定一定會幫我簽到名，所以今晚便大安旨意咁返屋企“打邊爐”。點知仲有五分鐘就收點名簿時，同學仔先打電話給我，話好塞車，返唔到bu。當時我已“嬲”，嬲佢已經第二次誇下海口話一定簽到，嬲自己咁懶，返去簽個名都唔去。我已經無咗兩次qouta啦，再係咁，臨生時點算？求人不如求己，下次點都自己返去簽個名先，仲俾卓希爸串我。因為之前幾次都係我幫同學仔簽名，但係到同學仔要幫我時就係一定唔成功。
今晚已經心情唔靚啦，卓希爸仲衰多口，話我成日一開口就“鬧人”。咁佢又唔諗下點解我會“鬧”，成日係咁縱個仔，令到個仔咁鬼難教。如果個仔唔聽佢話，又會係個仔面前到話“媽媽鬧的”，整到我個形象就係一定會“鬧”。你估我想的咩？我夠想好似其他女人咁小鳥依人，又溫柔，又賢淑，咁你都要同我配合先得架！所以佢一咁講後，我一句都無理到佢。“嬲”！
全站熱搜
留言列表
廚藝“棒” (5)
