close
今日學校家長日，所以一早便要返心光，雖然今日我無家長要見，但係因為“歲晚收爐”，所以都係集中火力收拾東西及預備明天團契旅行的事情。

下午我放十二點，自己一個人去了銅鑼灣，為的是辦年貨。先先去大球場到等標位，都等咗成二十分鐘先有個位。然後本來諗住先去買嘢，等少D人先去食嘢。點知經過一間西式餐廳，見無乜人，就走咗入去醫肚，仲飲咗一碗好味又暖的波菜湯添，心想，如果心光的廚師有咁的水準就好啦！(←想大我個頭！)

跟著就去咗華麗園到買年糕，又去對面的么鳳買過年食品。係銅鑼灣買完一輪嘢之後，就去佐敦，到護協到拿兩星期前所訂購的COMBI新CARSEAT給卓希，順便買埋老二要用的新奶樽同其他用品。回家時，同自己講，如果電腦洗車屋唔多車的話，都要洗一洗部車，因為真的好DIRTY。點知一轉灣就見到得一輪車係到洗緊，又無其他車排隊，咁我就快快的轉入去洗車了。

晚上嫲嫲仲帶堂家姐來我們家食飯，堂家姐仲係我哋屋企沖埋涼(因為坪石村真的好凍，係我哋到沖暖好多！)所以今日話雖放半天，但係我真的好忙，希望下星期可以把注意力集中係清潔屋企啦！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄