昨晚十一時半，我同卓希爸預備上床休息的時候，卓希反身訓(佢仲係大床到同我哋一齊訓，仲係訓中間添！)然後卓希突然係咁嘔，嘔咗係大床到，跟著坐咗起身，仲話想嘔，就帶咗佢去洗手間到嘔，又真的嘔哂晚飯時所食的東西。以為可以安睡啦，點知佢又話肚痛，要痾大大，又真係痾咗爛的大大。成晚就係咁，又痾又嘔，個仔都已經好攰，我同卓希爸都唔敢點訓，卓希一轉身，我哋就睇住佢。成晚都係進進出出洗手間同睡房，到凌晨三時半，卓希痾第三次時，我哋聞到有味，問佢係咪痾咗大大，佢點頭話係，不過都無哂力，我同卓希爸決定幫佢清理好後，就去急症室。
去到急症室，姑娘話當時仲係睇緊兩點幾輪緊的人，我哋見出面唔係坐著好多人，咁就等下啦！點知又咁啱，有急症要急救，等咗兩小時，d人流都無郁過。卓希爸話不如返屋企啦，因為卓希去到醫院後又痾又嘔咗一次，姑娘都唔係點理佢，而且佢倚靠著我都訓咗，好次好咗少少，不如等天光去睇趙醫生啦！
就係咁，我哋又返咗屋企。之但係我同卓希爸都幾angry，因為成晚姐姐都無起過身幫我哋，佢同卓希的房就係洗手間對面，我哋成晚係咁進進出出，佢無理由聽唔到。仲要我依個大肚婆去洗卓希所有的嘔吐物，我哋的講話都好大聲的，而且我仲進出過佢房拿片片及衣物給卓希。真的無理由咁都唔醒，六點幾返係醫院返嚟，佢都未起身，真的好過份，我哋三個都唔啋佢。姐姐見到我洗咗咁多衫同床單，仲問我話：係咪楊卓希唔舒服！我當時頭暈咋(因為無訓過)，如果唔係睇我點义佢，我話：你成晚聽唔到我哋係咁出山入入嗎？你又知唔知道我哋剛剛從醫院回來？姐姐一d都唔答！我哋三個入房安靜訓過。
感謝神！俾我搵到趙醫生，仲book到下午1：15pm，咁啱，我一早book咗今日1：00pm去照超聲波，所以十二點的時候，就齊齊出門口！
趙醫生話應該係過濾性病毒嚟的，所以個人會好攰，由得他痾清哂d菌啦！卓希下午返到屋企，共痾咗兩次，又嘔咗兩次，不過就休息咗成三小時。
今天係我第二次睇陳醫生，目的係睇下楊老二的發展，因為依家係母嬰健康院到，佢哋check唔到幾多。以前有卓希時，我都有去私家到睇，不過係喺旺角的女陳醫生，但係就超多人，最少要等成兩小時，卓希爸試過同我一齊等到佢發脾氣話要走人。所以今次我哋選擇睇中環的陳醫生，一來係上次我出血時係由佢睇，二來應該唔使等咁耐。陳醫生真的好好人，佢好細心咁睇我，話我都係血壓高咗少少，要小心，多d休息(我都想，不過咁啱昨天晚上就無訓過，血壓點會唔高！)
依家我好驚今晚訓覺呀，好怕又會好似昨晚咁的話，我會c的！
全站熱搜
留言列表
廚藝“棒” (5)
