昨天晚上訓得唔好,因為卓希豬都唔知做乜鬼,依兩個星期晚晚都係咁訓訓吓就喊,轉身轉得好勁。就好似昨晚咁,喊咗成三四次,成晚又俾我罵咗成三次左右,話完佢,佢又識得訓向卓希嗰邊然後哭泣(因為俾我罵)!跟著晚晚都係咁踢我哋兩個大人,所以我昨晚都真係“火”都嚟,跟著落order,今日天氣開始回暖,要返細床到訓!
 
所以精神真的唔係咁好,卓希又早上六點半就已經起身。安頓好佢食麵包同睇卡通後,我同卓希爸都頂唔順,要返上床到休息!
 
通常我會在早上返教會之前,去買好餸,安排好屋企的嘢,才會返教會。不過今日就真係乜都做唔到,就已經夠鐘返教會。返到教會,mormor又嚟咗,所以要陪佢食午飯,返到屋企樓下都已經成兩點,又要買餸,又要買生果,又要買屋企的日用品。
 
返得屋企時,都已經係下午三點,諗住可以休息一吓,點知就係依個時候,門鐘响起來,見到一班學生係門外!呀!記起啦!約咗三月二日嚟我屋企開會,但係我無為意到今.日.就.係.三.月.二.日,好彩已經返到屋企。幸好,之前同卓希爸提過,咁今日不致於見到佢面黑!
 
又好彩!今日班學生好乖,兩小時內就已經傾好哂,我仲有一小時free time才過去嫲嫲到食飯。不過都係只得十分鐘的休息,因為又要同卓希豬沖定涼先過去,所以我今日仲攰過返工呀!
arrow
arrow
    全站熱搜

    suklaic 發表在 痞客邦 留言(0) 人氣()