港楊回憶，樂趣無窮！

2006年的最後一天，感覺如何？無！只係唔想咁快返工，因為好enjoy同卓希豬係屋企！


所有msn、yahoo、同icq都work番啦！我仲話要打去pccw要求佢減免添，但係我都未有時間咁做，嘻！依家唔使啦！


今早返完教會之後，下午係屋企本來係同卓希豬睇緊english times，但係我睇睇吓好好好好想訓，咁我就留底卓希俾卓希爸照顧，點知當我預備要訓著時，卓希就上床。食住奶咀，玩住巴士，i住我(不過我唔理佢，因為我已經訓咗大半)就係咁，佢自己訓著咗。其實佢係可以自己訓的，不過某些大人好想快d又好想佢訓咗後可以做其他嘢的話，就抱住佢訓囉！我同卓希一齊咁訓，就訓咗成兩小時，對我嚟講，直頭係大昏迷。


接著，係未去爺爺家前，便去了德福，因為我對返工鞋破到唔見得人啦，要買個對。係同時，卓希爸就帶卓希去德福的花園週圍行，點知我攪點後佢唔肯走，激到卓希爸要出手打佢pat pat。所以卓希一見到我後，就要我抱，仲唔要爸爸包番。我依個仔真的好記仇，不過卓希爸話原來要咁先可以lak到身，無法啦，平時佢咁就個仔，今次仲出手打佢，佢一定唔要架。(我都試得多，因為平時出手嗰個係我)


去到爺爺家，卓希見到家姐就好想同家姐玩，不過兩個小朋友都係成日要爭嘢玩，係要爭吓先至得。食完飯後，我哋仲去咗堂家姐(芍萱)家玩，芍萱一路行，一路叫細路(卓希)唔好跟著嚟，好驚卓希會同佢爭玩具，好好笑。唔單只芍萱怕，大伯仲怕，因為佢有好多音響器材同玩意就咁放係屋企到，我家的破壞王去到真的會無得餘。所以我哋一入到屋後，就直入家姐的房係咁玩玩具，走時，我哋都無俾卓希落地，以防佢攪破壞！


祝各位新年快樂，更蒙主恩！