close
依個無鬼用的pccw，做嘢都慢過人，好多其他的寬頻網都可以正常運作啦，佢都係未得，今晚開始得返ICQ同入到yahoo的網頁，仲有我心愛的msn仲未得！


成個早上都無乜作為，卓希爸又話個仔會訓，但係個仔又係到玩，跟本唔係訓，火都嚟！一於出街，先去樓下醫肚，然後出咗旺角買新屋的燈。買完之後，我仲有好多大計的，諗住去旺再的海馬到買sofa，點知雅蘭中心個間海馬執咗。佢無web site已經好落後啦，連係旺再咁旺的地方的店舖都執埋就真的顯示佢無乜生意！好彩，我哋買到disney的床單給卓希，就係因為個d公仔好cute，所以佢先致肯自己蓋被，正一臭豬！  然後我想去pccw到補領張單，可以去nokia到維修部電話，點知依個pccw，又搬咗，太遠啦，要去到太子，我哋“的”住卓希，真的好麻煩，所以就無去到啦！


返到屋企，就約咗嫲嫲同堂家姐去我哋新屋樓下的公園仔到玩，順便上一上新屋到睇睇，因為嫲嫲未上過。跟著就返我哋屋企，嫲嫲佢哋坐咗一陣就返屋企，我哋以為卓希會訓，點知佢又唔訓。好！一於去荷利活廣場的海馬，快d買埋張sofa先！


返到屋企，我又差d為咗教仔而同卓希爸吵大鑊，我明佢好好好好好好好錫個仔，但係咁錫法係唔得的。佢成日話我自己乜都可以同個仔做，咁我係自己睇住佢的，無靠其他人，但係佢又唔知道我話卓希時佢的緊張樣就係幫助卓希可以逃避問題的main point！唉！如果有一日我離開依個家的話，就一定係佢兩父子攪成的！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄