港楊回憶，樂趣無窮！

以前係瑞典讀書時,已經開始研究一些護膚品的用途.返到香港,開始做嘢,有個錢係身就學人一個星期去一次美容院到做facial,真的好relax,仲要揀放工之後去,針清完之後都唔會俾人見到,仲可以返到屋企就訓覺,俾d皮膚有充足的時間休息.

結咗婚後,都堅持各有各relax,卓希爸就鐘意一個星期反兩晚爺爺屋企食飯,我就會去做facial,真的寧願唔食飯都要做.係屋企都會晚晚做唔同的護理,一時美白,一時保濕,一時收緊,花款多到不得了.

之但係卓希出咗世之後,連訓的時間都唔夠,更加唔使講話做facial,一有時間就上床訓.直至到卓希兩歲時,有一個full time的姐姐,可以放心逢星期六早上去relax一下,點知做唔夠半年又有咗妹妹,咁就停咗.

唉!d皮膚成個老人家咁,連最基本的保濕都唔願做,個心就成日都好想要做返facial,但係要等到個仔同個女訓咗覺先得,都會成十點幾,做得嚟都成十一點幾,咁我寧願寫日記同上床訓覺.

不過,我同自己講,長此下去,會好快變黃面婆,唔得!所以由昨晚開始,做一些精華素的護理,今晚又做保濕,希望仲可以保得住個樣啦!

以前我都唔會化妝返工,但今日油咗少少灰水,等自己個樣無咁殘,果然真係好似靚咗咁,依家先明白點解咁多女仔一定要化咗妝先出門口.不過到週未我就唔會,點都要讓d皮膚透透氣!