close
好開心呀，卓希爸終於返咗屋企啦！話說昨天晚上我本來想等佢返嚟，但不竟人老咗就捱唔到咁多，十二點我便走上床。半夜兩點半，我的腳很痛，要起床食止痛葯，看看鐘，半夜兩點半，為何卓希爸仲未返呢？我便試吓打他的手提，他談原來在皇崗過緊關，他們的飛機因天雨的關係，遲了兩小時。咁我都放心點，免得以為佢返返吓嚟唔知去咗邊到玩！(量佢都唔敢^v^)四點半我又起身，今次真的見到卓希爸，他正在洗澡，點知連卓希都醒咗，仲要半夜奶奶，咁我都無法，只好開奶給他，他飲奶時見到爸爸返咗嚟，係開心到醒哂！我的天呀！係凌晨五點呀，跟著卓希以為可以玩同出廳，我就唔准佢出去，仲要阻止佢兩父子癡埋，如果唔係就真的唔使訓。去到六點卓希先乖乖的訓係我同卓希爸中間，所以話我哋兩個都好好好好掛住卓希爸的。
下午我們一家又去了飛鵝山，今次我和卓希都有下車，為的是玩吹泡泡，很開心，卓希仲係到玩到唔想走添。 走之前我做了一件很重要的事情，就是把卓希的car seat放返係後面，我以為佢見到會扭計，點知佢好順灘咁。因為我同佢講，爸爸返咗嚟，就係爸爸負責坐車頭。
跟著我們也做了一件大事，就是在一個下午與晚上之間，決定買樓，仲係要簽了買賣合約個隻。事情來得太突然，令到我真的有些患得患失。因為買樓始終係一件大事，買得咁快的其中一個原因是個經紀迫得我們好緊要，當我們說要考慮一晚時，她說「你唔好玩我」，真的令到人有點不知所措！但另一方面又咁睇，我們都幾鐘意嗰層樓，沒有我們現在的那麼開楊，但也看到香港島，過農曆新年時仲可以睇到煙花。希望我們的選擇沒有錯吧！回到家時，當我和小卓希祈禱時也為言件事祈禱。他好像知道媽媽有很多東西諗，所以乖乖的在床上等我。真的希望沒有錯！
全站熱搜
留言列表
廚藝“棒” (5)
