close
今日卓希要去沙田mormor家，初初佢都唔想出門口，因為睇緊電視卞通片，不過我用mormor家隻狗來引他，便快快的著鞋。仲去了彩頤花園接梯ee，不過俾我哋見到爆地底水喉，唔係普通的爆，而係爆到成個石屎地面都裂哂同成塊地都欄哂，可想言之地底水的沖力係好大。
去到沙田，我哋先上道風山，去神學院探morfar同睇魚，卓希鐘意到不得了。依個morfar仲叫卓希落水石d魚游水，嚇到我係咁捉住個仔。跟著仲上咗morfar的辦法室，卓希係嗰到可以一嘗心願咁玩keyboard同係咁攪嘢。
之後就落番屋企到找mormor啦，卓希好似有點兒不習慣，不過佢真的好鐘意嗰兩隻狗，仲要學我咁餵佢哋食狗糧，仲唔怕添，真的有我的一半大膽。時間過得真快，又係時候我要起程返工，之前係道風山落山的時候，我已經預告咗給卓希知話媽媽要返工，佢係mormor到玩，問佢知唔知(即是收唔收到的意思)，佢諗都唔使諗就同我講：「唔知！」我隔一陣又同佢講，今次佢話唔好。所以可想言之我預備開車走人時，佢係咁咸，令到我個心都痛哂！
我渣緊車返工的途中，打電話給芳ee，睇佢今日點樣，又話佢知卓希係師母到，不過佢話星期六做了手術後，到今天個傷口仲痛，咁我就同佢講唔好行去師母到啦，免得佢係半路暈到就大鑊。點知我返到工打電話入沙田家時，mormor話芳ee到咗，仲抱住卓希，隻豬仔就係咁訓咗。哎呀！唔可以抱的，芳ee仲有個傷口，點可以抱呢？依個就係我唔俾佢返工的原因，佢真的好錫卓希，但係都要顧吓自己的身體先得的。唉！我都無哂氣啦！
全站熱搜
留言列表
廚藝“棒” (5)
