close
今日係芍婷的抽血日,其實佢係參加咗HKU的一個研究,研究流感針對小朋友的影響。打咗兩次針,今次係第三次,唔使打針,不過要抽血。我依個肥妹妹,先先姑娘搵咗好耐都搵唔到要落針的地方,因為佢雙手都好肥滿,終於決定左手,拮咗針後但係滴唔出血。要call醫生,又係右手到拮過針,咁先滴得出血。不過妹妹好叻叻,有姐姐同佢玩時,佢一句都無喊到,真係我的乖乖妹!
跟著見橫點都係香港島,就走咗去赤柱行吓!走圍亂咁影一餐,嚟滿足我想影相的慾望!卓希依家識做post,不過都係咁的款!
跟著我就週圍亂影一通!
依張係卓希豬叫我影的,我話:「吓?影d草?」佢話:「係!」
我發現唔單只我對d舊嘢有興趣,連卓希都時不時會望同發問,有好寄的心!
藝術之作^v^(飽c!)
影依到時,有庭園深深深似海的感覺。
又攞我的鏡頭出嚟影吓相先!
我係咁用快拍,幫卓希影咗好多張連環相,唔識串起佢,依張係中間的其中一張。
天氣熱,連妹妹都飲好多水!
個天好清,睇唔睇到架飛機呢?
我試用“光圈”影的,都係實驗階段。
猜這張相係乜?(答案在下面↓)
碼頭的地面,哈哈哈!因為我要等卓希豬睇船,此乃無聊之作!
全站熱搜
留言列表