close
今晚返咗柴灣食團年飯，每年我都好鐘意食依餐飯，唔係因為有得食(我哋成十六個大人，d嘢都好似唔係好夠食)不過就好享受同親人一齊的感覺。
自從祖父母不在後，成個「周」家就好像四散了的波子一樣，每家人都只能維繫著兩三個成員。以往祖父母健在時，一到過年過節，大家就算有幾唔鐘意對方，都會上“滿華樓”到食飯。以前的大廚一定係大姑姐同大伯娘，兩個都係煮飯高手，後來就加入三伯娘。
祖父過身後，人際關係就已經開始散咗少少，連祖母過身後，都無人肯再攪食飯，一嚟怕面咗咗，二嚟條數又唔知點計。爸爸從瑞典回來後，他真的好重親情，成日有意無意都會返柴灣見下d家人，我都係學咗佢咁，一返柴灣覆診，就會落「香江」，見到幾多家人就見！所以無咗以前過年過節嗰種食飯做節的氣氛時，始終都係爸爸心裏一個難解的結。
兩三年前開始，我就係負責做book枱同約其他家人(即是「周」家的女公關)，而爸爸就是負責埋單嗰個，那年幼時做節的氣氛又再重現在眼前。雖然已經不再是在「滿華樓」(仲無咗每次的潮州抄麵)，但能和幾多家人有聯繫成為每次的動力，希望大家可以繼續吧！
今晚才知道原來我兩個堂家姐係BLOG中的長期讀者，不過都無留言，尤其是大家姐話：「每日都要“追”過先安樂。」我話：「咁無線咪要找我做編劇？」哈！哈！哈！BLOG係我發洩的地方，不過我都好多謝佢哋咁留意「楊氏」一家！
全站熱搜
留言列表
廚藝“棒” (5)
