close
搬咗成個星期，由於依個超麻煩的pccw，令到我係屋企仲未有得上網住，就日日晚上草草的打了些日記在word裏，然後第二天返到工作後才upload到pixnet。晚晚我都係到諗，咁我的blogpet咪又無得食今日的日記囉？卓希爸話我玩上腦，唏！玩吓啫！
今日返工返十二點，早上係屋企，執下亂到不得了的卓希房(現正是我的書房)，卓希爸返咗工，卓希當然第二個目標就係癡我啦。我係到同佢玩時，真的發覺佢對答如流。也許我之前太過忙了，回家後卓希又要早早的上床，全沒有時間和他多些溝通。
今天我發現卓希真的識好多嘢，我話：「你架車車的車軚呢？」佢識得答：「無咗！」執執下玩具時，又記得一架M記的車車係以前十八座的鄰居，佢就會話：「俾姐姐！」(即是要俾番姐姐)。跟著我要預告自己返工，便話佢知媽媽一陣要返工，你乖乖係屋企聽芳ee話，知唔知？佢立刻話：唔知！(吹漲！)
昨天晚上卓希爸話隻豬仔認得哂邊枝牙刷係屬於邊個時，我都話其實我哋要教卓希多些東西。例如數數目，但係我自己真的無乜時間係屋企。希望農曆年假期可以大家多些相處時，再教他多些啦！如果唔係第時要找幼稚園時，要interview就無人收，因為唔識對答麻！
全站熱搜
留言列表
廚藝“棒” (5)
