港楊回憶，樂趣無窮！

由四月開始，卓希轉咗一個NET TEACHER，係屋企教佢同澄澄英文，今次係專注學PHONICS。其實早係澄澄媽媽找到依個老師前，我已經幫卓希係外面的PHONICS CENTRE報名排隊上堂，只係學的人好多，時間就嚟就去都就唔到！

今次好囉，澄澄媽媽勁到找到JO JO 姐姐嚟教，之前佢找到MR NATHAN的時候我都覺得好，起碼等小朋友唔使怕聽英文先，點知嗰個MR NATHAN一日都黑都話自己好BUSY，好多次都無嚟到，咁剛好有依個JO JO姐姐，又係我一直以來都想要的，咁就學啦！

上兩個星期，我同澄澄媽都有少許擔心JO JO姐姐教得太快，因為由一開始學單字母的發音後，就學雙音發音，點知第二次上雙音時已經要學好多個配搭。卓希一路以嚟練習的時候都唔認真，我又無時間同佢練，只係每晚臨訓前就同佢練一練，唔想俾壓力佢，怕咗英文。點知係我心裏打定輸數時，個次的英文默生字又幾好，咁就由得佢有依個進度啦！

兩個星期前已經係學三個英文字母的發音，即已經係語彙，有好多個晚上我都無時間理佢，念住今次真係唔得啦，點知今日出嚟的成績居然咁好，全部啱哂！所以話，真係唔好睇少PHONICS的力量，仲有一樣係今次默書的好多語彙都唔係我同佢練個D，好多都係無練過，係佢自己聽住JO JO姐姐讀出嚟然後默的，真係叻仔！