港楊回憶，樂趣無窮！

預備中種：
1. 用象印既dough打好麵糰，用保鮮膜包好放入雪柜，放大約17個鐘。

中種包：
1. 把中種取出，排氣，碌偏，用麵粉刀切開一塊塊，大約大過一個廣東麻雀既平面小小；
2. 跟次序倒入主麵糰材料(除了牛油)，次序係水、粉、糖、鹽、奶粉

、酵母；
3. 用象印既dough打主麵糰，見差不多搞均，加入牛油，然後就一塊塊咁加入中種，我就分咗3批放；
4. 打粉糰其間，久不久檢查一下個麵糰會唔會唔夠粉or唔夠水，如果有就進行適當既補救；
5. 打好粉糰後，有得象印繼續進入發酵程序，但象印既第一次發酵程序要45分鐘，對於做中種來講這個時間似乎太長，所以其間用要手指"督"下個粉糰來測試下幾時發酵好，一般這個step時間要20分鐘。
如果一"督"就即刻還原，咁即係未發好，咁就等多陣再試；
如果一"督"個洞，唔會即刻還原，咁即係巳經ok；
如果一"督"成個粉糰好似涉咗度氣咁，咁既係發過龍；
﹝而我就係因為在這個step發酵過龍﹞
6. 發酵好後，就取出粉糰，排氣，用麵粉刀平均分開幾個麵糰，搓圓，一個個放好後，用保鮮膜蓋好等鬆弛，時間大約20分鐘；
7. 排氣，開始做型、加餡料，再等佢鬆弛，打算即刻食既，我放咗20分鐘，之後入焗；打算翌日才焗的，我就在這個時候用保鮮膜包好，放入雪柜；在等鬆弛期間就用180度預熱焗爐；
8. 入焗前掃上蛋汁，我加咗少少芝麻上面，180度焗30分鐘，但要注意，個個焗既焗溫都有唔同，所以自己要看著辦。