港楊回憶，樂趣無窮！

我今日已經無頭暈啦，多謝各位關心！

一放工就忙到我不得了，本來約好咗agent今晚九點佢哋會帶新姐姐嚟，如果係咁的話，我可以先先返bu，上一節的課，然後才走人。點知點知，我放咗工後，返到bu，泊好車後，卓希爸打嚟話個agent黃先生打電話嚟話會七點幾就帶姐姐嚟！eeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee！攪亂哂我的planning，仲要快快腳咁走上去課室，還書給個同學仔，然後請個同學仔幫我做一樣非法嘢：就係簽到！(咁個同學仔都好好，一口答應！)

咁我就快快返屋企，係咁等呀！等！等呀！等！依個黃生都未帶到個新姐姐嚟，連卓希都訓咗的時候(九時三十分)，都未到！早知係咁，我就返學得一節就一節啦！d嘢我都唔識的！

好啦！九時四十分，終於到啦！好彩之前問咗蝦蛟媽我應該點做，佢提醒我話要先先俾佢去洗澡(因為唔知佢日頭去咗乜嘢的地方)，之後我哋留咗飯佢食，仲俾佢打電話返屋企(不過打嚟打去都唔通咁解！)

等佢攪好自己後，我就出動之前已寫好的九十條家規！(喂！楊太，你自己都唔守咁多家規啦！)仲要佢答埋名先放佢去訓覺，我都覺得自已算係咁，對佢好有笑容！不過佢給我的印象係真的好cool，我會慢慢係依幾日起佢底的，暫時知佢家有八個兄弟姐妹，佢排第三！(佢明我講乜我已經覺得好好啦，日後要找奶奶個工人嚟做translate先！)