港楊回憶，樂趣無窮！

我咁大個人，都未試過端午節正日去沙灘游水，但係今年就真的破例啦！(都係為咗個仔啫！)

一早，卓希就“倒塔”咁早，都未夠六點就起身啦！但係我哋未咁快可以出得門口，因為要等堂家姐先可以出得，佢哋又訓到成八九點先起身。

我哋九點四十分就去到西貢銀線灣，嘩！人多到y！也許銀線灣近將軍澳，所以好多車，又有好多人塔的士去。剛好，我地到時就有兩個police係到預備抄牌，我只好放底卓希，卓希爸，及tunt姐姐去沙灘先，我所泊的位唔係劃線車位，所以係會抄牌的，我只好留在車內。但係卓希爸打給我，話沙灘超多人，又水漲，跟本無位玩沙。所以我哋就去另一個沙石灘(好彩堂家姐遲到，我哋靠電聯)，依個沙石灘係我細個時，morfar好鐘意帶我哋去的，但係我就超唔鐘意去，因為依個沙石灘係人哋玩滑浪風帆的，無救生員，無防魦網，石頭仲多過沙。不過今日唔去沙灘唔得，因為答應咗麻，去唔到係會家變的。

到咗後，因為潮漲，所以可以玩沙的地方唔多，而且又熱，太陽又哂，所以我哋都只係逗留咗四十五分鐘就走人，但係我都已經變咗雙色手臂人！

下午卓希訓晏覺後，我就帶佢去咗德福，原先係想買d家庭用品，但係一去到trendy land，我哋就買咗桌子及椅子給卓希。卓希開始大啦，我哋返工時，佢食飯都唔肯用highchair，要對著個電視，睇住pooh pooh嚟食飯(如果要買禮物給卓希的話，一係pooh pooh 的vcd，一係bob the builder的lego，謝謝！)平時佢都係用我哋的電話枱，但係好吊腳，所以諗咗好耐想買一張佢自己的枱，今天終於見到啦！

  

卓希超鐘意，連食生果都要用佢！