港楊回憶，樂趣無窮！

昨天晚上我已經覺得自己把聲有些不對的地方，今早起身已經變咗一個男人的老牛聲，到晚上仲失埋聲，點解我一放假就會係咁！

今次我喉嚨唔係痛，而係好癢，我感覺到喉嚨“頂”大咗，食唔落嘢，但係又肚餓。如果一食嘢無幾耐的話，就會好快咁嘔吐，今日我大大話話都吐咗成十左右，嘔到我都無哂力，仲要social隻卓希豬，簡直係攞命！

卓希一大早六點半就起咗身，為咗卓希爸可以眠多少少，我就負責social佢啦！到八點幾，佢又話要搭巴士(認真難服事的楊少爺！)咁我同卓希爸就同佢坐巴士啦，但係今日係公眾假期，無咗個條循環線的巴士，咁就只好坐巴士出尖東，然後行一陣返屋企！

去到尖沙咀，咁啱又落大兩，我哋又未食早餐，就走咗去pacific coffee到食蛋糕。然後等雨停咗之後，就出去星光大道到行，依個卓希國內同包，唔知做乜，點都唔肯離開李小龍的銅像。後來我同佢講，個銅像係假的，唔會move，你等唔到佢move的，佢先肯走！

然後卓希爸提議去映月樓到飲茶，我就真的無乜胃口，不過都好啦。我哋特別要求要睇到船的枱，可以給卓希係咁睇船。飲完茶之後，就坐巴士返屋企，都未行完彌敦道，卓希已經訓咗！(不過一返到屋企又醒咗！)

下午我哋都係喺屋企到hea，近黃昏時就去德福到買一把大風扇，返屋企食少少嘢就休息！唉！攰c我！