港楊回憶，樂趣無窮！

自從無做正職後，我不停地上興趣班，為的是重拾以前的興趣，唔想自己落後！

今日有幸去INNISFREE到上工作坊，INNISFREE依個牌字都係我2012年去韓國時才認識的，由2012年開始一直都有用佢的EYE MASK，真係好好用！

20年前上的護膚班，同20年後上的護膚班真係唔同，尤其是今日係上韓國人的一般護理。嘩！依家一個並通的護理要搽咁多樣唔同的PRODUCT，真係唔好眼少，真係好SUPRISE！

以前只係：洗臉→爽膚→清潔眼→去角質→精華→面模→CREAM

依家就真係多步驟：

肌底液或原液(ENERGY ESSENCE)

↓

爽膚水 (BALANCING SKIN)

↓

乳液 ( BALANCING LOTION)

↓

去角質 (PEELING)

↓

精華素 (ESSENCE)

↓

面膜 (MAKS)

↓

眼霜 (EYE CREAM)

↓

面霜 (FACE CREAM)

↓

防曬 (SUNBLOCK)

真係唔講唔知，原來韓國人每晚都做咁多步驟，唔怪得佢哋的皮膚咁靚啦！

今晚係到睇整餅書，心血來潮好想整，見到屋企都有少少材料，就整啦！

不過我都改佢唔少，家裏無咁多牛油，份量又改少咗，屋企無帕梅森起司粉，我改用阿華田粉加麥粉，整好後，成條放咗入雪櫃，明天早上放入焗爐就有得食！我愛整餅書！

話說我個IPHONE SPEAKER壞壞地，我聽到人哋講嘢，但係人哋聽唔到我講嘢，如果聽到就係好似好遠咁！所以今日返十二點，送完妹妹後我就出咗旺角，去SMARTONE維修中心。

放工去拎返個電話，結果係：個HARDWARE壞咗，係無得修補，換過個一部新機俾我！當然，我呆咗啦！(因為我部舊嘢跌過，花咗的！)老公話，無盒，係咪真係新嘢嚟的？會唔會係舊機維修後再給我，無問題，只要係可以隨時再維修，再換，我鐘意呀！

近來發現用一個盤發帶卷起頭髮一段時間後，成個頭都好似SET咗頭咁好睇，但係以我的性格就咁散開係好唔習慣，所以就迷上係YOUTUBE到睇人哋點用簡單的方法SET頭！

我自己就係依個女仔咁叻，不過都係到學緊的階段，希望有一日唔使照鏡都可以好似佢咁叻啦！

仲有好多好睇的髮型，都唔錯！

我就係同妹妹用依個SET頭的，超好用！

依個係超容易，我依家晚晚就係咁樣個頭嚟訓的！

依個又係超容易，係我第一個的盤帶！

依個就無咁清楚，但係花式多！

今日全日都係屋企，其實我係預備想上床訓一陣時，兩個小朋友又跟我上咗嚟，然後我哋就一齊玩IPHONE的影相APPS，好好玩！

我依兩日係咁休息，主要都係訓，訓底咗落咗床到就唔想起身，因為一起一落個頭真係好暈。不過我都算勁，無時無刻就咁坐係到都會訓得到，可想言之我係幾攰！

我今晚係到研究個IPHONE，原來用佢的APPS可以DOWNLOAD好多好有用的嘢，尤其是有關聖經的工具書，直頭全本書係部手機到，連聖經成本都DOWNLOAD麻，第時可以好方便！YEAH！

不過，我都未能接受到係部電話到睇書，太細啦，下下要放大，真係唔好慣，都係有一本書係手實在D！

一、今日係中秋節，晚上要去奶奶老爺家之餘，仲要去埋沙田屋企，MORMOR MORFAR超掛住兩個小朋友，係都要我哋咁夜入去！

二、臨放工前車學校一位同事去找梁院長簽名，我終於都忍唔住講咗心裏的幾樣嘢出嚟，雖然都唔會改變到乜嘢，但係總算個心都.............舒服哂！

三、去食中秋節飯之前，我要做一件依幾十年來最潮的一樣嘢，就係棄舊迎新，出咗一部IPHONE 4。

今年用開的NOKIA 5800X

新的IPHONE 4，故唔到自己都做咗潮人

唉！無法啦！依家D機真係好容易壞，我部NOKIA 5800X就係因為佢成日自己熄機，打一次給老公都熄成幾次，又或者係手袋時佢都會自然熄機，咁咪試過有成五六個MISS CALL，跟著有四個留言！所以唔敗家都唔得，認真破財！

今日渣打銀行的高高級人員嚟同五六年班整“蛋逹”，每個學生都有一袋禮物，其中包括依隻熊隻，一個男仔係LUNCH嚟找我，話自己唔玩熊仔，就俾咗我。另一個就係上臨放學前個堂，話自己成袋嘢都唔要，問我收唔收留隻熊仔，我全收下，所以屋企有新成員啦！

為咗卓希，希望佢係學校學到的敬拜詩歌唔好忘記，我由去年已經係咁收集，上網找MP3，又燒碟給他在屋企時可以聽！

但他所學的詩歌不斷的增加，要燒好多不同的碟，怎辦呢？想起用IPOD，可以儲好多歌，係淘寶網到找到，唔使二百元，便有16G的空間。(正價16G有可能去到成二千元)

然後又係淘寶到買到這個二手的播音機，無錯，今次係二手的，只是二百多元。因為正貨的要成四百多至五百，而在香港買要成千元，所以我不介意是二手，只要用得著便可以了！

今日我哋都有出動，但係都成四點先外出，因為要等卓希上完英文堂，又要等我完成工作後，先可以出去。但係落雨就週圍都去唔到，只好去太空館，連藝術館都去埋，不過唔係好啱佢哋兩個！

一直都好想買一個電子防潮箱，為咗D貴貴的相機，但係聽人講係好貴的，所以無乜心機！

不過一個月前係淘寶到見到，個價錢又幾合心意，咁就BID啦！點知，個衰店長，由一月三十一日至今天都未送貨，係咁崔佢都唔應我，為有按“退款”。只好係YAHOO到自己睇同BID。希望唔好咁易壞啦！

我依家把聲，好似“老牛”咁的聲，都唔知做乜嘢，係心光就咳到CC下，但係返到屋企就無事，唔知係咪心光好濕，濕到我真係呼吸都辛苦！

MORMOR第二本書就快要印，佢上個星期俾咗兩隻佢哋以前的訂婚戒指，請我幫佢哋影相，但係一直都無時間，今晚就SET好哂所有打光燈同板，影啦！

唔知佢哋會杯楝邊張放係書到呢？

終於都買咗啦，就係長鏡頭！EF 70-300mm f/4-5.6 IS USM

工作真的好忙，但係晚上返到屋企，都係忍唔住要攪下自己的生意，真的好好玩！

近期仲學人玩吓賣斗篷，又真係有很多人有興趣，已經賣咗一件啦！

我的拍賣網址：http://hk.store.auctions.yahoo.com/hk/suklaic

之前因為肩頸痛，返工已經係咁做，返到屋企唔想做，所以一直以來都無時間及機會UPLOAD新貨，今晚有時間啦！(因為睇完宮心計囉！HAHAHA！)

有一天早上，出門時卓希還未醒，我返到心光時，開IP CAM看，卓希已穿好衣服，預備出門口。突然，發現他的褲都吊腳了，致電給他，要他站直給我看，原來這小子在不經不覺中長高了很多。

所以，我都忙著上網，到淘寶找找東西給兩個小朋友，另外一方面，找的煩煩供同事們又要我幫佢哋訂CONVERSE鞋，晚晚係到幫佢哋格價，又傾運費事項，所以無時間上自己的BLOG到寫日記。連快要上新貨的相片也未影，可想言之我近來晚上多懶。因為我有肩週炎，唔可以打太多電腦，也許前陣子在學校趕工，勞損了，現在晚晚都要就住就住咁訓！辛苦！

我又去淘竇啦！

我都知開咗學之後所做的速度一定慢, 收到貨成個星期, 但係放咗工之後好攰, 終於用咗三次唔同的時間, 先影得哂d相, 今日係咁upload上個網到.

我依兩日都比較忙，因為嚟咗一批新貨，依批係要帶去美國的，所以d相要影好d！豆媽好好，佢借咗個定蕉鏡俾我，但係我都唔係好識用老公部canon 500d + 定蕉鏡，只好又用番我自己部傻瓜機canon！

攪咗成三日，先可以將d新貨upload哂上網，因為我又要掛住出街，又掛照顧兩個小朋友，所以都係晚上先有時間，但一攰，就要訓！

所以，今日終於upload哂d相同價錢啦！今次批貨質素高，所以來貨都貴，唔知賣唔賣得出呢？其實賣唔出都唔緊要，款款我自己都鐘意，鐘意之餘，係要俾美國嗰個堂妹負責上網賣的。

今次係用老公部新機影，但係我唔係好識控制住，所以D相都唔係咁滿意住，希望用多D就識多D啦！

yahoo嗰個，請安此！

潮爆復古飾物店，請安此！

picasaweb的相薄，請安此！

話說我有個堂妹係美國住，佢見到我post d飾物上網，就問我借d相(我影得好辛苦，仲要有logo嗰隻)，話post去佢平時賣開嘢的網。(外國人乜嘢都賣一餐，連水杯都有價！)

佢話想睇吓美國人的反應，跟著就睇吓使唔使我幫佢入貨，係美國賣！嘩！原來我入嗰d貨，有d係可以賣到成20元美金的！啍！我發ing逹及dreaming！如果可以，我希望可以衝出香港，為自己留一條後路，如果兩三年後我做全職媽媽的話，都可以有收入，有個錢給小朋友參加課外活動！

我的新作：

yahoo嗰個，請安此！

潮爆復古飾物店，請安此！

picasaweb的相薄，請安此！