目前分類:靚太數生活 (646)

瀏覽方式: 標題列表 簡短摘要

今日的花藝班係一大挑戰,要整多個球係上面,我有少少唔開心,今日導師俾親的花及草,都係燒到黃哂,隔離D同學嗰D就好靚,所以都忍唔住問導師攞過D新鮮D的花及草!

先先要插哂D草(扁柏),然後係中間插枝竹,跟著按比例插花,又要有波浪型,我暈!

然後就將D紅豆及剩下的小丁係咁插上去(咁使乜要波浪型呀?)  

IMG_0405.JPG  

之後就插埋下面的花,俾D花刺到我好鬼痛!

IMG_0407.JPG

IMG_0408.JPG  

返到屋企,仲要整埋兩條長春藤,大功告成!

2013-10-23 13.06.54.jpg  

2013-10-23 14.32.06.jpg  

(我自己都覺得幾靚!)

 

suklaic 發表在 痞客邦 PIXNET 留言(1) 人氣()

今日係我人生中,第一次去學插花,以前都係自己睇人整,睇書自學,今次係自己有時間去學嘢,真的好開心!

我係報咗教協的花藝班,唉,個地點好鬼遠,要去到將軍澳,真係唔就腳!我哋一班七個人加埋個導師八個,八個都唔係住將軍澳,教協真係要改改,咁樣落去遲早無人參加!

好彩之前我係吉豬島12元店買咗把有彈力的剪刀,真係好好用,見到其他同學仔個個都剪得辛苦,但我就好輕鬆,我知無買錯!

材料一覽:

  IMG_0390  

今日要插花的筆記:

IMG_0391  

今日的花都好新鮮:

IMG_0389 IMG_0388  

      IMG_0393

 

先濕咗個花泥,然後插入去個盤到!將一枝正中的花插正中間,然後預備MARK之後六枝花的位置!

IMG_0392  

IMG_0393  

將六枝花靠邊插入去

IMG_0394  

然後勁插米蘭仔,為咗要遮住個花泥。

IMG_0396  

插完米蘭仔後,再插埋其餘的花,以三角形比例嚟睇!

IMG_0397  

IMG_0397  

  再插襯花黃玫瑰,及紫水晶!

IMG_0398  

最後用排草作最後襯托

IMG_0399  

完成作品

IMG_0400  

 

suklaic 發表在 痞客邦 PIXNET 留言(0) 人氣()

依家我的生活真係好有規律,七點就起身預備阿女返學,送咗佢上校車後,我就去做運動,先在街徑步兩個大大圈,然後返屋企跟住電視的鄭多燕做運動。我鐘意佢D動作係唔會太難做,但係好重複,真係跟足佢的話係好辛苦的,所以我日日都做到身水身汗!正!

20131004_091257.jpg  

suklaic 發表在 痞客邦 PIXNET 留言(0) 人氣()

  • Sep 27 Fri 2013 23:27
  • 正骨

到底我去唔去正骨好呢?依個問題,我足足諗咗成個星期!

何謂正骨?

正骨:中醫指用推、拽、按、捺等手法治療骨折、脫臼等疾病。
正骨,為專科名,是診治損傷的專科,也是古代醫學 “ 十三科 ”之一,亦有稱為傷科或骨傷科的。其對象主要是外力作用所致的骨、關節和軟組織的損傷,但也包括同類原因引致的體內臟器損傷。

我睇咗三次針灸,真係見到自己D痛症少咗,但係點都好似仲有嘢KICK住咁,醫師話係因為我頸椎及腰椎移咗住,壓住D神經及血氣不通,針幾多都未必逹到理想效果,一定要正骨先得!

我真係驚的,尤其是隻佬羊係咁嚇我話會有好多後遺症,但又覺針灸醫師有道理,因為自都覺未通,就去試一試!針灸醫師話通常一般人只做一次,移番個位後某D動作唔好做就唔使做第二次!

咁,我今日就去咗海味街嗰頭,因為做正骨的係針灸師的師父,佢師父一個月先嚟香港一次,所以一定要就時間和地點!

輪到我時,佢叫我企係到放鬆,咁我見到海港個境好靚咁望多兩眼,點知佢拉拉吓我隻手一兩次波浪式一CHOCK,就整個博頭位,而嗰一CHOCK就有一陣輕微的麻痺感覺,原來是D血行番,通的感覺是有一陣麻痺的!到第二隻手時又係咁,只有一秒的痛!

然後就輪到條頸,佢叫我放隻耳仔係佢手上,點知一放佢動作超快地“拍、拍、拍!”,放鬆咗,又通咗!到另一邊時因我知一放到耳仔就郁手,所以笑個不停,到我預備好時佢又“拍、拍、拍”整好了!

最後輪到條腰,要爬係地面,佢郁吓我隻腳一CHOCK就整好一邊,然後就另一隻腳,但由於我有點兒緊張,要做兩次先CHOCK到!

成個正骨過程唔超過十分鐘!

 

黃昏時帶小朋友同MORMOR及MORFAR行水塘,我不知幾輕鬆,真好,感謝天父!

整完後,超正,我個頭終於可以檸到去右邊啦!以前成日檸唔到,連楂車CUT線都要好好好小心睇清楚右邊先得!我見其他人(其中一個舊同事),正骨完D血通番後會頭暈,我只是一分鐘內有滿天星豆,之後就無事,反而雙耳就好紅,因為D血行到了,行路都健步如飛!

 

suklaic 發表在 痞客邦 PIXNET 留言(0) 人氣()

誰人話無做嘢後會好得閒,我就未得閒過,日日都有嘢要做又或者要跟,真係忙到不得了!

今日突如其來,入了迪迪尼和一位朋友仔慶祝生日,開心的當然係小朋友啦!

20130920_120618.jpg

20130920_120626.jpg

20130920_120633.jpg

20130920_121200.jpg 20130920_123246.jpg   20130920_131026.jpg

然後兩家人一齊去咗尖沙咀,只係為咗睇美國母艦,真是我為仔狂!

20130920_152942.jpg  

睇完後,就我們這一家去維園睇燈籠,小朋友係新聞都睇過,所以格外開心!

20130920_181953.jpg

20130920_184552.jpg   

返到屋企,又係八點幾九點啦,一天就係咁過咗,邊個仲話我得閒?

suklaic 發表在 痞客邦 PIXNET 留言(0) 人氣()

我們這一家,祝各位中秋節快樂!(依張相係為咗佢哋d功課而影的)

20130917_203743.jpg  

晚上指定動作,到砰石村食飯,飯後小朋友到樓下又係玩一輪!

20130919_213432.jpg

20130919_213443.jpg  

suklaic 發表在 痞客邦 PIXNET 留言(0) 人氣()

昨天我們的車拎咗去整一樣嘢,就係高清鏡頭,以前我真係無諗到自己都會整咁的嘢,但係近來網上流傳好多大陸人來港屈車禍的片段,尤其是看到一位的士司機,也要俾那人屈錢時,佢話:「我有鏡頭係到影咗你,你唔好走呀,報警拉你屈人錢!」就係咁,使我決定要整番個高清鏡頭,其實係諗住裝假狗,嚇D人咪嚟我到的!

今日第一次用,都好清啊!

20130917_105406.jpg  

而我出動,就係為咗接小朋友放學,話說婷婷成日叫我要家長隊(即去學校接佢放學),咁我日日係屋企,就日日去接放學?無咁的可能,我唔會俾無私人時間,所以同兩個講,家長隊都得,不過一星期只可以一次!今個星期就選咗星期二,因為可以同楓楓一齊放學,好開心呀!

20130917_120256.jpg  

返到屋企,當然又係一輪功課及練習時間,要婷婷練讀phonics時,佢居然去廚房拎咗個私家咪出嚟,真係俾佢又激又笑!

20130917_181119.jpg  

 

suklaic 發表在 痞客邦 PIXNET 留言(0) 人氣()

今日係我的第二次針灸,嘩!原來針前面係痛過針後面好多的,痛到我嘩咁叫!

尤其是針大卑,係呀,真係大卑,個醫師都只係用手安穵位,我已經酸軟痛,佢話我行樓梯行到雙腳傷哂!無法啦,係心光做嘢,上落樓梯真的少不免,係咁上上落落咗十幾年,點會唔傷!

針完後,本來想行去搭巴士返屋企,行到一半,雙腳真的好痛,咁啱經過誠品書局,就上咗去坐底睇一陣書,點知就俾我搵到本好想要的書!

 

20130916_120826.jpg

無錯,幾個月前我已好想學,但係又返工又睇小朋友,真係好私人時間,剛巧報咗十月教協的手造皂班,睇定然後再睇點做!主要係想學整一些好的濕疹皂俾我家小朋友,免他們成日要用愛麗她(同樣哋咁貴)。

返到屋企,自然又係一輪功課,依個仔,真係俾佢笑C,成日有椅就唔坐,要企係到做功課,我偷影咗!

20130916_164156.jpg  

suklaic 發表在 痞客邦 PIXNET 留言(0) 人氣()

話說我好想調理好身體,好想搵一個夾我的中醫,樓吓那個醫師唔係唔好,係我唔問佢就唔講,D嘢好貴,我成日覺得佢收貴咗我好多。

三月心光OPEN DAY時,見到恩望的一位舊同事,佢以前大隻過我好多,但今次同我差無幾,真係SLIM咗好多。同佢一齊係飯堂到做嘢時,OF COUSE一定傾吓計,佢話佢睇中醫及針灸調理身體。咁,依家開始我的全職媽生涯時,係時候去調理吓,前天打電話給這位舊同事,她立即介紹我去依個中醫師到,本來我真係唔係好想去,因為要去到銅鑼灣咁遠。但為咗身體,都要去試吓!

點知,熱我把脈搏時,話我個人好沈而虐弱,連把脈都好難搵到脈搏(我立即想,會否突然橫屍街頭?)我的鼻敏感及腰痛都係條椎骨有問題,我成日以為左面身有問題,原來係右面有問題而影響左面。最嚴重係條頸及條腰,針的時候唔係痛,係酸軟到我無哂力水,成個背部插咗多過50支針。雖然好酸軟,但返到屋企後個心仲好想去針,好享受針完之後那種RELEASE的感覺!依家仲有三日葯要食,今次針及葯主要是打通經脈及清一清體內的濕熱。求天父今次給我正確的醫治,好好的調理身體!

suklaic 發表在 痞客邦 PIXNET 留言(0) 人氣()

 外面3號風球,為咗唔想橫風橫雨帶小朋友外出,係屋企的廚房大執位,我依個潔癖鬼,就快連工人姐姐都頂我唔順啦!

   1175096_10151759293456904_7371037_n      

suklaic 發表在 痞客邦 PIXNET 留言(0) 人氣()

今日婷婷第二次做花女,簡直係熟手技工,係屋企同佢練得兩次,佢乜都記得!叻!

305618_10151241623051904_1920089350_n  

天恩堂個冷氣凍到我病病地,我無去飲,返到屋企就走咗上床訓!

suklaic 發表在 痞客邦 PIXNET 留言(0) 人氣()

417095_10151240248621904_2001630460_n  

曾是芬蘭差會旗下的幾間教會(也包括我教會),一齊請這45年來曾在香港作宣教師的一班芬蘭人回來,相聚,憶起了我多少的回憶,也見到很多欠未見面的朋友們。

今晚我仲玩狄志遠,佢真的以為我係記者,超攪笑!

如果,沒有天父愛的呼召,這班宣教士也不會到香港,開始福音戒毒及開展教會的工作。「若非耶和華建造房屋,建造的人就枉然勞力;若非耶和華看守城池,看守的人就枉然警醒。」

417768_10150644773677010_1624638421_n  

那些年…我們一起工作的日子」
──迎接芬蘭宣教士回港樂聚之旅 (2012)

1967年,遠在芬蘭的宣教士,帶著他們的青春離開故鄉,來到遙遠又陌生的香港,輾轉之間,已經是四十多年。他們在香港各處建立教會、社區服務中心、幼兒學校、福音戒毒中心,一方面見證了香港社會服務各方各面的光輝歲月,另一方面培育造就了無數的人才,領人歸主,並且在社會上發光發熱。

那些年一起工作、一起生活的同工和教友,在2012年聚攏起來,發起了今次的活動,希望組織芬蘭差會的「老友記」盡一點心意,向芬蘭的退休宣教士傳達我們的敬意和感恩之情,組織「那些年…我們一起工作的日子」──迎接芬蘭宣教士回港樂聚之旅。計劃準備在香港同工和教友之間,籌募約二十萬經費,以支持十六位芬蘭宣教士在本年底回港參與團聚活動,暫定經費可支持參加貴賓的來回機票、九天食宿及基本交通,以及最少一次聚餐活動。

(仲有好多嘢想寫,一時間不知從何說起,等我組織下先)

suklaic 發表在 痞客邦 PIXNET 留言(0) 人氣()

今日MORFAR正日生日,靈工和靈匠堂合辦生日會,大家好開心,細佬就預備POWERPOINT,媽媽預備食物,牧師們預備場地、場刋、人手,我哋羊家就預備獻唱一首歌。

卓希開始到識怕羞的年齡(這次來得太快了吧!),叫咗好多次同好多日先叫得到佢開金口。其實兩個都識唱的,只係卓希點都要扭一扭,唔扭過就成身都唔舒服咁!激氣!

  

suklaic 發表在 痞客邦 PIXNET 留言(0) 人氣()

一返工,就唔係咁好,本身被答應今年不用負責的,又要負責,一些也沒有改變,所有的答應也落一空。然後就係堂數又影响我的上班時間,又是一煩事。

跟著我個鼻唔係咁好,星期一返到去已鼻水長流,維修過,油咗油,已好刺鼻;星期二,唔知邊到整玻璃膠,成個辦公室都係玻璃膠味;星期三仲慘,因星期二發現有螞蟻由牆走出來,所以我放工後(星期二)噴殺蟲水,一整個星期三就同殺蟲水做朋友。就係咁,我聞咗幾日化學品,鼻水長流,然後倒流到喉嚨,“嗱”到個喉嚨唔舒服,唔喉嚨痛致怪!星期四開完會後,成個人散哂。星期五如平常早起,已氣喘,噴過葯後,好少少,準備返工,已換好衫,油哂MASCARA,但真的無力,無奈要請假一天。成個星期五,都係訓!

唉!明天又返工了,希望唔好再病落去,求天父給我多些義工,輕吓工作,教導學生們理性地聽話,福音工作不能斷!

suklaic 發表在 痞客邦 PIXNET 留言(0) 人氣()

405291_10151137765211904_1469860312_n  

預備訓之時,又流鼻血,返咗工四日,就有三日流鼻血,也許吸入太多化學嘢!

suklaic 發表在 痞客邦 PIXNET 留言(0) 人氣()

今日,妹妹放假,所以早上唔使送妹妹上校巴。我便早咗半小時出門口,因為昨天成日無返心光(早上開會,下午覆哮喘科)。八時正開車,行東隧,睇住佢開始多車,都好快,八時四十五分已到心光。本來返十點的我,未夠九時已返到心光,跟著就係手腳不停咁做嘢、上堂、做嘢、上堂!

今日下午要覆耳鼻喉科,手術後覆診!不過去到時好肚餓,早上返工,做埋手尾太遲走,遇著警察封路綵排七一國家領導人到港車隊路線,好晏才到醫院!

398934_10150967653146904_1703404506_n  

等咗一小時,終於今次見到我至愛的唐醫生,,佢幫我拆線,上次嗰個副顧問醫生真係不聞不問,令到我都唔知自己係咩情況。我同唐醫生表示,左邊現有很多綠色鼻水,唐醫生話也許是那些線癡咗一些LIM物,所以影響到個傷口損咗,而有發炎,又要食消炎藥,真係唔想!今日跟住我之後嗰個慘啦,因為我見醫生見咗半小時,整咗好耐。然後要等一百個號碼先攞到消炎藥,等藥其間已去71咬咗嗰包!

我呀,真係大頭蝦到不得了,昨天早上忙出門口去開會,點知忘了拿放在桌面上的覆診紙,下午去到醫院才知道,幾驚唔俾我睇呀!好彩,可以用身份證,然後佢PRINT過一張給我,所以昨晚嗱嗱林將今日的覆診紙放入手袋,免得自己又忘記!

跟著就諗住返屋企放底架車,然後出尖沙咀MEET老公同小朋友及我的表弟,點知我一上到車,就收到老公電話,佢哋剛係藍田入境事務處拿了PASSPORT,居然要我去車埋佢哋!我都唔識去,佢話係匯景,咁我就硬著頭皮去找他們。點知去到匯景時,一路問個看更去邊個方向可以接到由商場行上來的人時,老公一時話匯景,一時話啟田!唉!我就快被依個無方向感的人激死,原來佢哋去咗啟田,等我仲去咗匯景接佢哋!連個看更都笑,瘀爆!佢哋一上車,我就係咁係倒後境“超”住老公,佢仲想攪便,真係俾佢吹到暈!

返屋企,泊好車,都已五時多。老公答應小朋友先去科學館,又等唔到巴士,只好飛的去啦!小朋友在科學館玩了一小時,週圍都無乜人,好舒服!我哋跟著就去OUTBACK到食飯,都係為咗我可愛的表弟,佢話要食RIPS麻!

所以,一個鐵人都會被做死,返工多嘢做到死,又俾個老公點到死,仲激到死,鐵人都快爆啦!

suklaic 發表在 痞客邦 PIXNET 留言(0) 人氣()

今天凌晨四時肩頸好痛,醒咗,點知仲流埋鼻血,坐係床邊成半小時血才停,都好耐無咁流過,唔知係咪昨天幫忙搬辦公室枱,用咗力,所以流鼻血呢?

返到工,一日內流咗三次鼻血,真係唔知裏面傷口咩事?要等星期五覆診先知!

599355_10150965155831904_1848051298_n  

唔知係咪因為肩頸痛,又流鼻血,返工這一個星期心情極之底落,雖然只係無返工三個星期,但係好似好多人和事都好生疏咁!感覺唔好,連今天開學生輔導組會議,我十幾年來未試過跟唔上,哈,覺得自己好無用!心光好似個個都好忙,忙都只係見到面,點下個頭,無時間傾一兩句。而我,居然跟唔上工作,覺得別人好有用,自己有些多餘的感覺。這兩年,我時常提醒自己要做好自己的位份,有幾成功都是天父的恩典,不要太自負。

幸好,係我覺得自己好無用的時候,都迫自己完成咗夏令營的兩篇查經及兩篇靈修,咗給牧師看看有沒有修改的地方(今年我怕我寫得深,因為係講2012未世),希望下星期開始可以整成本營刊的LAYOUT啦!忙,我都係,不過忙得嚟,我常提醒自己要親近天父,不要被世俗的權力蒙蔽了自己!

suklaic 發表在 痞客邦 PIXNET 留言(0) 人氣()

係好好好好耐之前,我仲未知自己幾時做手術前,MORMOR已經約咗我哋今日要開生日PARTY!都唔知爸爸係邊到搵到依間CAFE CAPE,細細地幾好,仲包哂成個場!

page  

page2  

IMG_7978    

 

然後就係今天的戲玉,兩個小朋友留係MORMOR,MORFAR屋企過夜,兩老咁喜歡,就由得佢哋癡住兩個孫!

兩個小朋友一去到就博命幫手掃花園的樹葉,因為要掃完樹葉先可以玩水(洗車),然後仲成班人去士多仔(好彩仲開緊)去買汽水飲,我哋兩公婆走時,佢哋就咁BYE BYE一聲就走咗去飲汽水,就由得他們吧!

我哋車咗表弟返屋企後,就先返屋企沖個浪先,然後就去旺角找食!其實沖完浪後,真係唔係好想郁,但係唔想次次得兩個人時到樓下的「椰林閣」,只好忍著郁出去。去到旺角咪又係「花園餐廳」,我話唔好食之餘,無下次!

suklaic 發表在 痞客邦 PIXNET 留言(0) 人氣()

今早,一大清早我就去咗灣仔睇林醫生,佢真係好好人,俾咗幾日假我(其實醫院都俾咗),要我好好休息!其實我行步路都辛苦,因為我昨晚發燒到無訓過,好攰,好辛苦!

返到屋企,一覺訓到婷婷放學,心血來潮,拎番個血壓計出嚟!

522479_10150778593831904_591771903_9385936_110284865_n  

正常番啦!昨天最高去到170/90,連心跳昨日去到101,真係唔知發生乜嘢事!

 

suklaic 發表在 痞客邦 PIXNET 留言(0) 人氣()

  • Apr 22 Sun 2012 10:35
  • 被困

唉 ! 先先係阿仔病, 跟著就係妹妹病, 依個週未只喺係屋企. 週未被困屋企, 星期一被困薄扶林. 我要freedom呀 !

554381_10150768254301904_591771903_9356296_273183349_n

 

我吽到點呢?本來拎哂d宗教教課書, 同埋d文件番屋企, 諗住做完手術後的病假就做學校的嘢, 點知, 一個週未, 一,二年班的宗教自編課程就咁整好及update哂, 我係咪癲咗呢? 算吧, 咁遲吓做少d !

suklaic 發表在 痞客邦 PIXNET 留言(0) 人氣()

找更多相關文章與討論