目前分類:靚太住醫院 (34)

瀏覽方式: 標題列表 簡短摘要

5:30 醒咗,氣喘,噴藥,心跳加速

7:10 上的士

7:30 到醫院

8:00 護士收證完畢(8A, 41床)

522496_10150775297196904_591771903_9378386_1898874334_n  

10:00 醫生仲未巡的張床,但血壓高,心跳好快!

親愛的天父:唉!由昨天開始鼻水長流,我都知今次一定做唔到手術,未有發燒,喉嚨又無痛。但今早噴過VENTALINE後直致現在心跳都好快,好急。快到我居然有害怕的感覺,而那種感覺是從來沒有試過的。是不是天父你都認為今天我的身體狀況不宜做手術呢?我願意順服!

11:15 醫生,居然話心跳及血壓都唔太差,但還要等內科及痳醉科醫生評估完才能決定是否真的做。突然,好掛住外科藍組的DR OLIVER CHAN。醫生話我一定是太擔心,所以影響到條氣管及心跳。我都知自己係擔心一族,但鼻水咁流法,點會唔心擔心呢?醫生話今次手術除了要移走壓住引流的鼻軟骨外,還要廣大鼻竇那條引流,因多年被壓,要用多少少手腳來幫助它暢順。

12:15 午飯

12:50 顧問周醫生巡房,結果都係一樣的說話,等其他科醫生評估後才決定。這個周醫生我見過佢個名好多次,每次覆診時就見佢的診症室係唐醫生隔離,第一次見,給我的感覺是好舒服,就好像唐醫生一樣,希望佢哋的判斷無錯。

13:30 剪鼻毛(不過我猜都係做唔到的啦!)

14:00 照X-RAY

15:30 痳醉科醫生到,他說照簡單的身體檢查我是沒有問題,只是條氣管一定要內科看看我的哮喘情況。

15:45 內科醫生到,檢查過後,又係話無問題,主要睇我條氣管(我都知)

16:00 抽血

16:15 護士要我吹廁紙筒,我居然都有280度,到現時為至,我開始有少少腳軟感覺,好似有少少熱熱地,千祈唔好發燒呀。

16:25 同護士傾開,佢話一陣唐醫生會見我。我信天父,我信唐醫生。

16:55 當值醫生(個衰關醫生)話唐醫生要開會,上唔到嚟見我,話係痳醉科擔心我做手術時氣管唔得,唔批明天的手術。一星期後覆診,點都唔俾我見唐醫生。

17:10 上旳士返屋企,開始發燒!

578959_10150776250481904_591771903_9379809_459220659_n  

suklaic 發表在 痞客邦 PIXNET 留言(0) 人氣()

自2010年1 月所做的切除鼻甲骨腫脹部份後,鼻塞情況有所改善,但左邊鼻腔內常發炎,左邊頭痛。早兩次覆診已和醫生提及這件事,影響到我有耳水不平行的情況。醫生表示因我的鼻中隔骨移位,所以令到鼻竇竇口引流阻塞導致不停的鼻竇炎(我已服用了多次抗生素療程),要我做手術,移正位置。

今天醫生已決定四月要幫我做手術. 4月25日入院做檢查, 4月26日做手術, 由於我有哮喘底,  手術後需要留院幾天觀察, 然後在家休養, 給傷口時間愈合。希望今次手術真的能幫到我不用成日鼻竇炎及頭痛!

 

卓希放學回家,身上突然多咗一個牌,原來做咗班長,睇佢幾開心!

IMG_1690[1]  

 

suklaic 發表在 痞客邦 PIXNET 留言(1) 人氣()

自從2010年1 月做鼻甲骨手術後,我一直都有回醫院覆診。今天再到醫院時,醫生要我再次做手術,矯正變曲的鼻中隔骨。

在2010年1 月所做的切除鼻甲骨腫脹部份後,鼻塞情況有所改善,但左邊鼻腔內常發炎,左邊頭痛。早兩次覆診已和醫生提及這件事,影響到我有耳水不平行的情況。今次覆診,醫生表示因我的鼻中隔骨移位,所以令到鼻竇竇口引流阻塞導致不停的鼻竇炎(我已服用了多次抗生素療程),要我做手術,移正位置。

今天醫生已開始幫我排期做手術,大約三至四個月便可以排到!自上次做完鼻甲骨手術後,我仲以為有排都唔使再入院,點知事隔一年,又去入過,仲係要同前幾次一樣,要全身痳醉,每次的痳醉,都會令我有以後都不醒的感覺,真的要多多禱告,求天父給醫生智慧來幫助我,及是次的手術真的能改善鼻竇情況。

不過一諗起做完手術後,又有一段時間唔可以向前傾,就覺得煩,諗起上次成日要好似個日本小偷咁,真係唔係幾想!不過無法啦!我唔想成日食抗生素!

suklaic 發表在 痞客邦 PIXNET 留言(0) 人氣()

今日係個鼻手術後五個月後的覆診,醫生問我有乜嘢唔舒服,我話左邊個鼻好似成日都UN住UN住咁,佢用咗鏡頭入去睇之後,就話我個鼻骨走咗位!唉!我唔會做任何手術的啦,免得就免,由它吧!

 

suklaic 發表在 痞客邦 PIXNET 留言(0) 人氣()

02:00     醒咗,去洗手間,食包、飲水

07:20     醒咗(不知為何今次特別攰)

09:15     高級DR CHOW巡房,見到我所流的鼻血不多,便提議拆鼻腔的紗布,如理想便可回家!

10:00     拆鼻腔內的紗布,好痕及想大咳,血好似瀑布咁流,大約一小時後已受到控制。

page2.jpg 下:拆咗紗布後,自拍相,上:係屋企的樣!

10:40     止咗好多血,但不停還有!

11:00     需要去洗手間,在找拖鞋時,不少心頭向下,血又係咁流,本來可以回家時,又要等多一小時才可以!

12:20     老公嚟接我

13:15     返到屋企!

suklaic 發表在 痞客邦 PIXNET 留言(1) 人氣()

07:00     出門口

07:20     到E8,25號床

09:30     醫生巡房,話我排最後一個,即是第七個!

16:00     到9/F手術室

16:20-17:20     手術中

17:20     醒,及慢慢地安排返病房E8,25號床

18:00     老公及一名他的舊學生到來探望

page.jpg (手術後的樣.手機自拍)

20:00     准飲水

20:00     但係一飲水就會流血同鼻水(裏面有傷口麻),一嚥下時,就會痛,寧願唔食嘢。

20:30     但係姑娘話如果我唔食嘢就唔俾拆個鹽水針(有佢時好無自由),所以一口氣食咗兩個包,痛都係痛兩個包的時間,但係就換番自由的時間!

21:30     上床訓!

suklaic 發表在 痞客邦 PIXNET 留言(0) 人氣()

07:00     出門口

08:00     到E8病房,攪一輪入院事項,見到其他人做完有關鼻的手術時,包得好大,好腫!

09:45    負責我的DR YEUNG巡房,唏!原來我唔係鼻息肉,係鼻甲骨,我真係大頭蝦,無鬼用,連自己的問題都攪亂哂!原來耳、鼻、喉依個病房係男女共用,突然我覺得好無安全感,要鎖好哂所有嘢先得!

12:00     照X-RAY

13:05     高級DR CHOW巡房,表示如果我所有的CHECKING都無問題,今天晚上可以先行回家,回天一早到醫院STANDBY。

13:45     抽血

14:00     護士幫我剪鼻毛。

14:30     麻醉科醫生到,傾了一段時間,表示我的情況可以做手術。

16:55     DR YEUNG再次巡房,表示所有報告都OK,可以先回家。

17:30     老公楂車嚟接我

suklaic 發表在 痞客邦 PIXNET 留言(0) 人氣()

我好少對公立醫院d醫生咁差的印象,但係樣衰衰的我,居然半年來覆診都係同一個哮喘科醫生,真係要講一句!頂Y!……………………..

 

上次睇佢時,佢已經好忟咁話我小便小少少深色又唔去急症,我話少少啫,無第一次咁嚴重,跟著佢就話:「點解現代人咁多嚴重的病痛,咪就係多咗好似你咁的人,一有少少唔對路,都唔去求醫。到真係求醫時就大大鑊!」我上次都忍佢,吋吋共!

 

今次佢仲吋,叫我吹紙筒,咁我吹得唔高度數,就話:「你咁就叫認真啦?」車…………..由一開始,就無人話我知點吹個紙筒,係我自己慢慢摸索出嚟,今日居然俾佢吋!我今日已經係醫院到等咗三小時,成一點十五分先睇到醫生,等到部notebook都無電,心情極之差,佢居然咁樣話我?仲有,佢話:「我睇你咁多次,你都無認真咁吹!」我都唔係好蝦之人,立即反駁:「我今次都係第二次先見到你啫!」跟著,我話前陣子中咗豬流感,佢就話:「你早講y,咁咪就係流感原估你吹得咁弱!」我話:「你又無問,一嚟就叫我吹紙筒,咁我都唔知要講y?」

 

我都唔想吋佢,不過佢的態度真係差,然後佢話我今日吹紙筒唔合格,唔可以半年後先去覆診,要三個月後,黑人憎!

 

今次我唔等藥住,因為下午仲要見護士,睇得醫生嚟,都過咗一時半,放咗藥單後,即刻去細叔的店舖食飯及拿回借給細姑姐的電話。大伯娘話上次見過我之後(即是我上次喉嚨痛嗰日,卓希開始發燒嗰日),第二日佢就病咗,十日睇咗六次醫生,唉!又多一個俾我傳染咗,如果我當日知自己有事的話,一定唔會去店舖食飯然後去覆診的!

 

下午見護士,但係佢又好「長氣」,唉!真係煩死人,一日裏有兩個超煩的醫護人員,令到我好唔想去覆診呀!

suklaic 發表在 痞客邦 PIXNET 留言(0) 人氣()

我成晚都無乜點訓,因為要睇住個女,佢成晚訓得嚟都係有聲,我怕佢有事,所以今早超攰,好似d燒又返番嚟!

妹妹隔離床的十個月大b仔,早妹妹一日入院,本來昨日下午可以出得院,但係點知嗰個bb開始又燒過。今日佢的主診醫生診房,話嗰個bb有肺炎。然後妹妹的主診醫生嚟,話要幫妹妹探多次熱,如果都唔係好高熱的話,就返屋企,免得交叉感染。結果呢?妹妹係37.7度,隔離床係37.9度,但係妹妹可以出院,因為妹妹昨日已經開始食特敏福及抗生素,但係隔離床的bb仔父母唔俾個bb食特敏福,而且係今日先食抗生素,所以我哋有得返屋企,佢哋無!

返到屋企,我同妹妹居然大覺訓,訓咗好耐,跟著都好似平時的程序一樣,只係我多咗個扭計妹,超癡身!

但,內心真的很感謝天父,讓卓希及芍婷快快返屋企,我下午返到屋企後,d燒都好似退咗!感謝神!

最奇妙的是,我上星期先申請的無線上網,居然有佢好用得著的地方。老公好反對,覺得我唔需要,但係唔知點解我內心知道係要用的,咁去長洲時又用得著,連今次去醫院又用得著,天父的安排真的很奇妙!

我病咗咁多日,終於可以係屋企休息啦!

suklaic 發表在 痞客邦 PIXNET 留言(0) 人氣()

昨晚係醫院到訓,好痛,右邊條腰後面好痛。今早我好鐘意的DR. OLIVER CHAN嚟睇我,佢好好人,立即有支止痛針給我。嘩!放鬆咗好多,下午仲可以走出走廊!

照咗超聲波,報告係我裏面無發炎,感謝天父!但係就搵唔到痛的原因,晚上DR YAN巡房,佢批我出院,我就自己出院啦!帶埋止痛藥,搭的士返屋企!

suklaic 發表在 痞客邦 PIXNET 留言(0) 人氣()

  • May 11 Mon 2009 22:15
  • 入院

由星期六開始,裏面的傷口好痛,今日仲痛到去腰後面,嗰種痛法好似去年十月膽囊發炎嗰種痛法。但係我已經係無膽之人,又點會咁呢?所以有少少怕,早上十時打電話返東區醫院,護士後來再打給我,叫我下午三時返去,醫生要見我!

先先去D8,跟住就係串串的周醫生嚟睇我,點知佢攪我唔點,要出返上次的主診醫生,張醫生,今次佢要我留院,睇清楚到底係乜事。

返到E10病房,差唔多個個護士都認得我,唉!真係超“瘀”!

照咗X-光,抽咗血。好痛!

suklaic 發表在 痞客邦 PIXNET 留言(0) 人氣()

07:00     正式起床,成個人的身都好攰,好似無乜力去撐起。

08:00     食咗半碗粥,喉嚨都係痛,但無昨天咁暈,可以食到幾多就幾多。因為由昨天入院到今天,雙腳都係好凍,要請護士拿多張被給我才啱啱好!(因為無食嘢,身體無能量)

08:10    張醫生又巡房,表示今天應該真的可以回家。後來高級醫生又到來,終於簽了紙,可以給我回家。但原本昨天寫的假紙係諗住昨天出院的,但今天出院就可以多d病假,咁都算依個醫生好人,咁都幫我諗埋!

12:00     mormor到,我先換好衫,剛好護士便拿所有的文件來給我。

14:00     返到屋企!

終於可以係香港半爆發豬流感前返到屋企,都係屋企最好!不過我背脊d骨頭好痛,醫生話,因為打過鬆弛肌肉的針,一定係我平時做工作拉得太行,放鬆後反而會痛!

醫生係我肚皮到開咗四個洞,仲有就係害我咁深的膽石,嘩!只係得一粒,不過都好大粒呀,都有成2cm!

page2.jpg  

suklaic 發表在 痞客邦 PIXNET 留言(0) 人氣()

我現在便要出發到醫院,陪伴咗我三十幾年的膽囊,要離開我了!

07:00     出門口,坐的士

07:20     到醫院

07:30     登記完後上E10

07:45     在E10收完症

08:00     醫生巡房,今次的主診醫生係張醫生,而巡房的醫生包括上次的陳醫生,佢一見我,就file都唔使睇,就話今次快快咁做咗佢啦!唉!連醫生都認得我啦!

09:45     被推去手術室

10:15     入到手術室,肺功能未達到水平,要再吸多些ventaline,10抄後便訓著。手術後,被姑娘叫醒打開雙眼。我第一時間問:是可以做微創定係要開刀,答案係:微創。雖然成個人仲暈暈哋,但開心哂!

12:30     返到自己的床位,護士及嬸嬸留了午飯給我,但我沒有胃口進食。

15:00     第一次落床去洗手間(因為試過係床到用盤,我痾唔到),去時有姑娘扶住,個人都ok,但回程時就開始好暈,返到張床到仲漂冷汗,好想嘔,但嘔唔出!

16:00     張醫生巡房,他給我可以回家。我很想回家,口講好,但成個身都無乜力!

16:30     有一位高級醫生來看我(一定要有兩位醫生簽紙先可以出得院),佢見我面青得咁緊要,問我係咪暈,我話係,咁佢就叫我唔好返屋企住,睇定d先!

18:00     食晚飯時間,但我食唔落,因為個頭好暈,而且手術時插喉,整損哂我的喉嚨,唔好講話食飯,飲水都痛!一d都無胃口!係咁飲水!有一個護士見到我咁,叫我食d嘢,我話食唔到,好痛,佢就後來攞咗碗粥給我,真係超好人。不過,我都係食唔夠十啖就放底,因為真的好痛!

19:00     mormor嚟探我!(我叫卓希爸唔好嚟,免得感染咗d菌會傳染到俾d小朋友)

20:00     mormor扶我去洗手間,突然嘔吐大作,把所飲的水及粥全部嘔出嚟。個胃又空哂啦!但係成個人就舒服咗d,可以坐直都唔係咁暈!

22:30     正式訓!不過係醫院都係訓得唔好,訓一小時又醒一醒,仲有就係半夜有個做完手術的返嚟,兩個醫生係咁照顧佢,好吵耳!

suklaic 發表在 痞客邦 PIXNET 留言(0) 人氣()

今日請咗成日假,因為要去醫院到做手術前評估及檢查。成日都係醫院,最多時間做乜?咪係“等”囉!

要見麻醉醫生,然後外科醫生,跟著做心電圖,然後照x-光,等姑娘由頭解釋一次,成日就咁無哂!

麻醉科醫生話,先先要種黃豆,然後打麻醉藥,唔使十seconds我就會訓著。跟著就打止痛癠,仲有最重要的鬆弛肌肉的藥。醫生話,依種鬆弛肌肉的藥,係會令到人成身鬆弛到,連訓咗都唔識呼吸,所以要由個口到放一條管入去給氧氣及麻醉藥。之但係最麻煩就係依到,因為我有哮喘底,所以放咗條管入去後,會有可能引發到哮喘病發,所以之前及之後,都會特別要留意我的哮喘情況。

而外科醫生話,今次係會用微創的手術方法,係肚皮到開四個洞,放鏡頭及用具入去,不過有可能係會有積水的後遺症,因為要放少少水入去清一清d血先睇得清楚!不過有兩成的人也許不能用微創的手術,我便是有可能的那一群!因為半年前曾發炎,當人體身體裏發炎時,體內會產生一些煔體,令所有內臟stick在一起,要起碼大半年後才會分開。現在不能斷定我裏面的情況,一定要開刀時,放鏡頭入去,才知道是否要開肚皮!

而且,通常一般人做完微創手術後,即日可以回家休息,但因我半年前的病徵,所以手術後一定要起碼留院觀察一天。

手術我不怕,但那些後遺症才是kick手救天父加給我力量!

suklaic 發表在 痞客邦 PIXNET 留言(0) 人氣()

今日去睇心臟科醫生,我都未試過係公立醫院到睇醫生,可以睇成45mins咁耐,謝醫生好細心咁睇我所有係醫院時的記錄。然後仲要照多次心電圖,醫生話應該係當時我係醫院時發緊燒,同埋哮喘病發,血內的氧氣唔夠就會影響到個心有機會梗塞(短暫性),做膽手術應該係無問題的。

suklaic 發表在 痞客邦 PIXNET 留言(0) 人氣()

唔係多個小朋友,係多個膽結石食療法,我真係好想試,不過又好怕.

「膽囊」主要成分是分秘「膽汁」進入十二指腸來乳化脂肪。但大多數有「膽結石」的人,經西醫診斷後都需要切除「膽囊」以解除「膽結石」所導致的痛楚。但原來有一個為期二天的方法,就已經輕易解除「膽結石」的問題。

注意:如有「腎病」或「洗腎者」請勿使用「瀉鹽」。只用其他材料即可。

清肝及清膽之程序及注意事項:

請選擇假期或週末星期六的一天進行,因為程序的第二天可能需要整天的休息。

※ 第一天請吃清淡之早、午餐(即是不含油份及脂肪之食物)

※ 下午2時後 不可進食和喝水。

※ 準備瀉鹽:
將 4 湯匙瀉鹽放於三杯合共24安士之開水中(可分四次每次3/4 杯(6安士)飲用),為方便及可口起見,可存放於雪櫃中備用。

※ 晚上6時:
飲用第一杯瀉鹽水。假若事前沒有預備好,可將 1 湯匙瀉鹽混入 3 /4杯(6安士)開水中;亦可加入1/8茶匙維他命C粉令味道可口。將西柚及橄欖油從雪櫃中取出回暖。
注:飲瀉鹽水後會有肚瀉現像,其目的是要清除腸道中的糞便和廢物及要令膽管道張開。

※ 晚上8時:
飲用第二杯瀉鹽水。雖然自下午2後便沒有進食,但應該不會有肌餓的感覺。請做好睡前準備。時間是成功之關鍵,請抓緊程序的每一節時間,盡量做到少於10分鐘之誤差。

※ 晚上9時45分:
準備好橄欖油,將約3/4杯新鮮西柚汁注入可封蓋水瓶內,加入半杯橄欖油,將瓶蓋鎖緊後用力搖勻至成水狀待用。若有需要請多往廁所幾次,以便喝罷橄欖油混合液後可立即臥床睡眠。

※ 晚上10時:
站立床邊並在五分鐘內飲下全部西柚汁和橄欖油混合液。立即躺於床上,頭墊枕頭,靜最少二十分鐘(越早躺臥便會越多之膽石排出)。此時膽囊會大量分泌出膽汁去分解喝下之橄欖油,你會像有一串串小石流過膽管之感覺,但不會感到痛楚,因瀉鹽已令膽管內之活門打開。請入睡。

※ 翌晨:
醒來時飲下第三杯瀉鹽(請勿早過上午6時或與飲橄欖油混合液之時間相隔少於8小時),如有作嘔感覺,可待這感覺消失後才喝。你可以繼續睡眠。2小時後最後一杯瀉鹽。

※ 2小時之後便可進食。
開始時請只飲果汁,半小時後可吃生果,再隔一小時可吃清淡之食物,到晚餐時狀態可完全恢復。

※ 怎樣去斷定自己是否成功?
通常在早上應該會有清瀉,用電筒在糞便中尋找綠色之浮游物,此乃名乎其實之膽石而不是廢物,因為祇有從肝臟分泌出來之膽汁才會有綠色,兼且糞便大多是下沉膽石內含膽固醇因此是會上浮的。無論是褐色或是綠色,試數數其數量。祇要能排出總數約二千之聸石,清肝臟後能令你的敏感導致腰背痛之滑囊炎等癥狀切底消失。在第一次清肝後,癥狀祇能消失數天,因為當後排的膽石移到前面時癥狀便會再出現。在認識這種清肝方法的醫生之指導下,你可每隔星期再做一次。

※ 有些時候因膽管內有太多之膽固醇結晶物而導致排出之膽石未能呈圓球狀。它們祇能如殼糠狀懸浮於水面,且可能略帶褐色及無數微細之白色結晶體黏附在周圍。除了膽石之外,清除此等糠狀之瑣屑物也是同樣重要。

suklaic 發表在 痞客邦 PIXNET 留言(1) 人氣()

今日我已經買哂所有療程需要的材料,不過都係唔係好敢試住,我仲未沖破到痛到c的心理關卡!

suklaic 發表在 痞客邦 PIXNET 留言(0) 人氣()

原來係醫生都無我付!!!今日等咗成兩個小時零三十分鐘,先輪到我睇。明明我的覆診時間係早上十時十五分,但要成十二時四十五分才輪到我!唉!

今日見我的居然係那個高級楊醫生,即是我的主診醫生的高級阿sir,佢一見我就file都唔使睇,已經問我係咪去做咗MRI,我話做唔成,佢就牛咁眼望住我,好唔信咁的款。我就好無奈地又將係聖德肋撒的經過又話俾佢知,然後佢就問咗我以下的問題;

楊醫生:「你真係一波幾折,係咪個天唔想你做依個手術呢?」

我:「我都係祈禱裏問天父,到底是否不想我做這手術呢?」

楊醫生:「咁如果係個天要你唔好做的話,而一定要做的話,咪好大鑊!」

我:「咁天父唔會由得我咁危險的,祂一定會係適當的時機去阻礙這件事的發生的。」

我唔知依位楊醫生是否基督徒,但他所諗的問題,也正是我這個月在禱告中時常問的問題,雖然仲未有答案,但我都會打爛沙盤係咁問天父的。講返今日覆診,楊醫生話咁睇法唔敢同我做手術住,一定要個心著咗綠燈後,才可以做。他說會和聖德肋撒聯絡,問問我當時是用那一種藥水。然後仲要東區的心臟科跟我(哎呀!又多咗一樣要覆診啦!),今日佢已經立即打去給心臟科醫生,但係對方未覆,所以我走先,等佢哋有消息同幫我排心臟科最快的期就可以睇睇下一步係點。楊醫生話,如果個心OK的話,可以用急症的方法排做手術,即是今日入院,第二日手術室一有空檔就做,所以係一有消息就隨時做的。咁好啦!唔等都等咗咁耐,都等吓啦!

所以,我明天又開始開工啦!諗起都頭痛,因為又係十二月啦!超多嘢要跟進!

suklaic 發表在 痞客邦 PIXNET 留言(2) 人氣()

我成晚c內臟痛到我唔郁得,訓覺時要定定哋,,一郁的話裏面就好痛。一早起床的動作簡直痛到我暈,刷牙時又想嘔,唉!都係自己昨日不小心,如果唔係的話唔會重新痛過。

 

0700    起床梳洗,超痛,好想嘔

 

0815    醫生妄房,檢查了痛的位置,但也沒有甚麼大的建議,都係等下午的x-ray來看看裏面的情況。

 

1005    剛剛女生醫(劉醫生)幫我拮黃豆針預備下午的檢查。嘩!只係有少少痛,然後就無事啦!女醫生即是女醫生,都係細心好多。啍!肥仔醫生,我一定唔會俾佢再拮我隻手的!

 

1140    提早咗做x-ray,落地下預備做顯影劑x-ray

 

1300    返到自己的床位,眼淚好似“缺提”(唔記得點寫)咁流過不停,好傷心,原來在身體內申向膽的導管“luck”咗,做唔到顯顥劑x-ray。那是我多日來的盼望,好想好想好想知自己內在的情況。結果呢???係做唔到,身體係我自己的,但內裏情況一點都不知道,真的很無助!

 

親愛的天父:

唉!都唔知嬲你好係唔嬲你好,係我突然入院依件事上,祢真的安排了很多天使仔/女在我身邊幫助我。但在有關膽手術這件事上,就真的有很多阻滯,連最簡單想睇吓個膽的情況時,都因裏面luck咗而睇唔到,到底,到底,到底天父祢想唔想我做手術?點解會有咁多節外生枝呢?唉!我需要安靜!

奉主命求,啊們!

 

1500    高高級醫生(楊醫生)到,佢安慰我話好多人都係條管係裏面會luck咗的,他建議我盡快做心臟的MRI,然後看情況而安排做手術,兩個星期後回來覆診。

 

1640    簡直情天霹靂,一時又話出得院,一時又話唔出得,因為原計劃要做x-ray,要打顯影劑入去,所以早上醫生話我要打抗敏針,支針要打到晚上十一時四十五分!喂!醫生、護士,我都無打到顯影劑入體內,點解要繼續打抗敏針呢?到底攪乜鬼?

 

1655    醫生(陳醫生)巡房,佢簡直係我係醫院依段時間的恩人,上次批准home leave幾小時都係佢幫我。依家佢一睇本file,講的嘢同我一樣:都無打到顯影劑,點解要打咁多支抗敏針?(都係我哋d聰明人先會諗到依d問題),所以係佢最後決定批准我出院的。

 

1750    三嬸及大伯娘來探我,她們真的很疼我,帶了很多生果來。

 

1830    morfar同老公由沙田來接我回家

 

返到屋企固然開心,但內心總係有一個任務未完成咁,而且知道自己點都會再次入院做手術的,所以興奮就無,不過見到兩個小朋友就好開心!

卓希話:「媽媽,我係學校好掛住你!」

我話:「媽媽係醫院都好掛住你!」

卓希話:「媽媽,我係學校個沙池玩時都好掛住你!」

我話:「媽媽係醫院個洗手間大大時都係一樣好掛住你!」

成晚我哋就係咁互數掛住對方,不過我身體真的好弱,無乜力水!

suklaic 發表在 痞客邦 PIXNET 留言(0) 人氣()

昨晚半夜我已覺喉嚨痛,和老公早上sms,原來佢都係喉嚨痛,唔通係屋企兩個小子傳染我哋?所以我都係今日唔請home leave

 

0700    起床,好眼訓,不過如果唔起身的話,d護士就會係咁叫起身,因為要預備醫生巡房。

 

0820    高級醫生巡房,問我會不會自費外出做MRI(核磁掃瞄),但一切都要等待明天做的x-ray才決定。因為要睇嗰粒石有無跌番入個膽到,如果跌咗就可以先拔導管回家,等兩三個月後回來做手術(原來如果發燒的話,內臟係會癡在一起的,要等它們自行鬆開才可以做手術)。但係如果粒石仲塞住的話,就要立即做MRI然後再做手膽手術。好!我等多一天!

 

親愛的天父:

到底祢是否想我留番個膽呢?依個問題盤旋係我腦海到好多次,因為自九月那次入院至今,都係做唔到割膽手術,所以我便有這個疑問。而且經過今天啊高級醫生的詳細解釋後,我覺得前路真的好復雜。點都好啦!這生命是祢所賜予的,求祢好好咁看顧我!

奉主命求,啊們!

 

1530    坐著看文章看得太投入,起身拾東西時忘記自己有條管係身,向前行時chockchock,個傷口痛到我Y,連d內臟都痛到我郁唔到,要訓係床到成火半小時才回到氣,嚇到我c,心想都等咗咁多日,明天終於可以做x-ray時今天偏偏整單咁的嘢,幸好護士長睇過後話無事!感謝神!

 

1840    mormor來探我

 

2020    大姑姐來深我,又有靚靚湯水飲

唉!小琪借我的上網,昨天仲可以睇到屋企,但係今日又睇唔到,eeeeeeeeeeeeeeeeeee........................

suklaic 發表在 痞客邦 PIXNET 留言(0) 人氣()

1 2