目前分類:靚太有美食 (21)

瀏覽方式: 標題列表 簡短摘要

與中國人蔘炖雞的不同

中國的人蔘燉雞與韓國的蔘雞湯做法各有不同、食用的時節也不同、在中國多輔以各種藥材墩煮、是冬日進補的藥膳、但在韓國是在炎炎夏日食用、因為韓國人認爲只有在很熱的天氣吃、體內不好的東西隨汗水排出、讓人蔘雞這樣滋補的東西墊底、才有益身體健康。

冬季時進補。夏季時補充流失於汗水中的養份。

2014-07-15 17.38.42  

2014-07-15 18.29.52  

suklaic 發表在 痞客邦 PIXNET 留言(0) 人氣()

係好耐、好耐、好耐的之前,我仲係返緊工的時候,就已經睇咗依個雞煲食譜,但一直都無時間去整,今日有幸可以做全職媽時一整雞煲了!

人哋用全隻雞切一細細舊,我就用雞批,小朋友食得方便,隨手嗱住就可以食,所以我改咗個名叫薑蔥雞批煲!

20131007_183616.jpg  

材料:

  • 雞腿(連骨)620克
  • 洋蔥(切粗塊) 1大個
  • 蔥(切段) 2大條
  • 薑 4片
  • 蒜蓉 2茶匙
  • 乾蔥蓉 2湯匙
  • 水 1/2杯

醃料:

  • 生抽(醬油)2湯匙
  • 老抽 1湯匙
  • 粟粉(玉米粉)1茶匙
  • 紹興酒 1湯匙
  • 糖 1茶匙
  • 蠔油 2茶匙
  • 胡椒粉 少許
  • 麻油 少許

埋獻(勾茨):

  • 粟粉(玉米粉)1茶匙
  • 水 1湯匙

做法:

  1. 雞塊用醃料醃約20分鐘,待用。
  2. 用中大火起油鑊,爆香薑片,蒜蓉和乾蔥蓉,下白色的蔥段,炒香後,加雞塊炒至轉色,兜起。
  3. 再加少許油,下洋蔥炒至微微軟身。把雞塊並所有汁料一同倒回鑊中,加三分二綠色的蔥段,快手炒熱後。加水 1/2杯。煮滾(煮開)後,轉至一瓦煲內,用中火煮約10至15分鐘,雞塊熟透。埋獻(打勾),灑下剩餘蔥段裝飾,即成。

我家兩小朋友果然勁,買咗八隻雞批仔,大人只食得一人一隻,兩個小朋友一人食咗兩隻,唔怪得食阿仔成日叫我煮飯啦,原來佢可以有啖好食!WAKAKA!

suklaic 發表在 痞客邦 PIXNET 留言(0) 人氣()

近來上網睇食譜機會多咗,見到別人整馬豆糕,我又開始手癢。

記得第一次接觸馬豆糕係我中三時參加了家政科的課外活動,當時高班有一個師姐教我哋幾個整馬豆糕,我好鐘意痴住佢,因為佢毎樣勁似我親家姐,可惜佢唔係!

所以,由細到大一有時間我就會整馬豆糕,一嚟好味,二嚟有一種親切的感覺!

上網找一輪食譜,都無一個似我當年的食譜,所以都係靠我的記憶整,尤其是無一個食譜係用大菜,用大菜就唔使用咁多生粉,健康D!

先將馬豆煲林,我將佢中火煮20分鐘,然後焗佢到要用為止!

PhotoGrid_1380293739449.jpg    

然後就將4碗水煲滾之後落大菜,要將大菜煮到溶哂為止才可以,這步驟很重要!(落咗大菜後全程用中火)

PhotoGrid_1380293784359.jpg  

來個近照看看其他材料吧,砂糖、花奶、椰醬和生粉!

20130926_205441.jpg  

大菜全溶後,就放花奶,花奶也滾後就放椰醬。

20130926_211222.jpg  

全煲奶白色液體都滾咗後,就落砂糖,為何最後落?容易調味之餘,也不會容易燶!

加咗砂糖後,便加煮好的馬豆,全煲液體滾咗後,最最最就係落生粉溝水,因為之後會好“傑”,一見佢滾就要收火!

關火後就倒落模到,入雪櫃,第二日就有美味的馬豆糕啦!(今次重手落多咗馬豆添)

20130927_075210.jpg  

suklaic 發表在 痞客邦 PIXNET 留言(0) 人氣()

放暑假前,得到貪靚同事啟發,係團購到買咗張做GEL NAIL的COUPON,本來想去瑞典前扮靚靚的,無奈人算不如天算,已BOOK好的APPOINTMENT就被自助下午茶的歡送會斷送了。

而個到期日係11/9,所以今個星期初就係咁同對方BOOK,真係難BOOK到登天!今日落咁大雨,我都隻身去咗銅鑼灣,就係為咗自己的十隻手指上妝!

20130905_151525.jpg  

又真係幾靚,唔怪得咁多人整啦!

返到屋企,又係跟一輪功課,阿仔都未C過,係我係屋企的日子,仲用扭計的方法對著我............................我一瞪大雙眼,佢立即停,要我動手佢就後悔太遲了!幸好都開始溫中文默書,無錯,中文默書,昨天已派哂中英文默書範圍,為咗唔想週未係咁溫書,只好平日做完功課後同佢博過!

明晚MORMOR、MORFAR將來我家食飯,為要慶祝MORFAR生日,本來我係想簡簡單單係美心訂個蛋糕算,但係睇嚟睇去都楝唔落手,只好明天自己整昨天的AFTER EIGHT粘性朱古力蛋糕,配埋雪糕係面就會好好味!我連雪糕都自己整呀!WAKAKA!

材料:

淡忌廉  250ML

鮮奶     250ML

糖          80G (因我會放麥提沙,所以改了50G)

香蕉       2-3隻

溶朱古力           少量

 

20130905_201844.jpg  

 

咁一定係親子的活動啦,首先,妹妹負責顏碎麥提沙,然後放到雪櫃備用!

20130905_201942.jpg  

 

然後就先切所有香焦,放到個攪盤到!

20130905_202027.jpg  

20130905_202256.jpg  

將糖及牛奶加入香蕉到,便攪3-5分鐘,小心會淺出嚟!

20130905_202312.jpg  

250ML牛奶

20130905_202524.jpg    

20130905_202535.jpg  

20130905_202836.jpg  

攪好後,放在一邊備用。拿另一個攪盤,放250ML忌廉入去,然後把忌廉把約2-3分鐘,打成泡狀,起泡就可以。

20130905_203256.jpg  

20130905_203438.jpg  

把有香蕉汁的奶倒入己起泡的忌廉內攪,約打5分鐘!

完成後,放入冰格雪一小時

20130905_204150.jpg  

一小時後,會見到混合體的表面有少許凝固,再打3分鐘,然後放入冰格再雪,如是者重覆做三次,每隔一小時打一次。

20130905_215624[1].jpg  

20130905_215736[1].jpg  

打了第三次後就將混合體放入雪糕盒內,加上之前顏好的麥提沙,再倒溶了的朱古力入內,用牙籤挑少許花,便可以放入冰格雪5-6小時,硬身後就變成美味的雪糕了!

20130905_235942.jpg 20130906_002111.jpg  

 

 

suklaic 發表在 痞客邦 PIXNET 留言(0) 人氣()

係瑞典時,去表姐家,她的女兒整了一個好美味的蛋糕,到今天腦海還記得那種味道,便立下決心要整!

表姐給了我這個食譜的網址,我試整佢個材料翻譯!

20130904_171923.jpg  

材料:

100G 種物牛油

100G AFTER EIGHT (約12片,我把它減少到8片)

2隻 蛋

200ML 糖(我又將佢減少到110ML)

250ML 低荕麵粉

3湯匙 朱古力粉

1.5茶批匙 BAKING POWDER

 

真的好美味!

suklaic 發表在 痞客邦 PIXNET 留言(0) 人氣()

昨天要工作,沒有時間去望望,今天一望,嘩!變曬色,現在要等那些醋變回清色就可以飲用了,YEAH,我要美白呀!

225191_10150178712516904_591771903_6630325_2698504_n.jpg  

suklaic 發表在 痞客邦 PIXNET 留言(0) 人氣()

早上八時,發現昨晚浸的蒜頭米醋已經有綠色,即是話佢開始發酵,所以我都話前晚過咗一年期的醋係壞咗的啦!

未命名.png  

12小時後,晚上八時三十分,發酵咗好多啦!YEAH!

未命名.png  

晚上十一時,忍唔住手又整多樽,今次好彩有姐姐幫手,否則我手會斷!十二時十五分,完成,并埋去之前個樽到,同八時半影時又深色咗,好有成功感呀!

223478_10150176428676904_591771903_6604626_6838325_n.jpg  

suklaic 發表在 痞客邦 PIXNET 留言(0) 人氣()

我上網睇其他媽媽們的BLOG,個個都話到第二日D蒜係會變色,但係今日我睇一D都無特別,想必是D醋過咗期,所以要立下決定去整,咁就要整好佢啦!

今日返完教會後同牧師個仔去咗機場二期到玩,玩咗成個下午,今次輪到卓希爸攰到不得了!返到屋企後,我飛快咁去咗PIAGO到買米醋,回家後又係到整蒜頭!昨晚的醋就倒咗佢,不過蒜頭落埋去樽新的到,就整咗依樽極品出嚟!

224670_10150175333396904_591771903_6591384_3348199_n.jpg  

今日浸(24/4/2011),20日後即是13/5/2011可以飲啦!等我每日睇吓佢的情況先!

材料 :
四百七十三亳升的米醋一瓶
蒜頭粒一斤去衣
(一斤蒜頭約有9大個,另去衣後的蒜頭千萬不要用水清洗。)

炮製的方法很簡單:
把米醋分裝兩瓶 (每瓶二百三十六點五亳升), 把蒜頭粒平均的分別放入兩瓶醋內, 封篕, 放在陰涼的地方, 浸二十日後才開始飲用

服用方法:
每一次一大茶匙, 倒入杯中, 用溫水或涼水稀釋飲服. 早餐後一次, 晚餐後一次.

suklaic 發表在 痞客邦 PIXNET 留言(0) 人氣()

今早九時半致電給MORMOR、MORFAR,原來成屋五個已起哂身,仲上咗神學院後面個山到行山,然後MORMOR係咁催我哋嚟接佢哋,我都知唔易的啦!哈,果然不出我所料,MORFAR謝哂!

原來卓希昨晚同MORMOR、MORFAR係大床到訓,佢隻無影腿咪成晚踢到佢哋兩個,成晚鼻水倒流係咁咳,一早六點幾就咳到嘈醒MORFAR!妹妹就訓SOFA,都係佢哋食早餐時佢先醒(ME姐姐話後來MORFAR走番上床到(懶床,點都唔起身,要妹妹醒咗後爬上佢張床到叫佢起身!)

我哋十二點半到時,成間屋都好靜,攪邊科呢?一入屋就見到MORFAR睇睇吓電視係SOFA到訓咗(笑C我,知道湊住兩個辛苦呢!),兩個小朋友係洗手間到玩,玩乜嘢呢?仲記得MORFAR、MORMOR買咗一隻烏龜給卓希嗎?兩個咪就係洗手間到又放水,又放烏龜,所以咪咁靜,隻烏龜唔俾佢哋玩殘都出奇!

page4.jpg  

話說妹妹未出世前半年,上網已流傳話飲蒜頭米醋可以美白,降脂!但係妹妹出咗世後,我不停咁病,有一次放人奶入雪櫃時仲倒瀉咗,咁咪無得飲!

今日無意中係網上又睇番,真係心癢癢,又走去浸過。不過家中米醋已經過期咗一年,而且我又得好少蒜係屋企,真係唔知會唔會成功,等我搵一日去IKEA買個D玻璃樽,仲要去JUSCO再買過米醋先!

222042_10150174522151904_591771903_6582093_3392112_n.jpg  

suklaic 發表在 痞客邦 PIXNET 留言(0) 人氣()

其實我買咗材料好耐,但係都無動力去整CHEESE CAKE,真係整開有條引,今晚返到屋企,有D求其咁同卓希練PHONICS後(我求其,係因為覺得親子的嘢唔一定要係學業上,可以係其他方面都可以好好玩),就開展我哋三人整CAKE的樂趣。三人係因為卓希爸對依方面無興趣,佢唔彈我整的蛋糕我就已經好開心,更何況依家講開食的時候,我已經有兩個大FANS,無老公都無所謂!(哈!依D係咪就係叫做“要仔唔要公”呢?)嘻!跼!嘻!

由七時四十五分,開始預備,到整哂係八時四十五分,剛好佢哋兩個要上床。我哋共整咗兩個CHEESE CAKE,一個係STRAWBERRY CHEESE CAKE,一個係BLUEBERRY CHEESE CAKE,大家都整得好開心!雖然兩個小朋友都係左手左腳,但係相比起要溫習,大家都笑好多同有多些交流!我的小朋友係要做一個正當人,唔係做一個蛀書蟲!

食譜係依到,我自己整唔同的變化,希望好味啦!

STRAWBERRY CHEESE CAKE

untitled.bmp 

BLUEBERRY CHEESE CAKE

 untitled.bmp

suklaic 發表在 痞客邦 PIXNET 留言(0) 人氣()

昨天工人姐姐係咁問我晚上食乜嘢,我真係唔想答,因為一想起佢煮嚟煮去都係個幾味時,就無乜興趣!突然唔知點解,同卓希傾起我好拿手的咖哩雞,卓希好鐘意食,因為出面食唔到唔辣,而我煮的就正正係唔辣的。卓希請我煮,咁好啦!(平時我好少煮,最唔鐘意個為食姐姐成日想老點我煮嘢食,因為我真係煮得好好味!)

咁我就為咗個仔大顯身手,一手包辦晚飯,半小時攪點!個個都話好味,卓希食到添飯,妹妹食到係咁要薯仔,工人姐姐食到聲都唔聲,我自己都食到同卓希一樣要添飯!(不過唔記得影相)

一係就唔整,一整就有條引,今晚凍,所以話打邊爐,由買嘢,到個湯底都係我自己一手包辦,所有嘢都食清光,勁!我好ENJOY整嘢食俾佢哋食呀!

163019_500687941903_591771903_5879906_5014158_n.jpg  

不過我自己就好頭痛,又好似失失哋聲,唉!依個凍天真係失聲失得多!

 

suklaic 發表在 痞客邦 PIXNET 留言(0) 人氣()

今日又係我一個人全線照顧兩個小朋友,其實SET好RULES的時候,一D都唔難,難就難在卓希要返興趣班,1:30-2:30朱古力班,3:30-4:30畫班,中間隔咗一個空間。本來係幫佢報A畫班,咁就係接住落2:30-3:30,可以連圍裙都唔使除,但係到我報的時候,居然A班無哂位,要報B班,咁即是要有一小時的自由時間。本來,帶咗卓希去朱古力班後,我係打算唔返屋企,同婷婷係童軍中心等卓希的,點知收到一個媽媽朋友的電話,要返屋企幫佢上網整少少嘢,所以留底咗卓希後,就急急腳返屋企。咁啱,婷婷又扭計,要同哥哥一齊玩,只好“的”佢上車仔,然後衝返屋企。

好,到2:30接卓希後,我哋就去咗大排檔到TEA,點知超多蚊,我哋三個都被咬,然後去日本城到睇玩具。帶卓希返童軍中心後,原本係無諗住返屋企,點知,依個時候嫲嫲打嚟,話佢哋的工人姐姐要拎湯過嚟,又係急急腳咁走返屋企。可想言之我的運動量大到不得了,到最後一節接到卓希後,又要急急腳返屋企,預備佢哋三個的晚飯,因為我晚上有約會。

好開心的飯局,咪又係約咗卓希同學仔的媽媽們,今次我哋傾生仔時的經驗,笑到肚爆。我未試過食日本菜任食的,第一次,真係超好味!松屋,我一定會回來!

返到屋企,都未夠十點,但係就好激氣,碗未洗、玩具係地上無執、小朋友刷牙後的牙刷毛巾還在洗手盤內。平時小朋友們係會自動自覺執玩具,刷完牙後會放返好哂所有嘢,但係今晚屋企真係七國咁亂,一返到屋企就係做家務,真係成肚氣!

suklaic 發表在 痞客邦 PIXNET 留言(0) 人氣()

超碼數到兩個人要求木糠布丁的食譜,見大家咁有興致,分享一下都好!可以整到六至八份啫哩杯的!(我明天才補張相!)

page.jpg 

材料︰

瑪莉餅

200

可可粉

2湯匙

忌廉

500毫升

煉奶

100

雲呢籽

1/4茶匙

雲呢糖

1湯匙

 

製作

1.  

先以攪拌機打碎瑪莉餅,將其中100克跟可可粉拌勻,另一半備用﹔

2.

將忌廉打勻至軟,再拌入煉奶、雲呢籽及糖,拌勻後放入唧袋中 。

3.  

將瑪莉餅碎先鋪在餅模的底層,然後唧上忌廉,再鋪上一層混合了可可粉的餅碎,再唧忌廉,如是者以「梅花間竹」的方法填滿餅模,然後放進雪櫃,待冷凍即成。

suklaic 發表在 痞客邦 PIXNET 留言(0) 人氣()

好多謝一班有承諾的同事們,佢哋上星期六又去咗貝澳挖蜆,今次我哋一家有份食啦!好味,連卓希都話好味道!(我煮得好味咋!哈哈!) page.jpg

suklaic 發表在 痞客邦 PIXNET 留言(0) 人氣()

係網上到睇到有關的食療,個心好想試下,但基於兩個原因唔敢試:

一、幾個處方都係會係咁痾,咁我要返工的,點樣做到嘢呢?

二、要飲好多橄欖油,我怕得不賞失,會produce太多膽汁的時候,好似上次咁入醫院!

 

膽結石食療法(雷久南博士方)

第1~5天

‧每日5顆蘋果,飲食清淡少油,
‧蘋果青紅不拘,如果是比較大的蘋果,可以吃少些(比如富士蘋果只吃3顆)。
‧可打成蘋果汁,每日飲用1000cc。
‧吃蘋果是為了軟化結石。

第6天

不吃蘋果,飲食清淡少油,過午不食
6pm :喝一小匙瀉鹽加溫水(可用西柚汁/蘋果汁代清水,較易入口。)
8pm :喝一小匙瀉鹽加溫水
10 pm:半杯鮮榨檸檬汁+半杯食用橄欖油混合一次慢慢喝完
    (可用西柚汁代檸檬汁,喝後馬上上床睡覺) 

‧瀉鹽→放鬆膽管,橄欖油→促使大量分泌膽汁,沖出結石。
‧次日(甚或當晚)開始排出青黑色糞便,結石會浮在水面上,可挑起存證。
‧若第一次排出很多結石,可數月後再做一次清除剩下的。
‧一般人可一年一次,預防結石。

 

一日排結石方(Opal Wright方)

材料:冷壓橄欖油(470ml),10~12個新鮮檸檬

當日下午:午後不吃任何食物,只喝白開水或果汁。
6pm: 開始什麼都不吃,包括白開水。
     準備工作:把檸檬全部擠汁裝入瓶中。
7pm: 開始清除:
‧4大匙橄欖油+2大匙新鮮檸檬汁(怕油味可加3大匙),拌勻喝下。
‧每15分鐘喝一次上述混合汁,喝完為止,約計十次,歷時兩個半小時。
‧睡覺,次晨(甚或半夜)開始排出,不會痛。

有人清出百多顆後,三星期後膽痛,再清一次又排出七十多顆,就沒事了。

 

另一個排肝毒和排膽石的療程

排肝毒和排膽石的療程分別為10天和6天,但建議一次過同時進行,也就是在排肝毒療程進行到第5天時,加入排膽石的療程。

排肝毒(10天療程)
第一至十天
準備飲料
‧溫開水──3/4杯
‧糖蜜(molasses)──1湯匙
‧檸檬汁──2湯匙
‧紅椒粉(cayenne pepper)──1/4茶匙
‧橄欖油(olive oil)──1茶匙

持續10天,在早上5點至7點之間,將以上的材料加在一起攪拌均勻,然後空腹喝下。

排膽石(6天療程)

從第五天開始每天飲用1公斤的蘋果汁(每次一杯),直到第10天。

第十天
請注意:
‧在下午4點前喝完最後一杯蘋果汁。
‧5pm:晚餐
‧6pm:喝一杯溫開水+一茶匙瀉鹽
‧8pm:喝一杯溫開水+一茶匙瀉鹽
‧10pm:喝半杯(100ml)檸檬汁+半杯(100ml)橄欖油
‧上床睡覺(向著右側)

第十天半夜或第十一天早上
‧排便。
‧排便時用篩子裝起糞便,然後用水沖掉糞便。若有膽石排出,就可以看見一顆顆的固體留在篩子裡。

suklaic 發表在 痞客邦 PIXNET 留言(1) 人氣()

自從有姐姐幫手後,我自己都好少落廚(快會唔記得點煮飯),不過甜品都會自己落廚的.近日好想食椰汁西米露,未整過,上網睇人哋點整,自己整,仲加上d芒果,就係美味的芒果椰汁西米露,哈哈哈!

suklaic 發表在 痞客邦 PIXNET 留言(0) 人氣()

今日我十一點半已經返到心光,因為係一年一度的聖誕聯合崇拜,得我一個人去預備,點都要做得好好睇睇。由十一點半起,雙腳係咁不停咁行,除咗食飯個一小時,同崇拜個一小時外,直至到晚上十點放工時,雙腳都不停地運作。
 
雖然我已有一隻好好行的ecco鞋,但係由於一日之內行得太多,隻腳的腳趾尾都起了水泡。感謝神,我有一輪私家車,不用搭車才回到家,但由停車場行返屋企那段路都痛到我想c!雙腳又開始腫啦!唉!我都唔想,但係今日有聖誕聯合崇拜,跟著以為可以座下來時,又突然間出現咗德國宣教士,院長要外出開會,所以要我招呼她們。咁又要帶她們四週咁行行走走,之後仲約咗judy係灣景到食飯(我都成幾年無行過去灣景啦!)好唔想行,但應承咗,,無得唔去,返心光時已經覺得隻腳好重。跟著今晚又有兩個團契的聯合聖誕聯歡會,做做做,不停咁做。做到最後,我都開始忟忟哋,知道自己要休息啦!(因為我開始向d學生發火!)
 
希望明天隻腳會好d啦,因為我見到d青筋現哂,我最怕係半夜抽筋,好驚,好痛的!休息啦!

suklaic 發表在 痞客邦 PIXNET 留言(0) 人氣()

香港的老字號越賣越少,近來問朋友借了一本飲食男女來看(以前鐘意個個星期都睇,自從卓希出咗世之後都無啦!)吸引我的不是去邊到食乜嘢菜式,而係佢今次講起老字號的醬園。

我個人煮嘢食就覺得調味料好重要,所以一講到有關醬油就好想知多d。尤其是天氣開始涼時,會想食下唔同的煲菜(卓希爸就最鐘意食牛腩)。今次令我好想要的係劉成和醬園的麵鼓,我好想去試下,因為由細到大都好鐘意麵鼓個陣味,也許是潮州人喜歡吧。

好想去買一斤嚟試吓,不過要去到深水步,又要跟著去找,而家我咁的身世係唔會去咁遠啦!如果有邊個去開的話,唔該幫我買一斤嚟試下啦!
劉成和醬園
長沙灣元州街430A
tel:2741 9502
營業時間:8:10am-6:30pm星期日休息

仲有呀,我就好鬼鐘意食酸嘢的,今次仲好,本書仲介紹咗一間係觀塘的醬園,叫大孖醬園。唔係用普通醋浸的,而係用五度陳醋浸的(五度是指可飲用醋的最高酸度,要經過七個月醞釀才成的,功效能增強腎,肝臟功能,陵毒和促進新陳代謝)。今次好啦,係觀塘,都算近d,不過唔知幾時先會去,但係就肯定一定會去,因為佢仲有現成的浸青瓜買,諗起都口水流!
大孖醬園
觀塘崇仁街33號
tel:2342 6378

suklaic 發表在 痞客邦 PIXNET 留言(0) 人氣()

  • Oct 31 Wed 2007 21:49
  • 胃口

經過三個月地獄式的嘔法,這兩個星期胃口好咗好多!
 
我由上次有卓希開始,一直都好控制自己的食量,尤其是食飯,因為我怕會肥係我身上。所以餐餐飯都只係食半碗,寧願食多d菜,上次係咁,今次都係。不過一出去食飯就不得了,好似今晚係bu返學前,去飯堂到食飯,嗰到有成碗的飯係碟到,已經好餓啦,咁就食啦!不過又要控制自己唔可以食咁多,但係唔食又好似好“哂”咁,食食下又食得哂(因為真係好餓!)但係食完要行去上堂就知唔得惦,因為太飽,頂住個心口,都係為食之過!希望今胎可以好似上胎一樣,只係重三十磅左右啦,但係我怕自己會為食。因為我覺得近一個星期應該係重咗,條腰痛麻,不過又唔敢上磅知道真相,唉!女人真係煩!

你話我有無肥到?????

suklaic 發表在 痞客邦 PIXNET 留言(1) 人氣()

我好鬼鐘意食蛋卷,一見到某商場見到有人即場做蛋卷時,就會即買。聽人講過話北角有間“德成號”(都係近來先知),就托羅姑娘幫我買,佢話原來依間“德成號”日日都好快賣哂所有的蛋卷!咁利害???

今日羅姑娘終於幫我買到啦!嘩!真的好好味,卓希都一口氣食咗兩條。我諗我哋會好快就食哂佢的啦!(好開心呀!)

suklaic 發表在 痞客邦 PIXNET 留言(3) 人氣()

1 2
找更多相關文章與討論