港楊回憶，樂趣無窮！

我哋兩家人，約咗大約8:45AM就去食早餐，都係去咗HARD ROCK CAFE，因為餘下的一千元飲食卷，剛好可以COVER到HARD ROCK CAFE的早餐，否則如享用酒店的自助早餐，便要倒貼錢，我哋幾個大人都係窮等的老師，一定計到盡，剛好，一千六百元的飲卷在酒店範圍內食了兩餐！

享用完早餐後，便回房收拾行李，CHECK OUT，帶小朋友去早已應承的童夢天地，讓他們玩足兩小時，真係幾好玩！阿仔真係鐘意刺激又大膽的嘢，俾我就一定唔敢玩！

之後，我哋去咗官也街食蟹粥，以為小朋友唔鐘意食，點知個個都食，連婷婷都係咁添，真係食窮我！

四週去行，但今次同七年前好唔同，週圍都係國內同胞，連官也街附近的博物館，也是人頭湧湧，我哋只好四週行，係咁HEA吓！

好難得先搵到有條後巷係無乜人，可以留係到影吓相！

好快，又係時候SAY GOODBYE，今次澳門之旅乜都無PLAN到，只係隨心所意咁週圍去，週圍行，我鐘意咁，工作已迫到我透不過氣來，唔想連旅行都迫自己。感謝天父，讓我們可以外出玩吓，增加一家人的感情！

個幾月前，已和阿仔禮幼時的好朋友媽媽商量，聖誕一起去旅行(去年我們去咗浸溫泉)，今年佢哋發現有一個平PACKAGE，可以住GRAND HYATT MACAU之餘，仲有每房有$800元飲食消費卷可以在酒店到用！

好耐我都無時間與心機影相，今次都拎咗部大相機，真係想影吓相，娛樂下自己，咪成日掛住工作及阿仔功課。但，太耐無楂單反機，手震得很！

在船上我開始試機，三個小朋友一齊座，開心快活人！

住的是GRAND HYATT MACAU，去到我才知是套房(因之前勁忙，所有嘢都係交給朋友仔媽媽去攪)，嘩，唔單只小朋友開心，我都開心，因為如果我哋自己BOOK，老公一定唔俾，依家人哋做哂，我只係去享受呀！

我好欣賞這部咖啡機，只是放一小盒咖啡粉入去，便可以有一杯美味的真正咖啡，我享受咗三次！嘻！

睡房，張床剛好足夠我哋四人一張床的習慣，晚上我仲拉埋張SOFA貼床邊，加大咗張床！WAKAKA！

不過，有好就有唔好，就係沖浪時無私懚，咁大塊玻璃，後來原來阿仔找到一個地方，可以將個簾拉落嚟，個心都沖得安樂D！

貴價酒店真係好貼心的照顧，睇吓電話下面個櫃，估下係乜？

開估未？

開啦！                                                 就係成排電制，任你义電，問你C未！

仲有依個盒，真係好體貼：

原來全是义電線，不過...................無咗IPHONE條線，好彩我有帶去！

在LIFT裏的藝術作品！唔知係乜，但成間酒店都有香薰味，連LIFT都有！GOOD！(晚上才有時間補多幾張酒店大堂)

好啦，出發去食飯！

經過左諗諗，右諗諗後，決定要盡用兩間房得來的$1600飲食卷，唔好以為可以食好多嘢，要記得我哋住緊係五星以上的酒店，所以都係一個字「費」，午餐去咗HARD ROCK CAFE到食，用咗$600餐卷！(忘了影相)

然後，去景點啦！唔知點解阿仔係學校聽過「大三巴」的故事，佢去澳門前已話一定要去「大三巴」，咁我哋就分兩部的士，齊齊入巿中心！

係去「大三巴」的路程上，我又多口，同阿仔講咗有關馬禮遜的故事，所以，過高山，落油鍋都要去搵「馬禮遜堂」，講一講這個偉人故事！

然後就去咗「大炮車」，去睇一車車的大炮，名乎其實的車大炮！

跟著，就帶佢哋去「水茶軒」，當年我抽獎，仲咗一世免品茶(七年前)，依家仲可以手張卷，真係好，不過今次無飲到，因為得我一個想飲！

我鐘意「水茶軒」嗰種古色古香的品味，真係好靚！

晚飯就去咗「西環咖哩屋」，太好味，好味到一張相都無影到！(我真大頭蝦)

食完飯，就梗係去散下步，消化吓先！剛好經過澳督府，影兩張相，留念吓先！

然之後，梗係去睇吓「威尼斯人酒店」，見識吓乜嘢叫做“不夜天”的天花！

好多人都話威尼斯人酒店好？但我唔覺，太多人去睇依間酒店，好似遊覽境點之一，D人太雜，好危險，我都係寧願俾多少少錢，住貴少少，但起麻有安全感，唔會一出咗房門就怕小朋友走失！

好攰，行唔使十分鐘便回到我們的酒店，回房，休息！