港楊回憶，樂趣無窮！

昨日和今日同卓希做功課，佢都唔係好專心，激到我係咁罵佢，佢的反應就係“大喊”。卓希其實係好鐘意做功課，但係佢有一個弱點，就係容易被身邊的事物影响，尤其是佢爸爸。昨天就係佢做緊一版功課時，只顧著睇下面的公仔，唔理之前佢要做的嘢，我講解咗兩次，佢都傻傻哋咁望著我，激到我火滾，大聲咁破口大罵！要講到第三次，仲要用其他嘢將下面的嘢high it，咁先能專心聽我講解。今日就為咗想快d同佢爸爸玩，又趕著去飲咖啡，所以唔專心！

唉！依個仔細細個都已經有咁的問題，無論睇電視，或者睇書，佢都唔能夠定定地咁，所以我先諗住俾佢跟基教的bonnie ee學畫畫，要佢定定咁坐係到專心一段時間嚟完成某一種嘢！參加咗第三個section，見佢有進步，但係昨日同今心真係淚到我嘔血！！！除咗學校那本暑期作業，停課時我仲係其他幼稚園download咗人哋的worksheet嚟同卓希做，依家仲日日做緊兩三份。然後，我自己買多兩本作業，希望佢唔好唔記得“做功課”的規律！我唔使佢好叻，又唔使佢好似其他家長咁一定要小朋友細細個已經寫好深的字，但係我想佢係學校學習咗的規律可以係平日到用番，要佢自己約束自己時，日後才會有成就！天父呀！求你俾我力量同耐性！